بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ رەسەيدىڭ پرەزيدەنتى پۋتينمەن كەڭەس وتكىزدى

2018.09.12 16:27     كەلۋ قاينارى : حالىق تورابى


  «حالىق گازەتى»، 11 – قىركۇيەك، ۆلاديۆوستوك (تىلشىلەر ۋ يان، دۋ شاڭزى، جاۋ چىڭ). مەملەكەت ءتوراعاسى شي جينپيڭ 11 - قىركۇيەكتە ۆلاديۆوستوكتا رەسەيدىڭ پرەزيدەنتى پۋتينمەن كەڭەس وتكىزدى. ەكى ەل باسشىلارى ءبىر اۋىزدان بىلاي دەپ قارادى: جۇڭگو - رەسەي قاتىناسى ءتىپتى دە بەلسەندى دامۋ ارىنىن بايقاتىپ، ءتىپتى دە جوعارى دەڭگەيدەگى، ءتىپتى دە تەز دامۋ كەزەڭىنە ءوتتى. ەكى ەل باسشىلارى حالىقارالىق جاعداي مەيلى قالاي وزگەرسە دە، جۇڭگو - رەسەي قاتىناسىن مىزعىماستان دامىتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن باتىلدىقپەن قورعاۋعا ءبىر اۋىزدان ماقۇل بولدى.


  شي جينپيڭ مىنالاردى اتاپ كورسەتتى: بيىل جىل باسىنان بەرى پرەزيدەنت مىرزامەن بىرگە بەيجيڭ جانە يوحاننەسبۋرگتە ونىمدىلىگى قوماقتى كەڭەس وتكىزدىك. جۇڭگو مەن رەسەي جوعارى جىكتەگىلەرىنىڭ ءجيى بارىس - كەلىس جاساۋى ەكى ەل قاتىناسىنىڭ جوعارى دەڭگەيى مەن وزگەشەلىگىن ايگىلەگەننەن سىرت ەكى ەل قاتىناسىنىڭ ءوز ديپلوماتيالىق كەڭەس تارتىپتەرىندەگى ماڭىزدى ورنىن كورنەكتىلەندىردى. ەكى جاقتاعىلاردىڭ ورتاق قۇلشىنۋىندا ەكى ەل قاتىناسىنىڭ ساياسي ابزالدىعى ۇزدىكسىز ناقتى سەلبەستىك تابىسىنا اينالۋدا. ەكى جاق ءبىر – ءبىرىنىڭ ءوز جاعدايلارىنا ۇيلەسەتىن دامۋ جولىمەن ءجۇرۋىن باتىل قولداپ، قارسى جاقتىڭ ءوز حاۋىپسىزدىگى مەن دامۋ ۇقىق - مۇددەسىن قورعاۋىن باتىلدىقپەن قولداپ، ءىرى ەلدەر، سونداي - اق كورشى ەلدەر قاتىناسىنىڭ ۇلگىسىن سومدادى. ەكى جاق ءداستۇرلى دوستىقتى بەكەمدەپ، جالپى بەتتىك سەلبەستىكتى كۇشەيتىپ، جۇڭگو مەن رەسەيدىڭ جالپى بەتتىك ستراتەگيالىق سەلبەستىك ارىپتەستىك قاتىناسىن تاعى دا بيىك ورەگە كوتەرىپ، ەكى ەل حالىقتارىندا ءتىپتى دە زور تيىمدىلىك جەتكىزۋى كەرەك.


  شي جينپيڭ مىنالاردى دارىپتەدى: جۇڭگو مەن رەسەي «ءبىر بەلدەۋ، ءبىر جولدى» بىرلەسىپ قۇرۋ جانە ەۆروپا مەن ازيانىڭ ەكونوميكالىق وداعىن ۇشتاستىرۋ سەلبەستىگىن تەرەڭدەتىپ، ەنەرگيا، اۋىل شارۋاشىلىعى، عىلىم - تەحنيكا جاسامپازدىعى، فينانس سالالارىنداعى سەلبەستىكتى قويۋلاتۋى، ءتۇيىندى نىسانداردىڭ ورنىقتى اتقارىلۋىن جەبەپ، وزىق عىلىم - تەحنيكانى بىرگە زەرتتەپ اشۋعا كۇش سالىپ، جۇڭگو مەن رەسەيدىڭ بيىلعى جانە كەلەر جىلعى جەرگىلىكتى ورىندار سەلبەستىك، اۋىس - كۇيىس جىلى ورايىنان ۇتىمدى پايدالانىپ، ەكى ەلدىڭ ءتىپتى دە كوپ جەرگىلىكتى ورىندارىنىڭ بەلسەندىلىگىن جۇمىلدىرىپ، سەلبەستىكتى كەڭىنەن ورىستەتۋى كەرەك.


  شي جينپيڭ مىنالاردى اتاپ كورسەتتى: قارسى جاق وتكىزگەن ءىرى قيمىلداردى ءوزارا قولداپ وتىرۋ ــ جۇڭگو مەن رەسەي ەكى جاقتىڭ تاماشا ءداستۇرى. شىعىس ەكونوميكا فورۋمى پرەزيدەنت مىرزانىڭ تىكەلەي ۇندەۋىمەن وتكىزىلىپ كەلەدى، ءار جاقتىڭ اقىل – پاراسات قوسىپ، وڭىرلىك سەلبەستىكتى بىرگە اقىلداسۋىنداعى ماڭىزدى تەكشەگە اينالدى. وسى كەزەكتى فورۋمنىڭ ەكى جاقتىڭ قيىر شىعىس سەلبەستىگىن قامتىعان جەرگىلىكتى ورىندار سەلبەستىگىن تەرەڭدەتۋىنە جاڭا وراي جاراتارىنا سەنەمىن.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار