شي جينپيڭ: اسكەر جاتتىقتىرىپ سوعىسقا دايىندالۋدى جالپى بەتتىك كۇشەيتىپ، جەڭىمپازدىق قۋاتتى جەدەل جوعارىلاتۋ كەرەك
2018.09.30 13:47 كەلۋ قاينارى : حالىق تورابى
شينحۋا اگەنتتىگى، 29 – قىركۇيەك، شىنياڭ (تىلشىلەر لي شۋانلياڭ، ۋاڭ تياندى). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 27 - قىركۇيەكتە 79 ـ ارميا توبىن كوزدەن كەشىردى. ول مىنالاردى دارىپتەدى: پارتيانىڭ جاڭا داۋىردەگى ارميانى قۇدىرەتتەندىرۋ يدەياسىن ىشكەرىلەي دايەكتىلەندىرۋ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرۋ؛ ارميانى ساياسي جاقتان قۇرۋدا، ارميانى رەفورمامەن قۇدىرەتتەندىرۋدە، ارميا ىستەرىن عىلىم - تەحنيكامەن كوركەيتۋدە، ارميانى زاڭ بويىنشا باسقارۋدا تاباندى بولۋ؛ شىنايى سوعىستىق تالاپتى دايەكتىلەندىرۋدە، مىندەت، بورىشپەن تىعىز بىرلەستىرۋدە، رەفورما جۇرگىزىپ، بۇرىلىس جاساۋدا، كوماندير ـ جاۋىنگەرلەردىڭ نەگىزگى تۇلعاسىن مىقتى يگەرۋدە تاباندى بولۋ؛ اسكەر جاتتىقتىرىپ سوعىسقا دايىندالۋدى جالپى بەتتىك كۇشەيتىپ، جەڭىمپازدىق قۋاتتى جەدەل جوعارىلاتىپ، پارتيا مەن حالىق جۇكتەگەن مىندەت، بورىشتى ويداعىداي ورىنداۋ كەرەك.
التىن كۇز شۋاعىنا شومىلعان بايتاق لياۋشىن دالاسىندا اسپان شايداي اشىلىپ، بارشا تىرلىك جالىندى بەينە بايقاتادى. تۇستەن كەيىنگى ساعات 3 مولشەرىندە شي جينپيڭ 79 - ارميا توبىنىڭ بەلگىلى قۇرلىق - اۋە ارميا بريگاداسىنىڭ جاتتىعۋ مايدانىنا كەلدى. ول اۋەلى اسكەري ءبولىمنىڭ قاتىستى مىندەتتەردى اتقارۋ جاعدايى جونىندەگى مالىمەتتى تىڭدادى. شي جينپيڭ اسكەري بولىمدەگى كوماندير - جاۋىنگەرلەردىڭ يدەيانى باتىلدىقپەن ازات ەتىپ، قولباسشىلىقتى سايكەستىرۋ، سوعىس تاكتيكاسىن قولدانۋ، قۇرالداردى جاڭالاۋ جاقتارىندا كوپتەگەن جاڭالىق، تاپقىرلىق جاراتىپ، ءتۇرلى مىندەتتىڭ ورىندالۋىن پارمەندى قامتاماسىزداندىرعانىن ەستىپ قاتتى قۋاندى.
شي جينپيڭ اسكەري ءبولىمنىڭ نەگىزدىك سوعىس جابدىقتارىن كوزدەن كەشىردى. ول قارۋلى ءبولىم تىك ۇشارلارىنىڭ تەحنيكالىق ونەرى قانداي دەڭگەيدە ەكەنىن، امالياتتىق قولدانۋعا قولايلى بولعان، بولماعانىن، وزگەرتۋگە ءتيىستى جەرلەرى بار - جوقتىعىن كوڭىل قويا ۇعىستى. تىك ۇشار - 10 تۇرپاتتى قارۋلى ءبولىم تىك ۇشارى ەلىمىز دەربەس زەرتتەپ جاساعان 3 - ءداۋىر سوعىس ۇشاعى سانالادى. شي جينپيڭ وسى تۇرپاتتاعى تىك ۇشارعا ءتۇسىپ، ارناۋلى كاسىپتىك دۋلىعا كيىپ، ۇشاققا ورنالاستىرىلعان قارۋلاردى جانە باقىلاۋ - نىساناعا الۋ جۇيەسىن ءوز قولىمەن باسقارىپ كوردى ءارى جابدىققا قاتىستى جاعدايلاردى ۇعىستى.
شي جينپيڭ شىنايى سوعىستىق اسكەري جاتتىعۋعا ايرىقشا ءمان بەردى. ول اۋەجايداعى نۇسقاۋ مۇناراسىنا شىعىپ، اسكەري ءبولىمنىڭ جاتتىعۋىن ناق مايداننان كوردى. ونداعان تىك ۇشاردان قۇرالعان سوعىستىق قۇراما گرۋپپا بويىنشا الدىڭعى بارلاۋ شوعىرى، وت كۇشىمەن توپ جارۋ شوعىرى، ۇشاقتان تىكەلەي اسكەر جەتكىزۋ شوعىرى جانە كەڭىستىك قامتاماسىزداندىرۋ قوسىنى، وت كۇشىمەن كومەكتەسۋ قوسىنى گرۋپپالارى بويىنشا رەت - رەتىمەن نۇسقاۋ مۇناراسىنىڭ اۋە كەڭىستىگىنەن ۇشىپ ءوتىپ، جەر باۋىرلاپ ۇشىپ يكەمدىلىكپەن قۇپيا ارەكەت جاساۋ، جان - جاققا شاشىلا توپ جارۋ جانە كەڭىستىكتە شايقاسۋ، تاكتيكالىق جالتارۋ جانە تاپ بەرىپ توپ جارۋ، ستراتەگيالىق قۇراما قوسىنىن قۇرىپ جەر باۋىرلاپ بارلاۋ جۇرگىزۋ، تىك ۇشارمەن اسكەر جەتكىزىپ تۇتقيىل شابۋىلعا ءوتۋ، كەڭىستىكتە جاقىن ارالىقتان وت كۇشىمەن كومەكتەسۋ قاتارلى تاكتيكالىق تۇرلەردى كەزەك - كەزەگىمەن ورىنداپ كورسەتتى. اپ - ساتتە سوعىس قىراندارى كۇمىس قاناتتارى كۇنگە شاعىلىسا زۋلاپ جەتىپ كەلدى دە، ەرەكشە شايقاس قوسىنىنىڭ جاۋىنگەرلەرى كوكتەن تۇسكەندەي پايدا بولىپ، ايرىقشا جىلدام ارەكەت جاساپ جاتتى. شي جينپيڭ اۋىق - اۋىق ءدۇربى سالىپ كورىپ تۇردى ءارى اسكەري قوسىننىڭ ەگەي ونەرىن تۇراقتاندىردى. جاتتىعۋ اياقتاعاندا اسكەري ءبولىمنىڭ جەتەكشىسى قارۋلى ءبولىم تىك ۇشارىن جۇرگىزىپ نۇسقاۋ مۇناراسىنىڭ الدىنا كەلىپ ۇشاق باسىن بۇلعاقتاتۋ ەرەكشە فورماسىمەن ءتوراعا شي جينپيڭگە قۇرمەت ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
