باس شۋجي بىزدەن جياۋ يۇيلۋدى اينا ەتۋدى تالاپ ەتەتىن (جاڭا يدەيا امالياتتان تۋىندايدى اتىنداعى جەلىلەس حابارلار – 7، حىنان لانكاۋ بولەگى)
«حالىق گازەتىنىڭ» تىلشىلەرى ساۋ شۋلين، ما يۋەفىڭ، دۇڭ سىيۇي، زو ي – بيڭ
2018.09.25 16:31 كەلۋ قاينارى : حالىق تورابى
«جەتى تۇندە ‹حالىق جياۋ يۇيلۋدەن ۇيرەنۋگە ۇندەيدى› دەگەن شىعارمانى وقىپ، تەرەڭ شابىت الدىم...» 1990 – جىلى 15 – شىلدەدە سول كەزدە فۋجوۋ قالالىق پارتكومنىڭ شۋجيى بولىپ مىندەت وتەيتىن شي جينپيڭ «جياۋ يۇيلۋ جونىندە تولعانىس» دەگەن ماقالانى جازىپ شىقتى.
تالاي جىلدان بەرى شي جينپيڭ جياۋ يۇيلۋ رۋحىنان ۇيرەنۋدى جانە ونى اسقاقتاتۋدى تالاپ ەتىپ كەلدى. ول كەزىندە تەبىرەنىسپەن بىلاي دەگەن بولاتىن: وسى داۋىردەگى بىزدەر جياۋ يۇيلۋ جولداستىڭ ىزگى ىستەرىنەن زور ونەگە الىپ جەتىلدىك، جياۋ يۇيلۋ جولداستىڭ وبرازى كوكەيىمنەن وشپەستەي ورىن الدى.
«شي جينپيڭ جولداس لانكاۋعا ىلگەرىندى – كەيىندى 3 رەت كەلىپ قىزمەت تەكسەردى، سول كەزدەردە بىزدەن جياۋ يۇيلۋدان ۇيرەنۋدى، ونى اينا ەتۋدى، بۇقارانى بارىنشا ريزا ەتىپ، لانكاۋدى ويداعىداي دامىتۋدى تالاپ ەتتى. ءبىز وسى تاپسىرمانى ەستە بەرىك ساقتادىق، بارلىعىمىز جياۋ يۇيلۋ سەكىلدى جاقسى پارتيا مۇشەسى، جاقسى كادر بولۋعا قۇلشىندىق». لانكاۋ اۋداندىق پارتكومنىڭ شۋجيى ساي سۇڭتاۋ گازەتىمىزدىڭ تىلشىسىنە وسىلاي دەدى.
جياۋ شوۋيۇن (جياۋ يۇيلۋدىڭ 2 – قىزى):
ول ەسىكتەن كىرە سالا تۋىسشىلاپ كەلدىم دەيتىن
«ءاسىلى ءبىراز ساسقالاقتاپ قالاتىنمىن، الايدا ول ەسىكتەن كىرە سالا تۋىسشىلاپ كەلدىم دەيتىن، مۇنى ەستىپ جايبىراقاتتانىپ قالاتىنمىن» دەيدى جياۋ يۇيلۋدىڭ 2 – قىزى جياۋ شوۋيۇن.
2009 – جىلى كوكتەمدە حىناندا تەكسەرىپ – زەرتتەۋ جۇرگىزگەن شي جينپيڭ لانكاۋ اۋدانىنداعى جياۋ يۇيلۋدى ەسكەرتكىش باقشاسىنا ارنايى بارىپ زيارات ەتەدى. 2014 – جىلى ەكىنشى توپتاعى بۇقارالىق لۋشيان تاربيەسى امالياتتىق قيمىلى وتكىزىلگەندە شي جينپيڭ لانكاۋدى ءوزىنىڭ بايلانىس ءتۇيىنى ەتىپ تاڭدايدى. سول جىلى 17 – ناۋرىزدا ول لانكاۋعا كەلىپ تاربيە امالياتتىق قيمىلىنا تىكەلەي جەتەكشىلىك ەتەدى، سونداعى ءبىرىنشى ايالداماسى جياۋ يۇيلۋدى ەسكەرتكىش سارايى بولادى.
لانكاۋعا ءبىرىنشى رەت كەلىپ قىزمەت تەكسەرگەندە شي جينپيڭ جياۋ يۇيلۋ وتباسىنىڭ شاعىن اۋلاسىنا ارنايى باس سۇعادى، جياۋ يۇيلۋدىڭ پەرزەنتتەرىمەن جانە تۋىستارىمەن امانداسادى. «ول ءبىزدىڭ دەنساۋلىق، قىزمەت، تۇرمىس جاعدايىمىزدى ءبىر – بىرلەپ ۇعىستى، جياۋيۇيلۋدىڭ نەمەرەلەرىنىڭ ءوسىپ – جەتىلۋ جاعدايىنا نازار اۋداردى». جياۋ شوۋيۇن بىلاي دەدى: «ول تەبىرەنىسپەن: ‹جياۋ يۇيلۋ جولداس ءارقاشان ءبىزدىڭ ۇيرەنۋ ۇلگىمىز سانالادى› دەدى، تاعى: ‹سىزدەر جياۋ يۇيلۋدان قالاي ۇيرەنۋ كەرەك دەپ قارايسىزدار؟› دەپ سۇرادى».
«ەكىنشى رەت جۇزدەسكەندە، مەن وعان اكەمنىڭ ىزگى ىستەرى جونىنەن تۇسىرىلگەن قۇجاتتى فيلم جونىندە مالىمەت بەردىم». جياۋ شوۋيۇن سول كەزدى ەسكە الىپ بىلاي دەدى: شي جينپيڭ قاتىستى جاعدايلاردى سۇراپ ۇعىستى، بىرگە كەلگەن ورتالىقتاعى قاتىستى جاۋاپتى جولداستارعا: «وسى قۇجاتتى فيلمدى ۇيرەنۋ امالياتتىق قيمىلىنىڭ ماتەريالى ەتۋگە بولادى» دەپ قاداعالاي تاپسىردى.
2014 – جىلى 17 – ناۋرىز كەشتە شي جينپيڭ جياۋ يۇيلۋ كادرلار ينستيتۋتىنە بارىپ، لانكاۋ اۋدانىنىڭ نەگىزگى ساتىلارىنداعى قىزمەت وتەگىش پارتيا ۇيىمى قۇرىلىسى تاربيەلەۋ كلاسىنىڭ كۋرسانتتارىمەن اڭگىمە ءماجىلىسىن وتكىزدى. ول بىلاي دەدى: جياۋ يۇيلۋدان ۇيرەنۋ باستالعاندا مەن ورتالاۋ مەكتەپتە وقيتىنمىن، سول كەزدە ساياسات مۇعالىمىمىز گازەت وقىپ بەردى، وقي – وقي تاماعى قارلىعىپ قالدى، ال ءبىز ەستىپ وتىرىپ كوزىمىزگە جاس الدىق.
وسى رەتكى اڭگىمە ماجىلىسىندە شي جينپيڭ ادامدى تەرەڭ ويعا سالاتىن «لانكاۋ سۇراعىن» ورتاعا قويدى: جياۋ يۇيلۋدىڭ لانكاۋدا قىزمەت ىستەگەن ۋاقىتى تىم ۇزاق ەمەس، الايدا ول بىزگە وسىنشاما مول رۋحاني بايلىق قالدىردى، ءبىز كەيىنگىلەرگە قانداي رۋحاني بايلىق قالدىرۋىمىز كەرەك؟
«جياۋ يۇيلۋ جونىندە تولعانىس» دەگەن ماقالادا «جاقسى كادردى بۇقارا نەگە جەك كورسىن؟» دەپ باستالاتىن قاناتتى سوزدەر بار، بۇل شي جينپيڭنىڭ جياۋ يۇيلۋدى شىنايى قاستەرلەۋ سەزىمى مەن جالپى ءۇشىن پارتيا قۇرۋ، حالىق ءۇشىن بيلىك جۇرگىزۋ جاۋاپكەرلىگىن بەينەلەدى.
«2015 – جىلى 18 – ناۋرىزدا لانكاۋ اۋدانىندا اشىلعان مالىمەت بەرۋ ماجىلىسىندە باس شۋجي بىزگە وسى قاناتتى سوزدەردى ايتىپ بەردى، تىڭداۋشىلاردىڭ بارلىعى ايرىقشا تەبىرەندى». سول كەزدەگى لانكاۋ اۋداندىق پارتكومنىڭ شۋجيى، قازىرگى كايفىڭ قالالىق پارتكوم ساياسي – زاڭ كوميتەتىنىڭ شۋجيى ۋاڭ شينجۇن سول كەزدى ەسىنە الىپ وسىلاي دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
