بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

2018.09.19 16:36     كەلۋ قاينارى : حالىق تورابى

  شينحۋا اگەنتتىگى، 18 – قىركۇيەك، بەيجيڭ. مەملەكەتتىك كەڭەستىڭ زۇڭليى لي كىچياڭ 18 - قىركۇيەكتە مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە باجىنى ازايتىپ، اقىنى تومەندەتۋ شارالارىن ناقتى تياناقتاندىرىپ، قوعامدىق قامسىزداندىرۋ قارجىسىن جيناۋداعى قازىرگى ساياساتتىڭ ورنىقتىلىعىنا كەپىلدىك ەتۋ تالاپ ەتىلدى؛ شەشۋشى سالالار مەن ءالسىز بۋىندارعا ءونىمدى قارجى قوسۋدى ارتتىرىپ، ىشكى سۇرانىستى كەڭەيتۋ ارقىلى قۇرىلىمدى ساپالىلاندىرۋ جانە حالىق تۇرمىسىن جاقسارتۋ ىستەرىن جەبەۋ ورنالاستىرىلدى؛ سىرتقى ساۋدانىڭ ارتۋىن جەبەۋ مەن كەدەننەن ءوتۋدى قولايلىلاندىرۋ شارالارى تۇراقتاندىرىلدى.

  ماجىلىستە مىنالار دارىپتەلدى: قازىرگى حالىقارالىق اۋقىم كۇردەلى دە قىم - قۋىت جاعدايدا، ەلىمىز بازارىنىڭ ومىرشەڭدىگىن اناعۇرلىم جانداندىرۋ كەرەك، مۇنداعى شەشۋشى شارا ۇكىمەت ورىندارىن ىقشامداپ، باجىنى ازايتىپ، اقىنى تومەندەتۋ تەبىنىن ارتتىرۋدا. باجىنى ازايتىپ، اقىنى تومەندەتۋ شارالارىن شىنايى تياناقتاندىرىپ، تياناقتانۋ جاعدايىن تەكسەرىپ اداقتاپ، ءسوز بۇيدالىققا سالۋعا، قاز - قالپىندا ورىنداماۋعا نەمەسە ءوز بەتىمەن ىستەۋگە، استە، جول بەرمەۋ كەرەك. مەملەكەتتىك كەڭەس تۇراقتاندىرعان «جالپى جاقتان العاندا كاسىپورىنداردىڭ جۇگىن اۋىرلاتۋعا بولمايدى» دەگەن ورنالاستىرۋ بويىنشا، قۇرىلىم رەفورماسى بارىسىندا قوعامدىق قامسىزداندىرۋ قارجىسىن جيناۋدا قازىر اتقارىلىپ وتىرعان ساياساتتىڭ ورنىقتىلىعىنا كەپىلدىك ەتۋ، قاتىستى تاراۋلار تەكسەرىپ - قۋزاۋدى كۇشەيتىپ، كاسىپورىننىڭ تاريحتاعى قارىزدارىن ءوز بەتىمەن شوعىرلى اداقتاۋىنا تيىم سالۋ، بەلگىلەمەگە قايشى كەلگەندەرىن باتىل تۇزەتۋ، جيناۋ - باسقارۋ بارىسىنداعى زاڭعا، ەرەجەگە قايشى ارەكەتتەردى قاتاڭ تەكسەرىپ، ءبىر جاقتى ەتۋ كەرەك. سونىمەن بىرگە، قوعامدىق قامسىزداندىرۋ قارجى مولشەرىن تومەندەتۋ جوباسىن ورتاعا قويۋدى مىقتى يگەرىپ، قارجى جيناۋ ءتۇزىلىس رەفورماسىمەن بىردەي اتقارۋ قاجەت.

  ماجىلىستە مىنالار اتاپ كورسەتىلدى: بيىلدان بەرى ەلىمىزدە تۇراقتى مۇلىكككە قارجى قوسۋدىڭ ارتۋ قارقىنى باياۋلادى، ءىشىنارا جەرلەردە نەگىزدىك قۇرىلعىعا قارجى قوسۋ مولشەرى ۇقساس مەزگىلدەگىدەن تومەندەدى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىن دايەكتىلەندىرىپ، ولقىلىقتى تولىقتاپ، ءونىمدى قارجى قوسۋدى كەڭەيتىپ، قارجى قوسۋعا شەكتەن تىس يەك ارتپاۋ ءارى قارجى قوسۋدى تاستاپ قويماۋ، قارجى قوسۋدىڭ تولقىمالى بولۋىنان ساقتانۋ تالابى بويىنشا، قارجى قوسۋدى ورنىقتىرىپ، قالىپتى ارتۋعا كەپىلدىك ەتۋ كەرەك. مەملەكەت جوسپارى مەن كەلەلى ستراتەگيالاردى توڭىرەكتەي وتىرىپ، «ءۇش رايون، ءۇش وبلىس» قاتارلى ەرەكشە كەدەي وڭىرلەردىڭ نەگىزدىك قۇرىلعى، قاتىناس تىرەكتى تورابىن، اسىرەسە، ورتا، باتىس بولەكتەردىڭ تەمىر جول، تاس جول، نەگىزگى جەلى اۋە جولدارى، قاتىناس تورابى مەن تارماق جەلى اۋەجايلارى، سۋ يگىلىگى قاتارلى اۋىل شارۋاشىلىق نەگىزدىك قۇرىلعىلارى، ەكولوگيالىق ورتانى قورعاۋ ءتۇيىندى قۇرىلىسى، تەحنيكالىق جاقسارتۋ مەن جاڭالاۋ، قارتتاردى كۇتىمدەۋ قاتارلى حالىق تۇرمىسىنا قاتىستى قۇرىلعى قۇرىلىستارىن جەدەلدەتۋ كەرەك. نىسانداردىڭ الدىڭعى مەرزىمدەگى قىزمەتىن تەزدەتىپ، ەرتە جۇمىس باستاۋعا قۇلشىنىپ، نىسانداردىڭ جۇيەلى جالعاسۋ مەحانيزمىن قالىپتاستىرۋ كەرەك. فينانس قۇرىلىمدارىن ولقىلىقتى تولىقتايتىن نىسان قۇرىلىستارىن قولداۋعا باستاۋ، جەرگىلىكتى ۇكىمەتتەر ارناۋلى زايومدا توپتالعان قارجىنى ولقى نىساندارعا تياناقتاندىرۋ، حالىقتىق قارجىنى قۇرىلىسقا قاتىناسۋعا باۋراۋ كەرەك.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار