جۇڭگو - افريكا سەلبەستىك فورۋمىنىڭ بەيجيڭدەگى ءسامميتى سالتاناتپەن اشىلدى
شي جينپيڭ اشىلۋ سالتىنا قاتىناستى ءارى ارقاۋ ءسوز سويلەدى
جاڭا داۋىردەگى اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن قول ۇستاسا سومداپ، شارۋاشىلىقتى جەبەۋ، قۇرىلعىلاردى تۇتاستىرۋ، ساۋدانى قولايلىلاندىرۋ، جاسىل دامۋ، قۋات قۇرىلىسى، سالاماتتىق جانە دەنساۋلىق ساقتاۋ، گۋمانيتارلىق اۋىس - كۇيىس، بەيبىتشىلىك پەن حاۋىپسىزدىك سىندى «سەگىز ءىرى ارەكەتتى» تۇيىندەپ ويداعىداي اتقارۋدى دارىپتەدى
2018.09.04 16:33 كەلۋ قاينارى : حالىق تورابى
«حالىق گازەتى»، 3 – قىركۇيەك، بەيجيڭ (تىلشىلەر جۋ جيڭرو، گۋان كىجياڭ، دۋ شاڭزى). جۇڭگو - افريكا سەلبەستىك فورۋمىنىڭ بەيجيڭدەگى ءسامميتى 3 – قىركۇيەكتە حالىق سارايىندا سالتاناتپەن اشىلدى. جۇڭگونىڭ مەملەكەت ءتوراعاسى شي جينپيڭ اشىلۋ سالتىنا قاتىناستى ءارى ارقاۋ ءسوز سويلەپ، جۇڭگو مەن افريكانىڭ قول ۇستاسىپ، جاۋاپكەرشىلىكتى تەڭ ارقالايتىن، سەلبەسە تەڭ يگىلىكتەنەتىن، باقىتقا بىرگە كەنەلەتىن، مادەنيەتتى بىرگە گۇلدەندىرەتىن، حاۋىپسىزدىكتى تەڭ قالىپتاستىراتىن، جاراسىمدى قاتار ءومىر سۇرەتىن جۇڭگو - افريكا تاعدىرلاس ورتاق تۇلعاسىن جۇمىلا سومداپ، شارۋاشىلىقتى جەبەۋ، قۇرىلعىلاردى تۇتاستىرۋ، ساۋدانى قولايلىلاندىرۋ، جاسىل دامۋ، قۋات قۇرىلىسى، سالاماتتىق جانە دەنساۋلىق ساقتاۋ، گۋمانيتارلىق اۋىس - كۇيىس، بەيبىتشىلىك پەن حاۋىپسىزدىك سىندى «سەگىز ءىرى ارەكەتتى» تۇيىندەپ ويداعىداي اتقارۋدى دارىپتەدى.
كۇز باسىنداعى بەيجيڭ. تيان - انمىن الاڭى مەن چاڭ - ان كوشەسىنىڭ ەكى جاعاسىندا گۇلدەر قۇلپىرا اشىلىپ، جۇڭگو - افريكا سەلبەستىك فورۋمىنا مۇشە ەلدەردىڭ مەملەكەت تۋلارى، افريكا وداعىنىڭ تۋى جانە جۇڭگو - افريكا سەلبەستىك فورۋمىنىڭ بەلگىسى باسىلعان تۋلار جەلبىرەپ تۇر. حالىق سارايىنىڭ سولتۇستىك قاقپاسىنىڭ سىرتىندا قۇرمەت قاراۋىلى قىزىل كىلەمنىڭ ەكى جانىنا ساپ تۇزەگەن. ساعات 16 مولشەرىندە فورۋمنىڭ سامميتىنە قاتىناساتىن شەتەل جاقتىڭ باسشىلارى ىركەس - تىركەس كەلىپ جەتتى. شي جينپيڭ سولتۇستىك زالدا ىستىق ىقىلاسپەن قارسى الىپ، ولارمەن ىستىق ىقىلاسپەن ءبىر - بىرلەپ قول الىسىپ امانداستى. سونان كەيىن جۇڭگولىق جانە شەتەلدىك باسشىلار ەستەلىك سۋرەتكە ءتۇستى.
زالدا شام جارىعى سامالاداي جارقىراپ، گۇل شوقتارى كوزدىڭ جاۋىن الىپ، جۇڭگو - افريكا ارىپتەستەرى ءبىر ارادا باس قوستى. ءتوراعالار مىنبەسىندە جۇڭگو - افريكا سەلبەستىك فورۋمىنىڭ بەلگىسى كوزگە شوقتاي باسىلادى، جۇڭگو مەن 53 افريكا ەلىنىڭ مەملەكەت تۋلارى مەن افريكا وداعىنىڭ تۋى حانزۋ، اعىلشىن، فرانسۋز تىلدەرىندە «2018 - جىلعى جۇڭگو - افريكا سەلبەستىك فورۋمىنىڭ بەيجيڭدەگى ءسامميتى» دەپ جازىلعان ءىرى كولەمدى كوك ءتۇستى ارتقى كورىنىس تاقتاسىنىڭ الدىنا رەتتى تىزىلگەن. 16 ساعات 40 مينۋت مولشەرىندە اسكەري وركەستر دۋماندى دا سالتاناتتى قارسى الۋ مارشىن ورىندادى، شي جينپيڭ مەن شەتەل جاقتىڭ باسشىلارى جينالىس زالىنا بىرگە كىردى، بۇكىل زالداعىلار ورىندارىنان تۇرىپ، شاتىرلاتا قول سوقتى.
شاپالاق ءۇنى ىشىندە شي جينپيڭ «قول ۇستاسا تاعدىرلاس بولىپ، ءبىر نيەتپەن دامۋدى جەبەيىك» دەگەن تاقىرىپپەن ارقاۋ ءسوز سويلەدى (ءسوزدىڭ تولىعىن «حالىق گازەتىنىڭ» 2 – بەتىنەن وقي الاسىزدار).
شي جينپيڭ فورۋمنىڭ سامميتىنە قاتىناسقان گامبيا، سان - تومە جانە پرينسيپي، بۋركينا فاسو سىندى فورۋمىنىڭ جاڭا 3 مۇشەسىنىڭ باسشىلارىن قامتىعان شەتەل جاقتىڭ باسشىلارىن قىزۋ قارسى الدى.
شي جينپيڭ مىنالاردى اتاپ كورسەتتى: جۇڭگو مەن افريكا ەكى جاق قارايلاس كەشۋلەر مەن ورتاق بورىشقا نەگىزدەلىپ، وتكەن ۋاقىت ىشىندە ءبىر نيەت، ءبىر تىلەكتە بولىپ، ءوزارا قارايلاسىپ، ەرەكشەلىگى ايقىن سەلبەسە تەڭ يگىلىكتەنۋ جولىن اشتى. وسى جولدا جۇڭگو ءارقاشان شىنايى، ادال بولۋ ۇستانىمى مەن دۇرىس ادىلەت - مۇددە كوزقاراسىن ۇستانىپ، افريكا ەلدەرىمەن ءبىر نيەتپەن ىنتىماقتاسىپ، تار جول، تايعاق كەشۋدەن بىرگە ءوتىپ، قول ۇستاسا العا باستى. جۇڭگو سەلبەستىك بارىسىندا شىنايى دوس بولۋدا، تەڭ مامىلە جاساۋدا تاباندى بولدى، ادىلەت پەن مۇددەنى بىرىكتىرۋدە، ادىلەتتى العا شىعارۋدا تاباندى بولدى، حالىق ءۇشىن دامۋدا، شىنشىل، جوعارى ءونىمدى بولۋدا تاباندى بولدى، اشىق، سيىسىمدى بولۋدا، ءبارىن بىردەي قامتۋدا تاباندى بولدى. جۇڭگو «بەستى ىستەمەۋدە»، اتاپ ايتقاندا، افريكا ەلدەرىنىڭ ءوز مەملەكەتىنىڭ جاعدايىنا ۇيلەسەتىن دامۋ جولىن قاراستىرۋىنا كيلىكپەۋدە، افريكانىڭ ىشكى ىستەرىنە كيلىكپەۋدە، ءوز ەركىن باسقالارعا زورلاپ تاڭباۋدا، افريكاعا كومەكتەسۋگە ەشقانداي ساياسي شارت ۇستەمەۋدە، افريكاعا قارجى قوسۋ، قارجى قۇراۋ بارىسىندا ساياسي پايدانى كوزدەمەۋدە تاباندى بولدى. جۇڭگو ءار ەلدىڭ افريكا ىستەرىن ءبىر جاقتى ەتكەندە وسى «بەستى ىستەمەۋدى» ورىنداۋىن ءۇمىت ەتەدى.
شي جينپيڭ مىنالاردى دارىپتەدى: افريكانىڭ دامۋ مۇمكىندىگى شەكسىز، افريكانىڭ بولاشاعى ۇمىتكە تولى، جۇڭگو - افريكا دوستىعى مەن سەلبەستىگىنىڭ بولاشاعى كەڭ، جۇڭگو - افريكا جاپپاي ستراتەگيالىق سەلبەستىك ارىپتەستىك قاتىناسىنىڭ دامۋىنان زور ناتيجە كۇتۋگە بولادى. جۇڭگو ماڭگى افريكانىڭ جاقسى دوسى، جاقسى سەرىگى، جاقسى اعايىنى. جۇڭگو - افريكا سەلبەستىگى جاقسى ما، ەمەس پە، بۇل تۋراسىندا تەك جۇڭگو - افريكا حالىقتارى عانا ءسوز قوزعاۋعا حاقىلى. ەشكىم دە جۇڭگو - افريكا حالىقتارىنىڭ ۇلى ىنتىماعىن بۇلدىرە المايدى، ەشكىم دە جۇڭگو - افريكا حالىقتارىنىڭ كوركەيۋ قادامىنا ورالعى بولا المايدى، ەشكىم دە جۇڭگو - افريكا سەلبەستىگىنىڭ كورنەكتى ناتيجەسىن قيالمەن نەمەسە ويجوتا جورامالمەن تەرىسكە شىعارا المايدى، ەشكىم دە حالىقارالىق قوعامنىڭ افريكانىڭ دامۋىنا قولداۋ كورسەتۋ جولىنداعى بەلسەندى ارەكەتىنە توسقاۋىل قويىپ، كەدەرگى كەلتىرە المايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
