بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

ءشول دالادا قۇرىلعان «جاسىل بانكە» (شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە − جاڭا ءداۋىر، سونى بەينە، تىڭ سەرپىلىس)

− شينجياڭ اقسۋ ايماعىنىڭ ەكولوگيانى جونگە سالۋى جونىندە (2)

2018.10.12 15:53     كەلۋ قاينارى : حالىق تورابى

  قانىق جاسىل شاپتول اعاشى، نارت قىزىل الما اعاشى جانە شىلان اعاشى، اپپاي ۇزىن تالشىقتى ماقتا، التىن سارى كۇرىش جۇزدەگەن شاقىرىپ القاپتى الىپ جاتىر... قىركۇيەكتىڭ ورتا شەنىندە تىلشىلەر اۆتوموبيلگە وتىرىپ شينجياڭنىڭ اقسۋ ايماعىنىڭ سولتۇستىك بوكتەرىنە باردى، ءتاڭىر تاۋىنىڭ ەتەگىنەن وڭتۇستىككە بەت الىپ، تاكلاماكان شولىنە جەتتى، وسى ارالىق نەگىزىنەن جەلمەن ىرعالعان تال – تەرەكپەن، قوش ءيىستى جەمىس – جيدەكپەن كومكەرىلىپتى.


  جاڭا جۇڭگو قۇرىلعان باستاپقى مەزگىلدە ۋاڭ جىن گەنەرال باستاعان 359 – لۇيدىڭ ءبىر ءبولىم كوماندير – جاۋىنگەرى اقسۋ ايماعىنىڭ وڭتۇستىك جيەگىنەن تىڭ يگەرەدى ءارى شينجياڭ ءوندىرىس – قۇرىلىس بيڭتۋانىنىڭ 1 – ديۆيزياسىن قۇرادى. تۇتاس ديۆيزياداعى كوماندير – جاۋىنگەرلەر كوپتەگەن سۋ قويماسىن سالىپ، ءبىر ميلليون 200 مىڭ مۋدان استام قۇنارلى اتىزدى يگەرىپ، تىڭ اشۋدا، ءوزىن – ءوزى قامداۋدا كەرەمەت تابىس جاراتادى.


  اقسۋ حالقى بۇل كۇندە تىڭ يگەرۋ رۋحىن جالعاستىرىپ، كەڭ كولەمدەگى ەكولوگيانى جاسىلداندىرۋ ينجەنەرياسىن اتقارىپ، قونىس اۋماعى كەڭەيىپ، ءشول اۋماعى تارايۋ ءجايتىن ءساتتى ىسكە اسىرىپ، كەڭ – بايتاق ءشول القاپتا جاسىل جازيرا قالىپتاستىرادى. نازار اۋدارارلىعى، ۇزاق جىلدار تەر توگۋدىڭ ارقاسىندا اقسۋ حالقى تاماشا ەكولوگيالىق ونىمدىلىك جاراتۋدان تىس، باعبانشىلىقتى «جاسىل بانكەگە» اينالدىردى: الما، شىلان، شاپتول قاتارلى جەمىستەر بىرتىندەپ بۇكىل ەلگە ايگىلەنىپ، زور ەكونوميكالىق قۇن جاراتىلدى.


  قونىس اۋماعىن كەڭەيىپ، ءشول اۋماعىن تارايتۋدى قالاي ىسكە اسىردى


  ەكونوميكالىق ورمان، ەكولوگيالىق ورمان، كورىنىستىك ورمان ۇشتاستىرىلىپ، ءبىر جاعىنان ءشول جونگە سالىندى، ءبىر جاعىنان بايۋ جولى اشىلدى


  شينجياڭ تەرەگى سياقتى ەكولوگيالىق ورماننىڭ قورعاۋى بولماسا، ءشولدى جاسىلداندىرۋدىڭ ناتيجەسى نولگە تەڭ بولار ەدى؛ الما قاتارلى ەكونوميكالىق ورماننىڭ دەمەۋى بولماسا، ءشولدى جاسىلداندىرۋدان ەكونوميكالىق قۇن جاراتىلماس ەدى. اقسۋ ايماعى ءبىرىڭعاي ەكولوگيالىق ورمان ەگۋدەن باستاپ ىسكە كىرىسىپ، ودان ەكونوميكالىق ورماندى، ەكولوگيالىق ورماندى، كورىنىستىك ورماندى ۇشتاستىرۋ جولىنا ءتۇسىپ، جالاڭ ورمان عانا وسىرۋدەن ورمان ءوسىرۋ مەن قونىس ورتاسىن اشۋدى ۇشتاستىرۋ بارىسىن باسىپ ءوتتى.


  قازىر اقسۋ ايماعىندا ورمان اۋماعى 14 ميلليون 230 مىڭ مۋ بولىپ، ورمانمەن كومكەرىلۋ شاماسى %6.8 كە جەتتى؛ باۋ – باقشا اۋماعى 4 ميلليون 500 مىڭ مۋ بولىپ، سول جەردەگى ەگىنشىلەردىڭ باعبانشىلىقتان تاپقان ناق كىرىسى 4 مىڭ 530 يۋانعا جەتىپ، ەگىنشىلەردىڭ كىسى باسىنا تۋرا كەلەتىن ناق كىرىسىنىڭ %32 ىن قۇرادى.


  وتكەندە اقسۋ ايماعىنىڭ ورتاسى ناشار بولاتىن، 7 – 8 بالدان جوعارى بوران جىل بويى ۇزىلمەيتىن، 3 بال جەلگە عانا شىدايتىن بال اراسى بۇل ماڭعا جولاي الماي، الما اعاشى گۇل اشقانمەن توزاڭدانباي، جەمىسسىز قالاتىن؛ بىرنەشە تال جەمىس ءتۇستى دەگەن كۇندە دە، ونى بوران قاعىپ كەتەتىن.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار