بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

2018.09.07 16:14     كەلۋ قاينارى : حالىق تورابى

  شينحۋا اگەنتتىگى، 6 – قىركۇيەك، بەيجيڭ. مەملەكەتتىك كەڭەستىڭ زۇڭليى لي كىچياڭ 6 - قىركۇيەكتە مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە جاڭادان وزگەرىس ەنگىزىلگەن جەكەلەر تابىس باجىسى زاڭىنىڭ جۇيەلى شارالارىن تياناقتاندىرىپ، بۇقارانىڭ جۇگىن جەڭىلدەتۋ بەلگىلەندى؛ ساياساتتى كەمەلدەندىرىپ يگىلىك جاراتۋدى قارجىلاندىرۋ قورى باجى اۋىرتپالىعىن تۇلعالىق جاقتان ارتتىرىپ جىبەرمەۋ ۇيعارىلدى؛ الەۋمەتتىڭ يگىلىك، جاسامپازدىق جاراتۋىنىڭ ورەلى جوباسىن جاساپ، كاسىپتەنۋگە جەبەۋشىلىك ەتۋ قۋاتىن، عىلىم – تەحنيكادا جاڭالىق جاراتۋ قۋاتىن، كاسىپ دامۋىنىڭ ومىرشەڭدىك قۋاتىن كۇشەيتۋ ورنالاستىرىلدى؛ «پاتەنت وكىلەتتىگى ەرەجەسى (وزگەرىس ەنگىزۋ جوباسى)» ماقۇلداندى.

  ماجىلىستە بىلاي دەلىندى: مەملەكەتتىك حالىق قۇرىلتايى تۇراقتى كوميتەتى قاراپ ماقۇلداعان جاڭادان وزگەرىس ەنگىزىلگەن جەكەلەر تابىس باجىسى زاڭىن جاپپاي تياناقتاندىرىپ، جالپىلىعى مەن تۇرلەرگە بولىنگەنى ۇشتاستىرىلعان جەكەلەر تابىس باجىسى ءتۇزىمىن ورناتۋ ــ ەلىمىزدە بۇرىن – سوڭدى بولماعان كەلەلى باجى ءتۇزىمى رەفورماسى. 1 – قازاننان باستاپ جەكەلەر تابىس باجىسىنىڭ نەگىزگى قاراجاتتى شىعارىپ تاستاۋ ولشەمىن 3 مىڭ 500 يۋاننان 5 مىڭ يۋانعا جوعارىلاتۋدى ۋاعىندا ورىنداۋعا كەپىلدىك ەتىپ، بۇقاراعا ءتىپتى دە كوپ تيىمدىلىك جەتكىزۋ تالابىن قاتاڭ باسشىلىققا الىپ، پەرزەنتتەردى وقىتۋ، ۇزدىكسىز تاربيە، سالماقتى اۋرۋدى ەمدەۋ، ادەتتەگى تۇرعىن ءۇي قارىزىنىڭ ءوسىمى، تۇرعىن ءۇيدىڭ ماياقىسى، قارتتاردى باعىپ - قاعۋ شىعىسى سىندى 6 تۇردەگى قوسالقى قاراجاتتى شىعارىپ تاستاۋدىڭ ناقتى كولەمى مەن ولشەمىن ايقىنداپ، بۇقارانىڭ باجى تاپسىرۋعا ءتيىستى كىرىسىندە نەگىزگى قاراجاتتى شىعارىپ تاستاۋ ولشەمى بويىنشا تاعى دا وقۋ – اعارتۋ، ەمدەلۋ، زەينەتكەرلىك سياقتى كوپتەگەن جاقتاعى قوسىمشانى شىعارىپ تاستاۋدان يگىلىكتەندىرىپ، شىعارىپ تاستالعاننان كەيىنگى باجى تاپسىرۋعا ءتيىستى كىرىستىڭ 5 مىڭ يۋاننان ايقىن جوعارى بولۋىنا كەپىلدىك ەتىپ، بۇقارانىڭ باجى اۋىرتپالىعىن اناعۇرلىم جەڭىلدەتىپ، بۇقارانىڭ ناقتى كىرىسىن ارتتىرۋ، تۇتىنۋ قۋاتىن كۇشەيتۋ كەرەك. ارناۋلى قوسالقى قاراجاتتى شىعارىپ تاستاۋدىڭ كولەمى مەن ولشەمى قوعامنان اشىق پىكىر جيناۋدان كەيىن زاڭ بويىنشا كەلەر جىلى 1 – قاڭتاردان باستاپ اتقارىلادى. بۇدان كەيىن ەكونوميكانىڭ، قوعامنىڭ دامۋىنا جانە حالىقتىڭ تۇرمىس دەڭگەيىنىڭ جوعارىلاۋىنا ىلەسە ارناۋلى قوسالقى قاراجاتتى شىعارىپ تاستاۋدىڭ كولەمى مەن ولشەمى اۋقىمعا قاراي رەتتەلىپ وتىرادى. ماجىلىستە مىناۋ دارىپتەلدى: قازىر ەل بويىنشا زەينەتكەرلىك قارجىسىنىڭ جيىنتىق قالدىعى ءبىرشاما كوپ، ۋاعىندا جەتكىلىكتى تاراتۋعا كەپىلدىك ەتۋگە بولادى، قوعامدىق قامتاماسىزداندىرۋ قارجىسىن جيناۋ قۇرىلىمىنىڭ رەفورماسى تياناقتانۋدىڭ الدىندا جەر – جەر تۇگەلدەي قازىرگى جيناۋ ساياساتىن وزگەرتپەۋى، سونىمەن بىرگە، قوعامدىق قامتاماسىزداندىرۋ اقى شاماسىن لايىقتى تومەندەتۋدى جەدەل زەرتتەپ، كاسىپورىنداردىڭ اۋىرتپالىعىن تۇلعالىق جاقتان ارتتىرىپ جىبەرمەۋى، بازاردىڭ ومىرشەڭدىك قۋاتىنا دەم بەرۋى، قوعامدىق مەجەنىڭ جاقسارۋىنا باستاماشىلىق ەتۋى كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار