حالىق قۇرىلتايى تۇراقتى كوميتەتىنىڭ 5 - ءماجىلىسى بەيجيڭدە اشىلدى

2018.08.28 16:51   كەلۋ قاينارى : حالىق تورابى

　　«حالىق گازەتى»، 27 – تامىز، بەيجيڭ (ءتىلشى ۋاڭ بيشۋە). مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ 5 - ءماجىلىسى 27 – تامىز تۇستەن كەيىن بەيجيڭدەگى حالىق سارايىندا وتكىزىلدى. كوميتەت باستىعى لي جانشۋ ءماجىلىستى باسقاردى.


　　ماجىلىستە مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى شۇي حۇي جاساعان ەلەكتروندى ساۋدا زاڭى جوباسىن قاراۋ ناتيجەسى جونىندەگى مالىمەت تىڭدالدى. جوبانىڭ ءتورتىنشى رەت قارالعان نۇسقاسىندا ەلەكتروندى ساۋدا قيمىلىمەن شۇعىلدانۋدا ورتانى قورعاۋ بورىشىن وتەۋ مازمۇنى بەلگىلەندى، ەلەكتروندى ساۋدا تەكشەسىندە تيجاراتپەن شۇعىلدانۋشىلاردىڭ قوسىمشا جاۋاپكەرلىگى ايقىندالدى، تاۋارعا جانە قىزمەت وتەۋگە اقى تولەۋدەگى قاتىستى بەلگىلەمە كەمەلدەندىرىلدى.


　　ماجىلىستە مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى حۋ كىميڭ جاساعان توپىراقتىڭ لاستانۋىنان ساقتانۋ زاڭىنىڭ جوباسىن قاراۋ ناتيجەسى جونىندەگى مالىمەت تىڭدالدى. جوبانىڭ ءۇشىنشى رەت قارالعان نۇسقاسىندا قاينارىنان ساقتانۋ كورنەكتىلەندىرىلىپ، جەر استى سۋىنىڭ لاستانۋىن ساقتانۋ كۇشەيتىلىپ، «لاستاۋشى جاۋاپكەرلىك ارقالاۋ» بەكەمدەلىپ، زاڭعا قايشى ارەكەتتەرگە جازا بەرۋ تەبىنى ارتتىرىلدى.


　　ماجىلىستە شۇي حۇي جاساعان جەكەلەر تابىس باجىسى زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى مالىمەت تىڭدالدى. جوبا العاش قارالعاننان كەيىن الەۋمەتتەن پىكىر الىندى. نەگىزگى زاڭ جانە زاڭدار كوميتەتى تۇراقتى كوميتەت قۇرامىنداعىلاردىڭ قاراۋ پىكىرىنە جانە ءار جاقتىڭ پىكىرىنە ساي، جوبانى تارماقتار بويىنشا قارادى، جەكەلەر تابىس باجىسى زاڭىنا وزگەرىس ەنگىزۋ جونىندەگى قاۋلى جوباسىن ورتاعا قويدى، قالاماقى تابىسى سياقتى اقى ۇستاپ قالۋ تۇرلەرىن كوبەيتتى، قارتتاردى باعىپ - قاعۋ شىعىسىن باجىدان بۇرىن ۇستاپ قالۋدى ايقىندادى، باجىنى تارتىپ قالۋعا مىندەتتى ادام باجى تاپسىرۋشىنى قاتىستى تارتىپ قالۋ ينفورماتسياسىمەن قامداۋعا ءتيىس دەگەن مازمۇن قوسىلدى، ت. ب.


　　كەلۋ قاينارى: حالىق تورابى