ج ك پ ورتالىق كوميتەتىنىڭ حۋاڭ چۇن، سۇڭ يۋەساي، جياڭ كايبين، ۋاڭ جيساي جولداستارعا «مەملەكەتتىك تاڭداۋلى كوممۋنيستىك پارتيا مۇشەسى» اتاعىن بەرۋ جونىندەگى ۇيعارىمى
(2018 – جىلى 27 – قىركۇيەك)
2018.09.28 15:31 كەلۋ قاينارى : حالىق تورابى
جۋىقتا باس شۋجي شي جينپيڭ جۇڭگو كەمە اۋىر ونەركاسىپ توبى شەكتى سەرىكتەستىگى 760 - زەرتتەۋ ورنى پارتكومىنىڭ بۇرىنعى مۇشەسى، ورىنباسار باستىعى حۋاڭ چۇن، بەلگىلى تاجىريبە تۇعىرىنىڭ بۇرىنعى جاۋاپتىسى سۇڭ يۋەساي، بەلگىلى تاجىريبە تۇعىرىنىڭ ماشينا - ەلەكتر جاۋاپتىسى جياڭ كايبين جولداستاردىڭ ىزگى ىستەرى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: حۋاڭ چۇن، سۇڭ يۋەساي، جياڭ كايبين − 3 جولداس تايفىڭ داۋىلى مەن دۇلەي تولقىندا كەۋدە كەرە العا شىعىپ، جۇرەكتىلىك كورسەتىپ، مەملەكەتتىڭ ءتۇيىندى تاجىريبە تۇعىرىن قورعاۋ جولىندا ەرلىكپەن قۇربان بولىپ، ناقتى ءىس - ارەكەتتەرىمەن كوممۋنيستەردىڭ پارتياعا ادال بولاتىن، ءوز مىندەتىن مۇقيات اتقاراتىن، قۇربان بەرۋدەن تايسالمايتىن ۇزدىك قاسيەتىن ايگىلەپ، كوممۋنيستەردىڭ «پارتيا مەن حالىققا بارىمدى قۇربان ەتۋگە قاي - قاشان دا دايىنمىن» دەيتىن اۋەلگى ماقساتى مەن سەرتىن قاستەرلى ومىرلەرىمەن ورىندادى، ولار كوممۋنيستەردىڭ تاڭداۋلى ۋاكىلى، ءداۋىردىڭ ۇلگىسى. پارتيالى كادرلار حۋاڭ چۇن، سۇڭ يۋەساي، جياڭ كايبيندەردى ونەگە ەتىپ، مۇرات - سەنىمدى بەكەمدەپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاۋاپكەرلىكتەرىن تولىق وتەپ، پارتيا مەن وتاننىڭ ءۇمىتىن اقتاپ، «ەكى 100 جىلدىق» كۇرەس نىساناسىن جۇزەگە اسىرۋعا، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اقىل - پاراساتى مەن كۇش - قايراتىن ارناۋى كەرەك.
جۋىقتا باس شۋجي شي جينپيڭ جياڭسۋ ولكەسى گۋانيۇن اۋدانى كايشان ارالى حالىق جاساعى قاراۋىل ورنىنىڭ بۇرىنعى باستىعى، كايشان ارالى قىستاعى پارتيا ياچەيكاسىنىڭ بۇرىنعى شۋجيى ۋاڭ جيساي جولداستىڭ ىزگى ىستەرى جونىندە ماڭىزدى نۇسقاۋ بەرىپ، مىنالاردى دارىپتەدى: ۋاڭ جيساي جولداس 32 جىل بويى ارالدى كۇزەتىپ، وتاندى قورعاپ، قالتقىسىز تاباندىلىق كورسەتىپ جانە ەڭبەك ەتىپ، قاراپايىم جۇمىس ورنىندا كەرەمەت ءومىر داستانىن جازدى. ءبىز وسىنداي وتاندى ءسۇيۋ، ۇلەس قوسۋ رۋحىن كۇش سالا دارىپتەپ، جاڭا داۋىردەگى كۇرەسكەرلەردىڭ قۇن تالپىنىسىنا اينالدىرۋىمىز كەرەك. قاتىستى جاقتار ۋاڭ جيساي جولداستىڭ ءۇي ىشىندەگىلەرگە كوڭىل ءبولۋى، قامقورلىق جاساۋى كەرەك. ءار دارەجەلى ۇيىمدار ۋاڭ جيساي جولداس سياقتى ۇزاق ۋاقىت جاپالى جۇمىس ورنىندا ۇلەس قوسۋعا پەيىل بولعان جولداستاردىڭ ءىس جۇزىندىك قيىنشىلىقتارىن بەلسەنە، ىرىقتىلىقپەن شەشىپ، يدەيادا، قىزمەتتە جانە تۇرمىستا ولارعا كوبىرەك كوڭىل ءبولۋى، ولاردى ايالاۋى كەرەك.
باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، سەنىمى مىعىم، پارتياعا ادال، جاۋاپكەرلىك ارقالاپ، ىسكەرلىك كورسەتكەن، ەڭبەك ەتىپ، يگىلىك جاراتقان جاڭا ءداۋىر تيپتەرىن بار كۇشپەن ماراپاتتاپ جانە ۇگىتتەپ، پارتيا مۇشەلەرى مەن كادرلاردى يدەيا مەن ارەكەتتى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن جانە پارتيا 19 - قۇرىلتايىنىڭ رۋحىمەن اناعۇرلىم بىرلىككە كەلتىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاۋاپكەرلىكتەرىن تولىق وتەپ، پارتيا مەن وتاننىڭ ءۇمىتىن اقتاپ، ءداۋىر، حالىق، تاريح الدىندا ۇياتتى بولمايتىنداي ناتيجە جاراتۋ جولىندا قۇلشىنۋعا شابىتتاندىرۋ جانە جەتەكتەۋ ءۇشىن، پارتيا ورتالىق كوميتەتى حۋاڭ چۇن، سۇڭ يۋەساي، جياڭ كايبين، ۋاڭ جيساي جولداستارعا «مەملەكەتتىك تاڭداۋلى كوممۋنيستىك پارتيا مۇشەسى» اتاعىن بەرۋدى ۇيعاردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
