لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2018.10.09 16:03 كەلۋ قاينارى : حالىق تورابى
شينحۋا اگەنتتىگى، 8 – قازان، بەيجيڭ. مەملەكەتتىك كەڭەستىڭ زۇڭليى لي كىچياڭ 8 - قازاندا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، ماجىلىستە ەكسپورتتان قايتارىلاتىن باجى ساياساتىن كەمەلدەندىرىپ، باجى قايتارۋ اياق الىسىن تەزدەتۋ شارالارى تۇراقتاندىرىلىپ، كاسىپورىنداردىڭ جۇگى جەڭىلدەتىلدى، سىرتقى ساۋدانىڭ ورنىقتى ارتۋىنا مۇمكىندىك جاراتىلدى؛ لاشىق رايونىن وزگەرتىپ سالۋ قىزمەتىنە ورنالاستىرۋ جاسالىپ، باسپانا قيىنشىلىعى بار بۇقارانىڭ قونىس شارت – جاعدايى اناعۇرلىم جاقسارتىلاتىن بولدى.
ماجىلىستە بىلاي دەپ اتاپ كورسەتىلدى: ەكسپورت باجىسىن قايتارۋ دۇنيە جۇزىلىك ساۋدا ۇيىمىنىڭ ەرەجەسىنە ۇيلەسەدى. ەكسپورتتان قايتارىلاتىن باجى ساياساتىن كەمەلدەندىرىپ، باجى قايتارۋ اياق الىسىن تەزدەتۋ قامداۋ تۇرىندەگى قۇرىلىمدىق رەفورمانى ىشكەرىلەي جۇرگىزىپ، ناقتى ەكونوميكانىڭ وزىندىك قۇنىن تومەندەتۋدى ىلگەرىلەتۋگە ءتيىمدى، قازىرگى كۇردەلى حالىقارالىق جاعدايعا توتەپ بەرىپ، سىرتقى ساۋدانى ورنىقتى ارتتىرا بەرۋگە دە ءتيىمدى. ماجىلىستە مىنالار ۇيعارىلدى: 2018 – جىلى 1 – قاراشادان باستاپ قۇرىلىمدى رەتتەۋ پرينسيبى بويىنشا، حالىقاراداعى جالپىلىق ادىسكە ساي، قازىر اتقارىلىپ وتىرعان زات ەكسپورت ەتۋدەن قايتارىلاتىن %15 تىك باجى شاماسى مەن ءىشىنارا %13 تىك باجى شاماسى %16 كە جوعارىلاتىلادى؛ %9 تىك باجى شاماسى %10 كە جوعارىلاتىلادى، مۇنىڭ كەيبىرەۋى %13 كە جوعارىلاتىلادى؛ %5 تىك باجى شاماسى %6 كە جوعارىلاتىلادى، مۇنىڭ كەيبىرەۋى %10 كە جوعارىلاتىلادى. ەنەرگيا سارىپ ەتۋى جوعارى، لاستاۋى اۋىر، بايلىق سيپاتىنداعى ونىمدەر مەن اسىپ قالعان ءوندىرىس قۋاتىن ازايتۋ مىندەتىنە ءدوپ كەلگەن ءونىم سياقتىلاردىڭ ەكسپورتتان قايتارىلاتىن باجى شاماسى وزگەرمەيدى. باجى ءتۇزىمىن اناعۇرلىم قاراپايىمداندىرىلىپ، قايتارىلاتىن باجى شاماسى بۇرىنعى 7 – دارەجەدەن 5 – دارەجەگە تومەندەتىلەدى. ماجىلىستە سونداي – اق مىناۋ تۇراقتاندىرىلدى: باجى قايتارۋ اياق الىسىن اناعۇرلىم تەزدەتۋ ءۇشىن، سەنىمدىلىك دارەجەسى جوعارى، باجى تاپسىرۋ ەستەلىگى جاقسى ەكسپورت كاسىپورىندارىنا قاراتا رەسميات قاراپايىمداندىرىلىپ، باجى قايتارۋ ۋاقىتى ازايتىلۋمەن بىرگە، باجى قايتارۋ ءوتىنىش ماتەريالىن ەلەكتروندى نۇسقا بويىنشا جولداۋ ءتاسىلى قولدانىلىپ، باجى قايتارۋ رەسمياتىن تەكسەرىپ – بەكىتۋ ونىمدىلىگى جوعارىلاتىلادى. باجى قايتارۋ قىزمەت وتەۋى جاقسارتىلىپ، كاسىپورىنداردىڭ تالون، كۋالىكتەردى ۋاعىندا جيناپ، باجى قايتارۋدى ءوتىنىش ەتۋىنە كومەك كورسەتىلىپ، قازىناعا قايتارۋدىڭ جۇيەلى ەلەكتروندىق تورابىمەن تۇتاستاي شارپۋ ىسكە اسىرىلادى. سىرتقى ساۋدا جالپىلىق قىزمەت وتەۋ كاسىپورىندارىنىڭ ورتا، شاعىن كاسىپورىندارعا باجى قايتارۋ قىزمەت وتەۋىن ۋاكىلدىك ءبىتىرىپ بەرۋىنە شابىت بەرىلەدى. ەكسپورتتان قايتارىلاتىن باجىنى الداپ الۋ ارەكەتتەرىنە باتىلدىقپەن سوققى بەرىلەدى. جوعارىداعى شارالارمەن وسى جىلدىڭ سوڭىنان بۇرىن باجى قايتارۋ رەسمياتىن وتەۋدەگى ورتاشا ۋاقىت قازىرگى 13 قىزمەت كۇنىنەن 10 قىزمەت كۇنىنە قىسقارتىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
