شي جينپيڭ جۇڭگو - افريكا فورۋمىنىڭ بۇرىنعى كەزەك ورتاق ءتوراعا ەلى جانە جاڭا تاعايىندالعان ورتاق ءتوراعا ەلىنىڭ باسشىلارىمەن بىرگە تىلشىلەردى قابىلدادى
2018.09.05 16:32 كەلۋ قاينارى : حالىق تورابى
«حالىق گازەتى»، 4 – قىركۇيەك، بەيجيڭ (تىلشىلەر ۋاڭ دي، جاڭ پىڭحۇي، ليۋ ليڭليڭ). 2018 - جىلعى جۇڭگو - افريكا سەلبەستىك فورۋمىنىڭ بەيجيڭدەگى ءسامميتى 4 - قىركۇيەكتە جابىلعاننان كەيىن مەملەكەت ءتوراعاسى شي جينپيڭ تالقىنىڭ بۇرىنعى كەزەك ورتاق ءتوراعا ەلى وڭتۇستىك افريكانىڭ پرەزيدەنتى راماپوسا، جاڭادان تاعايىندالعان ورتاق ءتوراعا ەلى سەنەگالدىڭ پرەزيدەنتى ماكي سالمەن بىرگە حالىق سارايىندا تىلشىلەردى قابىلدادى.
شي جينپيڭ سوزىندە مىنالاردى اتاپ كورسەتتى: جۇڭگو - افريكا سەلبەستىك فورۋمىنا مۇشە ەلدەردىڭ باسشىلارى بەيجيڭدە باس قوسىپ، «سەلبەسىپ ورتاق يگىلىككە كەنەلۋ، جۇڭگو مەن افريكانىڭ اناعۇرلىم تىعىز تاعدىرلاس ورتاق تۇلعاسىن سومداۋ» تاقىرىبى اياسىندا جۇڭگو مەن افريكا قاتىناسىنىڭ بولاشاق دامۋىن جوسپارلاپ، سەلبەستىك كارتيناسىن سالدى. ماجىلىستە «جۇڭگو مەن افريكانىڭ اناعۇرلىم تىعىز تاعدىرلاس ورتاق تۇلعاسىن سومداۋ جونىندەگى بەيجيڭ جارناماسى» جاريالانىپ، «جۇڭگو - افريكا سەلبەستىك فورۋمى ــ بەيجيڭ ارەكەت جوسپارى» ماقۇلدانىپ، بۇكىل دۇنيە جۇزىنە جۇڭگو مەن افريكانىڭ تىزە قوسا العا باساتىن بەينەسى كورسەتىلدى (ءسوزدىڭ تولىعىن «حالىق گازەتىنىڭ» 2 – بەتىنەن وقي الاسىزدار).
شي جينپيڭ مىنالاردى اتاپ كورسەتتى: جۇڭگو مەن افريكا باسشىلارى جۇڭگو مەن افريكانىڭ قول ۇستاسىپ، جاۋاپكەرشىلىكتى تەڭ ارقالايتىن، سەلبەسە تەڭ يگىلىكتەنەتىن، باقىتقا بىرگە كەنەلەتىن، مادەنيەتتى بىرگە گۇلدەندىرەتىن، حاۋىپسىزدىكتى تەڭ قالىپتاستىراتىن، جاراسىمدى قاتار ءومىر سۇرەتىن جۇڭگو - افريكا تاعدىرلاس ورتاق تۇلعاسىن جۇمىلا سومداۋعا ءبىر اۋىزدان ماقۇل بولدى. جۇڭگو مەن افريكا ستراتەگيالىق ۇشتاسۋ مەن ساياساتتىق سايكەسۋدى كۇشەيتىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن ىلگەرلەتۋى، شارۋاشىلىقتى جەبەۋ، قۇرىلعىلاردى تۇتاستىرۋ، ساۋدانى قولايلىلاندىرۋ، جاسىل دامۋ، قۋات قۇرىلىسى، سالاماتتىق جانە دەنساۋلىق ساقتاۋ، گۋمانيتارلىق اۋىس - كۇيىس، بەيبىتشىلىك پەن حاۋىپسىزدىك سىندى «سەگىز ءىرى ارەكەتتى» تۇيىندەپ ويداعىداي اتقارۋى كەرەك. جۇڭگو ءارقاشان شىنايى، ادال بولۋ ۇستانىمى مەن دۇرىس ادىلەت - مۇددە كوزقاراسىن ۇستانىپ، افريكا ەلدەرىمەن ءبىر نيەتپەن ىنتىماقتاسىپ، تار جول، تايعاق كەشۋدەن بىرگە ءوتىپ، قول ۇستاسا العا باسا بەرەدى.شي جينپيڭ مىنانى دارىپتەدى: جۇڭگو - افريكا سەلبەستىگى تيىمدىلىك جەتكىزىپ، ورتاق يگىلىككە كەنەلۋ، ەسىكتى ايقارا اشۋ، باۋىرمال بولۋ تانىمىندا باستان - اياق تاباندى بولادى. حالىقارالىق سەلبەستىك سەرىكتەرىنىڭ كۇش بىرىكتىرىپ، افريكانىڭ بەيبىتشىلىگى مەن دامۋىنا ورتاق ۇلەس قوسۋىن ءۇمىت ەتەمىن. افريكامەن سەلبەستىكتە حالىقارالىق قوعامنىڭ ءارقايسى جاقتارى افريكانىڭ يەلىك ۇقىعىنا قۇرمەت ەتىپ، افريكانىڭ پىكىرىمەن ساناسىپ، افريكانىڭ قۋاتتاماسىنا ءمان بەرىپ، افريكاعا بەرگەن ۋادەنى ورىنداۋى كەرەك.شي جينپيڭ مىنالاردى اتاپ كورسەتتى: جۇڭگو -افريكا باسشىلارى بارلىق كەلەلى ماسەلەدە ماڭىزدى ورتاق تانىمعا كەلىپ، ورتاق ءۇن قاتتى. بەيجيڭ ءسامميتى تولىق تابىسقا قول جەتكىزىپ، جۇڭگو – افريكا قاتىناسىنىڭ تاريحي تىڭ داستانىن اشىپ، وڭتۇستىكتەگىلەر سەلبەستىگىنىڭ جاڭا داۋىرلىك ەسكەرتكىشىن ورناتتى. جۇڭگو – افريكا سەلبەستىك فورۋمى حالىقارانىڭ افريكامەن جانە وڭتۇستىكتەگىلەرمەن سەلبەستىگىنىڭ تۋىنا اينالدى.بەيجيڭ ءسامميتىنىڭ ءساتتى وتكىزىلۋى جۇڭگو مەن افريكانىڭ جالپى بەتتىك ستراتەگيالىق سەلبەستىك ارىپتەستىك قاتىناسىن تىڭ تاريحي باستامادا جەبەپ جاڭا تاريحي بارىستى باستادى. ءبىز جۇڭگو - افريكا سەلبەستىك فورۋمىن تىڭعىلىقتى دا تەبىندى جۇرگىزىپ، بەيجيڭ ءسامميتىنىڭ تابىستارىن جالپى بەتتىك ۇتىمدى تياناقتاندىرىپ، ناقتى تابىستارمەن جۇڭگو جانە افريكا حالىقتارىنا باقىت جاراتۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
