شي جينپيڭ حالىق ارمياسىن باستاپ گۋتياننان تاعى ءبىر جورىقتى باستادى (جاڭا يدەيا امالياتتان تۋىندايدى اتىنداعى جەلىلەس حابارلار – 8، فۋجيان گۋتيان بولەگى)
«حالىق گازەتىنىڭ» تىلشىلەرى ني گۋاڭحۇي، ۋەي حى، لي شياڭ
2018.09.26 16:12 كەلۋ قاينارى : حالىق تورابى
«سول كۇنى گۋتيان ءماجىلىسى ەسكەرتكىش سارايىندا قىزىل ارميانىڭ ارميا تۋى الدىندا باس شۋجي تۇسىندىرمەنى تىڭداپ بولعان سوڭ ءبىرسىپىرا ۋاقىت وي شۇڭەتىنە باتىپ تۇرىپ قالدى. ول بىزگە: ‹ۋاقىتتىڭ ءوتۋى ارقىلى تاريحتى ءتىپتى دە ايقىن كورە بىلەمىز، قايىرىلا قاراساق، گۋتيان ماجىلىسىندە نەگىزى قالانعان ساياسي قىزمەت ارميامىزدىڭ ءومىر سۇرۋىندە، دامۋىندا شەشۋشى رول اتقارىپتى› دەدى».
4 جىلعا جۋىق ۋاقىتتىڭ الدىنداعى ىستەردى ەسىنە العان فۋجيان ولكەسى گۋتيان ءماجىلىسى ەسكەرتكىش سارايىنىڭ باستىعى زىڭ حانحۇي وسىلاي دەدى.
2014 – جىلى 30 – قازاندا تۇتاس ارميانىڭ ساياسي قىزمەت ءماجىلىسى فۋجياننىڭ گۋتيان قالاشىعىندا اشىلدى. باس شۋجي شي جينپيڭ ورتالىق اسكەري ىستەر كوميتەتىنىڭ بارلىق مۇشەسىن گۋتيان ءماجىلىسى اشىلعان ورىنعا باستاپ بارىپ، ماۋ زىدۇڭنىڭ ايكەلىنە گۇل شارباق قويدى، ساقا قىزىل ارميا جاۋىنگەرى، اسكەري قۇرباندار وتباسىسى جانە «ساقا استىرتىن پارتيا مۇشەسى، ساقا پارتيزان، ساقا حابارشى، ساقا بايلانىسشى، سوۆەت رايونىنداعى ساقا اۋىل كادرى» ۋاكىلىنەن 10 اداممەن امانداستى، نەگىزگى ساتىدان كەلگەن ءماجىلىس ۋاكىلدەرىمەن بىرگە «قىزىل ارميا تاماعىن» جەدى.
باس شۋجي شي جينپيڭ ماجىلىستە مىنانى دارىپتەدى: ساياسي قىزمەتتىڭ ارميانى قۇدىرەتتەندىرىپ، ارميانى گۇلدەندىرۋدەگى جان تامىرلىق رولىن ساۋلەلەندىرىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن ىسكە اسىرۋىن پارمەندى ساياسي كەپىلمەن قامتاماسىزداندىرۋ كەرەك.
حۋان شينشين (كەزىندەگى «قايىستاي جاۋىنگەرلەر 6 – اترەتىنىڭ» ساياسي جەتەكشىسى):
ءتوراعا شي جينپيڭ بىزدەن قايىستاي جاۋىنگەرلەر رۋحىن اسقاقتاتۋدى تالاپ ەتتى
«تۇتاس لياندەگى كوماندير – جاۋىنگەرلەردىڭ قايىستاي جاۋىنگەرلەر رۋحىن تىنباي اسقاقتاتىپ، ارميانى قۇدىرەتتەندىرۋ نىساناسىنىڭ جەتەكشىلىگىندە اترەتتى اناعۇرلىم مىعىم ەتىپ قۇرىپ شىعۋىن ءۇمىت ەتەمىن!» ارادا 4 جىل وتسە دە، حۋان شينشين باس شۋجي شي جينپيڭنىڭ وسى تاپسىرىعىن ەسىندە بەرىك ساقتاپ كەلىپتى.
كەزىندە نانجيڭ اسكەري رايونى بەلگىلى قىزىل ارميا تۋانى «قايىستاي جاۋىنگەرلەر 6 – اترەتىنىڭ» ساياسي جەتەكشىسى بولعان حۋان شينشين بۇرىنعى نانجيڭ اسكەري رايونى نەگىزگى ساتى كوماندير – جاۋىنگەرلەرى اتىنان ماجىلىسكە قاتىناسىپ، باس شۋجي شي جينپيڭنىڭ ىستىق ىقىلاسپەن قابىلداۋىنا يە بولعان.
«تۇسكى ساعات 11 جارىم مولشەرىندە ءتوراعا شي جينپيڭ اسحاناعا كىردى، جۇزىنەن شاتتىق ەسىپ تۇردى. ول نەگىزگى ساتىدان كەلىپ ماجىلىسكە قاتىناسقان مەن قاتارلى 11 ۋاكىلمەن ءبىر – بىرلەپ قول الىسىپ امانداستى». حۋان شينشين بىلاي دەدى: ول مەنىڭ «قايىستاي جاۋىنگەرلەر 6 – اترەتىنىڭ» ساياسي جەتەكشىسى ەكەنىمدى ءبىلىپ، اترەتىمىزدىڭ تۇرعان ورنىن ءدال ايتىپ بەردى.
«10 جىل ءوتىپ كەتسە دە، ونىڭ اترەتتى ەسىنەن شىعارماعانىنا قايران قالدىم!» 2004 – جىلى 22 – قاڭتاردا سول كەزدە جىجياڭ ولكەلىك پارتكومنىڭ شۋجيى بولىپ مىندەت اتقاراتىن شي جينپيڭ 6 – اترەتتە قىزمەت تەكسەرگەن بولاتىن.
«ول: وراي بولسا، اترەتكە تاعى دا بارامىن، ــ دەدى. سول كەزدە مەن تەبىرەنە وتىرىپ پوزيتسيا ءبىلدىرىپ ءسوز سويلەدىم، ءتوراعا، الاڭسىز بولىڭىز، ءبىز، ءسوزسىز، نىسانانى ەستە بەرىك ساقتاپ، سەنىمدى بەكەمدەپ، قايىستاي جاۋىنگەرلەر رۋحىن اسقاقتاتىپ، ارميانى قۇدىرەتتەندىرۋ ۇلى امالياتىنا ءوزىمىزدى ارنايمىز، ــ دەدىم. ءتوراعا تىڭداپ بولعان سوڭ قولىمدى قىسىپ ۇستاپ، القاۋىن ايتتى». حۋان شينشين سول ساتتەردى وسىلايشا تەبىرەنىسپەن ەسىنە الدى.
وسىدان كەيىن باس شۋجي شي جينپيڭ نەگىزگى ساتى ۋاكىلدەرىن قورالاي وتىرۋعا شاقىرىپ، «قىزىل ارميا تاماعىن» بىرگە جەدى.
كوپشىلىك تاماق جەي وتىرىپ اڭگىمە ايتتى، باس شۋجي شي جينپيڭ كوپشىلىككە جاپونعا قارسى سوعىستاعى ۇلت قاھارمانى ياڭ جيڭيۇيدىڭ اسەرلى ىزگى ىستەرىن اڭگىمەلەپ بەردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
