مەملەكەتتىك كەڭەس پىكىر باسىپ تاراتتى، تابيعي گازدىڭ سايكەستى، ورنىقتى دامۋى جەبەلمەك
2018.09.06 16:34 كەلۋ قاينارى : حالىق تورابى
شينحۋا اگەنتتىگى، 5 – قىركۇيەك، بەيجيڭ. مەملەكەتتىك كەڭەستىڭ زۇڭليى لي كىچياڭنىڭ قول قويىپ بەكىتۋىمەن مەملەكەتتىك كەڭەس بىرنەشە كۇننىڭ الدىندا «تابيعي گازدىڭ سايكەستى، ورنىقتى دامۋىن جەبەۋ جونىندەگى ءبىرقانشا پىكىردى» باسىپ تاراتتى.
«پىكىردە» بىلاي دەلىندى: پارتيا ورتالىق كوميتەتىنىڭ، مەملەكەتتىك كەڭەستىڭ مۇناي، تابيعي گاز ءتۇزىلىس رەفورماسىن تەرەڭدەتۋ جونىندەگى شەشىم، ورنالاستىرۋلارى جانە تابيعي گازدىڭ ءوندىرۋ، قامداۋ، ساقتاۋ، ساتۋ جۇيە قۇرىلىسىن تەزدەتۋدىڭ مىندەت تالابى بويىنشا، ەنەرگيا حاۋىپسىزدىگى ستراتەگياسىن تياناقتاندىرىپ، تابيعي گاز كاسىبىنىڭ دامۋىنداعى تامىرى تەرەڭ قايشىلىقتى شەشۋگە كۇش سالىپ، تابيعي گازدىڭ دامۋىنداعى بىركەلكى، تولىق بولماۋ ماسەلەسىن ويداعىداي شەشىپ، مەملەكەت ىشىندەگى زاپاس قوردى جەدەل مولىقتىرىپ، قامداۋ مەن قاجەتتىڭ نەگىزىنەن بارابار بولۋىنا، قۇرىلعى اينالىسىنىڭ حاۋىپسىز، ءونىمدى بولۋىنا، تۇرمىستىق گازدىڭ جەتكىلىكتى قامدالۋىنا، بازار مەحانيزمىنىڭ اناعۇرلىم ىركىلىسسىزدەنۋىنە كەپىلدىك ەتىپ، تابيعي گاز كاسىبىنىڭ اقاۋسىز، ءتارتىپتى، حاۋىپسىز، باياندى دامۋىن ىسكە اسىرۋ كەرەك.
«پىكىردە» بىلاي دەلىندى: ءوندىرۋ، قامداۋ، ساقتاۋ، ساتۋ جۇيە قۇرىلىسىن تەزدەتىپ، تابيعي گازداعى قامداۋ – قاجەتسىنۋدىڭ بىركەلكى بولۋىن جەبەۋ كەرەك. ءبىرىنشى، ىشكى جاقتاعى بارلاپ اشۋ تەبىنىن نىعايتۋ كەرەك. مۇناي – گاز بارلاپ اشۋدىڭ ءتۇزىلىس رەفورماسىن اتقارۋدىڭ جۇيەلى ەرەجەسىن تەزىرەك شىعارىپ، مۇناي – گاز بارلاپ اشۋ بولەكتەرىنەن شەگىنىپ شىعۋ مەحانيزمىن قاتاڭ اتقارىپ، بولەكتەردى باسەكەمەن جالعا بەرۋ ءتۇزىمىن جاپپاي اتقارىپ، كەن ۇقىعىنىڭ بازارلانۋ جولىمەن وتكەرمەلەنۋىنە شابىت بەرىپ، بارلانىپ انىقتالىپ بولعانىمەن، اشىلماعان قوردى تەزدەتىپ اشىپ، مەملەكەت مەنشىگىندەگى مۇناي – گاز كاسىپورىندارىنىڭ ەنەرگيا حاۋىپسىزدىگىن قامتاماسىزداندىرۋ باعالاۋىن كۇشەيتۋ كەرەك. ەكىنشى، تابيعي گازدى شەتەلدەردەن تۇرلىشە جولمەن ەنگىزۋ جۇيەسىن كەمەلدەندىرۋ كەرەك. ءۇشىنشى، كوپ ساتىلى زاپاس ساقتاۋ جۇيەسىن قالىپتاستىرۋ كەرەك. جەرگىلىكتى ۇكىمەتتەر مەن قالا – قالاشىقتاعى جانار گاز كاسىپورىندارىنىڭ گازدى زاپاس ساقتاۋ قۋاتى قۇرىلىسىن ءبىر تۇتاس ىلگەرىلەتىپ، زاپاس گاز قۇرىلعىسىندا شوعىرلانعان، كولەمدەنگەن تيجاراتتى ىسكە اسىرۋ، ءار تۇردەگى قوعامدىق تۇلعالاردىڭ قارجى قوسىپ سەلبەسىپ زاپاس گاز قۇرىلعىسىن سالۋىنا شابىت بەرۋ كەرەك. ءتورتىنشى، تابيعي گاز نەگىزدىك قۇرىلعى قۇرىلىسىنداعى بايلانىستى كۇشەيتۋ كەرەك. مۇناي – گاز قۇبىرى ءتۇزىلىس رەفورماسى جوباسىن جاساۋدى مىقتى يگەرىپ، نەگىزدىك قۇرىلعىنىڭ ءۇشىنشى جاق بازار تۇلعاسىنا ءادىل اشىلۋىن ىلگەرىلەتۋ كەرەك؛ ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ رەفورماسىن تەرەڭدەتىپ، نىسان قۇرىلىسى رەسمياتىنىڭ ءبىتىرىلۋ جانە تەكسەرىپ بەكىتىلۋ ۋاقىتىن قىسقارتۋ كەرەك.«پىكىردە» مىنالار دارىپتەلدى: تابيعي گاز سالاسىنداعى رەفورمانى تەرەڭدەتىپ، سايكەستى، ورنىقتى دامىتۋ ءتۇزىلىس رەفورماسىن ورناتىپ، كەمەلدەندىرۋ كەرەك. ءبىرىنشى، تابيعي گاز قامداۋ، قاجەتسىنۋىنىڭ مەجەلەۋ جانە ساقتىق مەحانيزمىن ورناتۋ كەرەك. ەكىنشى، تابيعي گاز دامۋىنىڭ جالپىلىق، سايكەسىمدى مەحانيزمىن ورناتۋ كەرەك. ءۇشىنشى، تابيعي گازدىڭ قاجەتسىنۋ جاعىنداعى باسقارۋ جانە رەتتەۋ مەحانيزمىن ورناتۋ، كەمەلدەندىرۋ كەرەك. تۇتىنۋشىلاردى رەتتەپ وتىراتىن باسقارۋ ءادىسىن زەرتتەپ بەلگىلەپ، ءوڭىردىڭ جانە تۇتىنۋشىلاردىڭ گازبەن ەكى جانە كوپ قاينارمەن قامدالۋىن زور كۇشپەن دامىتۋ كەرەك. ءتورتىنشى، تابيعي گازبەن قامداۋ – قامتاماسىزداندىرۋدىڭ شۇعىل توتەپ بەرۋ جۇيەسىن ورناتۋ، كەمەلدەندىرۋ كەرەك. بەسىنشى، تابيعي گاز باعاسى مەحانيزمىن تارتىپكە سالۋ كەرەك. التىنشى، تابيعي گازدىڭ تۇتاس كاسىپ تىزبەگىنىڭ حاۋىپسىز اينالىس جاساۋ مەحانيزمىن كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
