ءتوراعا شي جينپيڭ مەن نورۆەگيا جۇرتشىلىعىنىڭ دوستىق بارىس – كەلىسى جونىندەگى تارتىمدى اڭگىمە
2018.10.18 17:05 كەلۋ قاينارى : حالىق تورابى
مول ءونىم شاتتىعى ەسكەن التىن كۇز. 16 – قازاندا مەملەكەت ءتوراعاسى شي جينپيڭ حالىق سارايىندا سالت وتكىزىپ، نورۆەگيانىڭ پاتشاسى حارالد ⅴتىڭ جۇڭگودا مەملەكەتتىك ساپاردا بولۋىن قارسى الدى. دوستىق، سەلبەستىك، بولاشاق اڭگىمەنىڭ ارقاۋى بولدى، ەكى ەل باسشىلارى كەڭەس وتكىزگەن كەزدە ءبىرقىدىرۋ ماڭىزدى ورتاق تانىمعا كەلدى ءارى جاڭالىق جاراتۋ، دەنەتاربيە، ەكونوميكا – ساۋدا سياقتى سالالارداعى سەلبەستىك قۇجاتتارىنا قول قويىلۋىنا كۋا بولدى.
پاتشا حارالد ⅴپەن كەڭەسۋ بارىسىندا ءتوراعا شي جينپيڭ تىلگە العان وتكەندەگى ءبىر ءىس 39 جىلدىڭ الدىنداعى مىناداي ءجايتتى جۇرتشىلىقتىڭ ەسىنە سالدى.
«1979 – جىلىل مەن مەن ورىنباسار زۇڭلي گىڭ بياۋمەن بىرگە سولتۇستىك ەۆروپاداعى 4 ەلدە ساپاردا بولدىم، نورۆەگياداعى كەزىمىزدە وسلوعا جانە ستاۆانگەرگە باردىق ءارى سول جەردەگى جاي تۇرعىنداردىڭ ۇيلەرىن ارالاپ، نورۆەگيانىڭ دامىعان قوعامدىق يگىلىك ىستەرىنەن تەرەڭ اسەر الدىق».
بۇل جۇڭگو مەن نورۆەگيانىڭ قاتىناسى تاريحىنداعى تاريحي مانگە يە ديپلوماتيالىق قيمىل بولاتىن. 1979 – جىلى 21 – مامىردان 28 – مامىرعا دەيىن سول كەزدەگى مەملەكەتتىك كەڭەستىڭ ورىنباسار زۇڭليى گىڭ بياۋ نورۆەگيادا رەسمي ساپاردا بولىپ، ەرەكشە قارسى الىنادى، بۇل جۇڭگو ۇكىمەت باسشىسىنىڭ نورۆەگيادا تۇڭعىش ساپاردا بولۋى ەدى. سول كەزدە 26 جاستاعى شي جينپيڭ جۇڭگو ۋاكىلدەر ۇيىرمەسىنىڭ ءبىر مۇشەسى رەتىندە ساپارلاي بارعان – دى. ۋاكىلدەر ۇيىرمەسىنىڭ كۇن ءتارتىپ ورنالاستىرۋى تىعىز بولعان، ولار نورۆەگيانىڭ ءار سالاسىنداعى قايراتكەرلەرمەن كەڭ كولەمدە كەزدەسىپ، ساپار تابىستى اياقتالعان.
ءتوراعا شي جينپيڭ سول ىستەردى ەسىنە الىپ، انىقتاپ ايتىپ بەرگەندە، پاتشا حارالد ⅴپەن نورۆەگيا جاقتىڭ سيلى قوناقتارى ەكى ەل قاتىناسىنىڭ تەرەڭ قاينارىن سەزىندى.
كەزدەسۋ اياقتالعان سوڭ ءتوراعا شي جينپيڭ مەن حانىمى پىڭ لييۋان حالىق سارايىنىڭ التىن رەڭدەگى زالىندا پاتشا حارالد ⅴپەن ونىڭ حانىمىنا ارناپ قارسى الۋ قوناعاسىسىن وتكىزدى. ەكى ەل باسشىلارى ەكى جاقتى قاتىناستى ىشكەرىلەي تەرەڭدەتۋ جونىندە ەمىن – ەركىن، شات – شادىمان اڭگىمەلەستى.
قوناعاسىدا پاتشا حارالد ⅴ ۋاكىلدەر ۇيىرمەسىنەن جاڭا عانا ۇعىسقان ءبىر ماڭىزدى ينفورماتسيانى جاريالادى: ءتوراعا شي جينپيڭ سول جىلى بارعان نورۆەگيالىق وتباسىنىڭ قىزى ورنالاستىرىپ قويعانداي وسى رەتكى ساپاردا جۇڭگوعا بىرگە كەلىپتى. ونىڭ اتى – ءجونى ەنگەرۋەي سيمينەس تيبرين – ەد ەكەن، قازىر نورۆەگيانىڭ مۇناي جانە ەنەرگيا مينيسترلىگىنىڭ مەملەكەت ىستەرى حاتشىسى ەكەن.
«شىنىندا كۇتپەگەن ءىس بولىپتى، ونىمەن كەزدەسسەم دەيمىن» دەدى ءتوراعا شي جينپيڭ قۋانىشپەن.
القالى جۇرت توسىن ىسكە تاڭ – تاماشا بولىپ، ماڭىزدى تاريحي ساتكە كۋا بولۋعا ىنتىقتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
