شي جينپيڭ وقۋ – اعارتۋ جونىندەگى مەملەكەتتىك ماجىلىستە مىنانى دارىپتەدى
جۇڭگوشا سوتسياليستىك وقۋ – اعارتۋدى دامىتۋ جولىندا تاباندى بولىپ، احىلاق، اقىل – وي، دەنە، ەستەتيكا، ەڭبەك جاقتارىنان جان – جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋ كەرەك
شي جينپيڭ پارتيا ورتالىق كوميتەتى اتىنان بۇكىل ەلدەگى وقىتۋشىلار مەن وقۋ – اعارتۋ قىزمەتكەرلەرىنىڭ مەرەكەسىن قىزۋ قۇتتىقتادى جانە ىقىلاستى سالەم جولدادى
2018.09.11 16:40 كەلۋ قاينارى : حالىق تورابى
«حالىق گازەتى»، 10 – قىركۇيەك، بەيجيڭ (ءتىلشى جاڭ شو). وقۋ – اعارتۋ جونىندەگى مەملەكەتتىك ءماجىلىس 10 – قىركۇيەكتە بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول مىنالاردى دارىپتەدى: پارتيانىڭ پارمەندى باسشىلىعىندا پارتيانىڭ وقۋ – اعارتۋ باعىتىن جاپپاي دايەكتىلەندىرۋ، ماركسيزمنىڭ جەتەكشى ورنىندا تاباندى بولۋ، جۇڭگوشا سوتسياليستىك وقۋ – اعارتۋدى دامىتۋ جولىندا تاباندى بولۋ، سوتسياليستىك ءبىلىم بەرۋ باعىتىندا تاباندى بولۋ، نەگىزگى مەملەكەت جاعدايىن تياناق ەتۋ، وقۋ – اعارتۋ زاڭدىلىعىنا بويسۇنۋ، رەفورما جاساۋدا، جاڭالىق جاراتۋدا تاباندى بولۋ، جۇرت تىلەگىن توعىستىرۋدى، كىسىلىك قاسيەتتى كەمەلدەندىرۋدى، ادام كۇشىن اشۋدى، دارىندى باۋلۋدى، حالىقتى باقىتقا كەنەلتۋدى قىزمەت نىساناسى ەتىپ، احىلاق، اقىل – وي، دەنە، ەستەتيكا، ەڭبەك جاقتارىنان جان – جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋ، وقۋ – اعارتۋدى وسىزامانداندىرۋدى، وقۋ – اعارتۋدا قۋاتتى ەل قۇرۋدى، حالىق رازى بولاتىن وقۋ – اعارتۋ ىستەرىن ويداعىداي جۇرگىزۋدى جەدەل ىلگەرىلەتۋ كەرەك.
10 – قىركۇيەك − ەلىمىزدىڭ 34 - رەتكى وقىتۋشىلار مەرەكەسى، شي جينپيڭ پارتيا ورتالىق كوميتەتى اتىنان بۇكىل ەلدەگى وقىتۋشىلار مەن وقۋ - اعارتۋ قىزمەتكەرلەرىنە مەرەكەلىك قىزۋ قۇتتىقتاۋ جانە ىقىلاستى سالەم جولدادى. ول مىنالاردى باسا دارىپتەدى: ۇزاق ۋاقىتتان بەرى وقىتۋشىلار پارتيانىڭ وقۋ - اعارتۋ باعىتىن دايەكتىلەندىرىپ، ءبىلىم بەرىپ، ادام تاربيەلەپ، جۇرەك قاندارىن سارقىپ، ءۇنسىز ۇلەس قوسىپ، مەملەكەتتىڭ دامۋى مەن ۇلتتىڭ گۇلدەنۋى ءۇشىن ەلەۋلى ۇلەس قوستى. وقىتۋشى − ادام جانىنىڭ ينجەنەرى، ادامزات وركەنيەتىنىڭ جالعاستىرۋشىسى، ول ءبىلىم بەرۋ، يدەيا تاراتۋ، اقيقات تاراتۋ، رۋح سومداۋ، ءومىر سومداۋ، جاڭا ادام سومداۋ سىندى ءداۋىردىڭ كەلەلى مىندەتىن ارقالايدى. بۇكىل پارتيا، بۇكىل قوعام وقىتۋشىنى قۇرمەتتەپ، وقۋ - اعارتۋعا ءمان بەرەتىن قوعامدىق سالتتى اسقاقتاتىپ، وقىتۋشىنىڭ ساياسي ورنىن، قوعامدىق ورنىن، كاسىپتىك ورنىن قۇلشىنا جوعارىلاتىپ، وقىتۋشىلاردىڭ ءتيىستى قوعامدىق بەدەلگە يە بولۋىنا، ءبىلىم بەرىپ، ادام تاربيەلەيتىن ورىندا پارتيا مەن حالىق ىستەرى ءۇشىن جاڭا، اناعۇرلىم كەسەك ۇلەس قوسۋىنا مۇمكىندىك جاساۋ كەرەك.
لي كىچياڭ ماجىلىستە ءسوز سويلەدى. ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى.
شي جينپيڭ سوزىندە مىنالاردى اتاپ كورسەتتى: پارتيانىڭ 19 - قۇرىلتايى جاڭا داۋىردە جۇڭگوشا سوتسياليزمدە تاباندى بولۋدىڭ جانە ونى دامىتۋدىڭ ستراتەگيالىق بيىگىنەن وقۋ - اعارتۋ ىستەرىن الدىمەن دامىتۋ، وقۋ - اعارتۋدى وسىزامانداندىرۋ، وقۋ - اعارتۋدا قۇدىرەتتى ەل قۇرۋ جونىندە كەلەلى ورنالاستىرۋ جاسادى. وقۋ - اعارتۋ − ۇلتتىڭ گۇلدەنۋىنىڭ، قوعامنىڭ العا باسۋىنىڭ ماڭىزدى ىرگە تاسى، ەڭبەگى قازىر سىڭەتىن، يگىلىگىن كەيىن كورەتىن ءمورالدىق ينجەنەريا، حالىقتىڭ جالپىلىق ساپاسىن جوعارىلاتۋدا، ادامنىڭ جان - جاقتى دامۋىن جەبەۋدە، جۇڭحۋا ۇلتتارىنىڭ جاڭالىق اشۋ، جاسامپازدىق ومىرشەڭدىگىن كۇشەيتۋدە، جۇڭحۋا ۇلتتارىنىڭ ۇلى گۇلدەنۋىن جۇزەگە اسىرۋدا شەشۋشى مانگە يە. وقۋ - اعارتۋ − مەملەكەتتىڭ ۇلى ءىسى، پارتيانىڭ ۇلى ءىسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
