لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2018.10.23 16:35 كەلۋ قاينارى : حالىق تورابى
شينحۋا اگەنتتىگى، 22 – قازان، بەيجيڭ. مەملەكەتتىك كەڭەستىڭ زۇڭليى لي كىچياڭ 22 - قازاندا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە تەكسەرۋ بارىسىندا بايقالعان جانە كاسىپورىندار كوڭىل ءبولىپ وتىرعان ماسەلەلەرگە ساي، تيجارات ورتاسىن جاقسارتۋ ساياساتىنىڭ تياناقتانۋىن ىشكەرىلەي ىلگەرىلەتۋ ورنالاستىرىلدى؛ حالىقتىق كاسىپورىنداردا زايومنىڭ قارجى قۇراۋ قۇرالىن ازىرلەپ، كاسىپورىنداردىڭ قارجى قۇراۋ قيىن بولۋ ماسەلەسىن جەڭىلدەتۋىنە بازارلاندىرۋ فورماسىمەن كومەكتەسۋ ۇيعارىلدى؛ مەملەكەتتىڭ «ينتەرنەت + باقىلاپ باسقارۋ» جۇيەسىن ورناتىپ، ۇكىمەتتىڭ باقىلاپ باسقارۋىن جۇيەلىلەندىرۋدى، دالدەندىرۋدى، زەيىندەندىرۋدى جەبەۋ كەرەكتىگى بەلگىلەندى.
ماجىلىستە مىنالار اتاپ كورسەتىلدى: سىرتقى ورتاداعى وزگەرىس سياقتىلار ەلىمىزدىڭ دامۋىنا جاريالاعان كوپتەگەن سايىسقا قاراتا، پارتيا ورتالىق كوميتەتىنىڭ، مەملەكەتتىك كەڭەستىڭ تالابى بويىنشا، تيجارات ورتاسىن جاقسارتۋ قىزمەت تەبىنىن ارتتىرۋ، كاسىپورىننىڭ ويلاعانىن ويلاپ، كاسىپورىننىڭ اسىققانىنا اسىعۋ، ءتۇرلى ساياساتتى تياناقتاندىرۋدى مىقتى يگەرىپ، كاسىپورىننىڭ دامۋىنا ورالعى بولاتىن ءتۇرلى تۇساۋلاردى ارىلتىپ، كاسىپورىننىڭ سەنىمى مەن باسەكە قۋاتىن نىعايتۋ كەرەك. ءبىرىنشى، قوعامدىق كاپيتالدىڭ بازارعا كىرۋىنە رۇقسات ەتۋگە قويىلاتىن شەكتەمەلەردى ازايتا ءتۇسۋ كەرەك. جىل سوڭىنا دەيىن بازارعا كىرۋگە رۇقسات ەتۋدەگى كاسىپورىنداردىڭ شەكتەلگەن سالالار تىزىمدىگىنە وزگەرىس ەنگىزىپ، جاڭا نۇسقانى جاپپاي اتقارىپ، شەكتەمەسىز جاعدايدا بازارعا كىرە الاتىن بولۋدى جان - جاقتى تياناقتاندىرۋ كەرەك. كەلەر جىلى ناۋرىزدىڭ سوڭىنان بۇرىن شەتەل ساۋداگەرلەرىنىڭ قارجى قوسۋىنا رۇقسات ەتۋدەگى شەكتەلگەن سالالار تىزىمدىگىندەگى شەتەل قارجىسىنا قويىلاتىن رۇقسات شەكتەمەلەرىن تۇگەلدەي كۇشىنەن قالدىرىپ، ىشكى ـ سىرتقى قارجى قوسۋعا قويىلاتىن ولشەمدى بىرلىككە كەلتىرۋ كەرەك. ەكىنشى، اكىمشىلىك رۇقسات سياقتى جۇمىس تۇرلەرىن ىقشامداپ ازايتۋ كەرەك. قازىر اتقارىلىپ جاتقان رۇقسات تۇرلەرىن جالپى بەتتىك اداقتاپ شىعۋ، كەلەر جىلى ناۋرىزدىڭ سوڭىنان بۇرىن جاڭادان وزگەرىس ەنگىزىپ جاسالعان اكىمشىلىك رۇقسات تۇرلەرىن اداقتاۋ تىزىمدىگىن جاريالاپ، اداقتاۋ تىزىمدىگىنە جاتپايتىن رۇقساتتاردىڭ بارلىعىن بەلگىلەمەگە قايشى قاراپ بەكىتۋ دەپ ەسەپتەۋ كەرەك. ءۇشىنشى، كاسىپورىنداردىڭ قارجى قوسۋىن قاراپ بەكىتۋ رەسمياتتارىن ىقشامداۋ كەرەك. سىناق ءتۇيىنى نەگىزىندە كەلەر جىلى بۇكىل مەملەكەت كولەمىندە ينجەنەريا قۇرىلىس نىساندارىن جالپىلاما، جاپپاي قاراپ بەكىتۋ ءتۇزىم رەفورماسىن ورىستەتىپ، بارلىق قاراپ بەكىتۋ تۇرلەرىن توراپتا بىرلەسىپ ءبىتىرۋدى بۇكىلدەي ىسكە اسىرۋ كەرەك. جىل سوڭىنان بۇرىن كاسىپورىنداردىڭ تىزىمدىكتەن ءوشىرۋ بارىستارىن جاقسارتۋ رەفورما شارالارىن العا قويۋ كەرەك. ءتورتىنشى، كاسىپورىنداردىڭ باجى اۋىرتپالىعىن جەڭىلدەتۋ كەرەك. كاسىپورىنداردىڭ باجى اۋىرتپالىعىن جانە قوعامدىق قامسىزداندىرۋ سالىستىرماسىن ءۇرتىس تومەندەتۋ ناقتى شارالارىن بەلگىلەۋ زەرتتەۋىن مىقتى يگەرۋ كەرەك. جىل سوڭىنان بۇرىن جۇك اۆتوموبيلدەرىنىڭ ءتۇرلى رەسمياتتارىن جىلدىق قاراپ تەكسەرۋ، جىلدىق كارەنتيندەۋ جانە جاراقسىز گاز ءبولىپ شىعارۋىن ءبىر جولدا تەكسەرىپ، ءبىر جولاتا اقى الۋدى تولىق ىسكە اسىرۋ، زورلىقپەن كۋالاندىرىلاتىن ونىمدەرگە قاراتا تاعى دا %10 تەن استامىنىڭ زورلىقپەن كۋالاندىرۋىن كۇشىنەن قالدىرۋ نەمەسە وزدىكتەرىنەن جاريالاۋ فورماسىن قولدانۋ كەرەك. وقۋ - اعارتۋ، ەمدەۋ، دەنساۋلىق ساقتاۋ، كۋالاندىرۋ، ۇكىمەت تاڭباسىن جاساۋ قاتارلى قىزمەت وتەۋ اقى الۋ تۇرلەرىن باقىلاپ باسقارۋدى كۇشەيتۋ، كاسىپتەردەگى ءار ءتۇرلى قوعامداردىڭ، ساۋدا قوعامدارىنىڭ اقى الۋلارىنا تەكسەرۋ جۇرگىزۋ كەرەك. بەسىنشى، اكىمشىلىك قىزمەت وتەۋ ونىمدىلىگىن جوعارىلاتۋ كەرەك. اكىمشىلىك قىزمەت وتەۋدى ولشەمدەندىرۋدى جەدەلدەتۋ، اكىمشىلىك ايىپ سالۋ تۇرلەرىن ىقشامداۋ، ەركىن جازا بەلگىلەۋ ۇقىعىن جۇيەلىلەندىرۋ ءادىس - شاراسىن بەلگىلەۋ، زاڭ اتقارۋداعى ەركىنسۋ، ءبارىن ءبىر شىبىقپەن ايداۋ قۇبىلىستارىن باتىل تۇزەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
