باس شۋجي چاڭجياڭ دارياسىنىڭ ەكولوگياسىنا «قىزىل سىزىق» سىزىپ بەردى
(جاڭا يدەيا امالياتتان تۋىندايدى اتىنداعى جەلىلەس حابارلار – 4، چۇڭچيڭ بولەگى)
«حالىق گازەتىنىڭ» تىلشىلەرى ۋاڭ بينلاي، جاڭ يىن، شۇي چيڭ، جياڭ يۇنلۇڭ
2018.09.18 15:46 كەلۋ قاينارى : حالىق تورابى
«ەسىمدە قالۋىنشا، وتكەن عاسىردىڭ 80 – جىلدارىنىڭ باسىندا ەل كولەمىندە زور ىقپال قوزعاعان <تاۋ قويناۋىنا كۇز كەلسە> دەگەن كينو فيلم قويىلدى، ءۇش قىساڭ ارقاۋ ەتىلگەن بۇل فيلم كورەرمەندەر اراسىندا زور اسەر قالدىرعان بولاتىن». 2016 – جىلى 4 – قاڭتاردا باس شۋجي شي جينپيڭ چۇڭچيڭ گويۋان كەمەجايىنا بارىپ تەكسەرۋ – زەرتتەۋ جۇرگىزىپ، كورمە تاقتاسىن كورگەندە، ورمانى قىزىل تۇسكە بويالعان ۋشان تاۋىنىڭ سۋرەتى ونىڭ ەسىنە وتكەن ىستەردى ورالتادى.
چاڭجياڭ دارياسى جۇڭحۋا ۇلتتارىنىڭ وتكەنىن، قازىرگىسىن جانە بولاشاعىن جالعاپ جاتىر، باس شۋجي شي جينپيڭ دە نازارىنان قاعىس قالىپ كورمەگەن.
«قازىر جانە مۇنان سوڭعى نەداۋىر ۇزاق مەزگىلدە چاڭجياڭ دارياسىنىڭ ەكولوگيالىق ورتاسىن قالپىنا كەلتىرۋدى بارلىعىن باسىپ تۇسەردەي ماڭىزدى ورىنعا قويىپ، قاۋىرت قورعاۋدى بىرگە يگەرۋ، قاۋىرت اشۋعا سالىنباۋ كەرەك». باس شۋجي شي جينپيڭنىڭ الجاسقانعا اقىل بەرەرلىك التىنداي سوزدەرى چاڭجياڭ دارياسى ەكونوميكالىق بەلدەۋىنىڭ دامۋىنا ايقىن باعدار كورسەتىپ بەردى.
تاياۋدا گازەتىمىزدىڭ تىلشىلەرى چۇڭچيڭگە تاعى بارىپ، باس شۋجي شي جينپيڭنىڭ جولىن بويلاي، انا وزەن بويىندا تۋىلعان وزگەرىستى سەزىندى.
حى ي (چۇڭچيڭ گويۋان كەمەجايى تەمىر جول تاسىمال ءبولىمىنىڭ ورىنباسار ديرەكتورى):
باس شۋجيدىڭ تالابى توتەنشە باعىتتامالى بولدى
2016 – جىلدىڭ 4 – قاڭتارى جاڭا جىلداعى ءبىرىنشى قىزمەت كۇنى بولاتىن، شۇلەن شۇعىلا داريا بەتىندەگى تۇماندى سەيىلتىپ تاستاعان. باس شۋجي شي جينپيڭ لياڭجياڭ جاڭا رايونىنداعى گويۋان كەمەجايىنا كەلىپ تەكسەرىپ – زەرتتەۋ جۇرگىزدى.
ول ءبىر قولىمەن كەمەجاي راشەتكاسىنان ۇستاي تۇرىپ، ءبىر قولىمەن جۇمىس ىستەپ جاتقان كەمەلەردى نۇسقاپ: «ءبىر كەمەگە قانشالىق ولشەمدى تيەۋىش قوراپتى تيەۋگە بولادى؟» «كەمە چۇڭچيڭنەن جولعا شىعىپ شاڭحايعا جەتۋگە قانشا كۇن قاجەت؟» «بىلتىر كەمەجايدىڭ زات قابىلداۋ، جونەلتۋ قۋاتى قانشالىق بولدى؟» دەپ سۇرادى. باس شۋجي شي جينپيڭ قاربالاستىققا تۇسكەن كەمەجايعا قاراپ تۇرىپ: رەفورمادا جاڭالىق جاراتۋ ادىسىمەن چاڭجياڭ دارياسىنىڭ ەكولوگياسىن قورعاۋدى يگەرىپ، التىنداي سۋ جولىنان التىنداي ونىمدىلىك جاراتۋ كەرەك، − دەگەندى قاداعالاپ تاپسىردى.
«باس شۋجي كەمەنىڭ قوراپتاپ تاسۋ جۇمىس بارىسىن كورىپ بولعان سوڭ بۇرىلىپ گويۋان كەمەجايىمىزدىڭ جۇمىسشى – قىزمەتشىلەرىنە قاراي ءجۇردى. باس شۋجيدىڭ كەلگەنىن كورگەن كوپشىلىك ايرىقشا جەلپىنىپ: <باس شۋجي، سالەمەتسىز بە؟!> دەپ جارىسا ءۇن قاتتى. كۇلىمسىرەگەن باس شۋجي كوپشىلىكپەن قول الىستى، سول جەردەگى جۇمىسشى – قىزمەتشىلەردىڭ بىرەۋىن دە قاعىس قالدىرمادى».
«ءسىز قايسى جۇمىسپەن شۇعىلداناسىز؟ نەگىزىنەن قانداي قىزمەتكە جاۋاپتىسىز؟» باس شۋجي شي جينپيڭ حى ي – مەن قول الىسقان كۇيى ونان وسى جايتتەردى سۇراپ ۇعىستى. حى ي: «مالىمەت، باس شۋجي، مەن قازىر تەمىر جولدىڭ زات رەتتەۋشىسىمىن، گويۋان كەمەجايىمەن بىرگە ەسەيىپ – ەرجەتكىم كەلەدى» دەپ جاۋاپ بەردى. باس شۋجي شي جينپيڭ باسىن يزەپ، كوپشىلىكتى شابىتتاندىرا بىلاي دەدى: «گويۋان كەمەجايى چاڭجياڭ دارياسى ەكونوميكالىق بەلدەۋىنىڭ قۇرىلىسىنا، <ءبىر بەلدەۋ، ءبىر جول> قۇرىلىسىنا، باتىس بولەكتى قاۋىرت اشۋدى ىشكەرىلەي ىلگەرىلەتۋگە قىزمەت ەتۋى كەرەك. بۇل ارادان زور ءۇمىت كۇتۋگە بولادى».
ارمان كۇرەس بارىسىندا ىسكە استى. بۇل كۇندە گويۋان كەمەجايى چاڭجياڭ دارياسىنىڭ جوعارعى اعارىنداعى ارناۋلى سىمسىز تەرمينال مەن 4G كەڭ ايالى تورى شوعىرلى تۇتاسقان جۇيەگە تولىق كوشكەن ءبىرىنشى كەمەجايعا اينالدى، تۇرمىستىق لاس سۋدى تولىق تازارتۋدى، ءوندىرىس لاس سۋىن ىعىستىرۋدا ولشەمگە جەتۋدى ىسكە اسىردى.
«كوپشىلىك باس شۋجيدىڭ بىزگە قويعان تالابىنىڭ توتەنشە باعىتتامالى بولعانىن سەزىندى، بۇل تالاپ، بەينە، ماياك سەكىلدى، بىزگە ايقىن باعدار نۇسقاپ، سەنىمىمىزدى بەكەمدەدى». سودان بەرى 2 جىلدان استام ۋاقىت وتە شىقتى، 90 – جىلداردىڭ تۇلەگى سانالاتىن حى ي تەمىر جول تاسىمال ءبولىمىنىڭ ورىنباسار ديرەكتورى بولىپ مىندەت وتەپ وتىر، «گويۋان كەمەجايى باۋ – باقشالى كەمەجايعا اينالدى، باس شۋجيدىڭ تاعى دا قىزمەت تەكسەرە كەلۋىن ءۇمىت ەتەمىز، ول قازىرگى وزگەرىسىمىزدى كورسە، ءسوزسىز، قۋانادى» دەدى ول.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
