بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ شياڭگاڭ - جۋحاي - اۋمىن ۇلكەن كوپىرىندە قاتىناس باستاۋ سالتىنا قاتىناستى ءارى ۇلكەن كوپىردە قاتىناس رەسمي باستالعانىن جاريالادى

حان جىڭ سالتقا قاتىناستى ءارى ءسوز سويلەدى

2018.10.24 16:21     كەلۋ قاينارى : حالىق تورابى


  «حالىق گازەتى»، 23 – قازان، جۋحاي. ءبىر كوپىر 3 ورىندى تۇتاستىرىپ، تابيعي كەدەرگى داڭعىل قاتىناس لەنياسىنا اينالدى. شياڭگاڭ - جۋحاي – اۋمىن ۇلكەن كوپىرىندە رەسمي قاتىناس باستاۋ سالتى 23 - قازاندا گۋاڭدۇڭ ولكەسىنىڭ جۋحاي قالاسىندا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سالتقا قاتىناستى ءارى ۇلكەن كوپىردە قاتىناس رەسمي باستالعانىن جاريالاپ، پارتيا ورتالىق كوميتەتى اتىنان ۇلكەن كوپىر قۇرىلىسىن جوبالاۋ، جاساۋ، باسقارۋعا ات سالىسقان قىزمەتكەرلەرگە شىنايى العىس ايتتى ءارى وسكەلەڭ قۇرمەت ءبىلدىردى.


  ج ك پ ورتالىق كوميتەتى ساياسي بيروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ سالتقا قاتىناستى ءارى ءسوز سويلەدى.


  جالپى ۇزىندىعى شامامەن 55 كيلومەتر كەلەتىن شياڭگاڭ - جۋجياڭ - اۋمىن ۇلكەن كوپىرى − شىعىستا شياڭگاڭ ەرەكشە اكىمشىلىك رايونىن، باتىستا گۋاڭدۇڭ ولكەسىنىڭ جۋحاي قالاسى مەن اۋمىن ەرەكشە اكىمشىلىك رايونىن تۇتاستىراتىن، «ءبىر ەل، ەكى ءتۇزىم» اياسىندا گۋاڭدۇڭ، اۋمىن، شياڭگاڭ سىندى 3 ورىن تۇڭعىش رەت سەلبەسىپ ورتاق قۇرعان ەرەكشە ۇلكەن، تەڭىز اتتاعان قاتىناس ينجەنەرياسى. ۇلكەن كوپىردە قاتىناس باستالۋى گۋاڭدۇڭ، شياڭگاڭ، اۋمىن ۇلكەن شىعاناق رايونىنىڭ قۇرىلىسىن ىلگەرىلەتۋدە كەلەلى مانگە يە.


  قاتىناس باستاۋ سالتى جۋحاي وتكەلى جولاۋشىلاردى تەكسەرۋ عيماراتىنىڭ شەكارادان ءوتۋ زالىندا وتكىزىلدى. ساعات 9 دان 30 مينۋت وتكەندە شي جينپيڭ قاتارلىلار ۇلكەن كوپىردە قاتىناس باستاۋ سالتى وتكىزىلەتىن ناق مايدانعا كەلگەندە، جالپى قاۋىم ورىندارىنان تۇرىپ دۋ قول شاپالاق سوعىپ، قىزۋ قارسى الدى.


  ۇلكەن كوپىر قۇرىلىسىنىڭ جاعدايى تانىستىرىلعان كەسكىندى كورگەننەن كەيىن ج ك پ ورتالىق كومتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى لي شي، شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى سۇي شى - ان جانە حان جىڭ ىلگەرىندى - كەيىندى ءسوز سويلەدى.


  ساعات 10 دا شي جينپيڭ ءتوراعالار مىنبەسىنە شىعىپ: «شياڭگاڭ - جۋحاي - اۋمىن ۇلكەن كوپىرىندە قاتىناس رەسمي باستالدى!» دەپ جاريالاسىمەن تۇتاس الاڭداعىلار قىزۋ شاپالاق سوعىپ، قۇتتىقتادى.


  سالت اياقتاعان سوڭ شي جينپيڭ قاتارلىلار كولىككە وتىرىپ، جۋحاي وتكەلىنىڭ جولاۋشىلاردى تەكسەرۋ عيماراتىنان شىعىپ، ۇكەن كوپىردى ەكسكۋرسيالاپ، ۇلكەن كوپىردىڭ جوعارعى اعارداعى سۋ ۇستىنە سالىنعان ءبولىمى مەن تومەن اعارداعى وتكەلەك تۇتاستىرىلعان ورىنعا بارىپ، قۇرىلىس كارتاسىنا، مودەلىنە قاراپ، كوپىر قۇرىلىسنىڭ جالپى جاعدايىن ىشكەرىلەي ۇعىسقان سوڭ، كوپىر قۇرىلىسىن اتقارۋ جانە باسقارۋعا قاتىناسقانداردىڭ ۋاكىلدەرىمەن قىزۋ قول الىسىپ امانداسىپ، ولارمەن ىقىلاسپەن اڭگىمەلەستى. ول بىلاي دەدى: شياڭگاڭ - جۋحاي - اۋمىن ۇلكەن كوپىرى − مەملەكەتتىك ينجەنەريا، مەملەكەتتىڭ ماڭىزدى قۇرىلىسى، سىزدەر بۇل قۇرىلىستى جوبالاۋ، جاساۋ، پايدالانۋعا بەرۋ بارىسىندا اقىل - پاراساتتارىڭىزدى جۇمساپ، دۇنيە جۇزىلىك ورەدەگى قيىن ماسەلەلەردى جەڭىپ، دۇنيە جۇزىندەگى ەڭ وزىق باسقارۋ تەحنيكاسى مەن تاجىريبەسىن توعىستىرىپ، مىندەتتى ساپالى، ويداعىداي ورىندادىڭىزدار. مەن سىزدەردىڭ قول جەتكىزگەن تابىستارىڭىزدى ماقتانىش سانايمىن ءارى سىزدەردىڭ تىنباي قۇلشىنىپ، ءتىپتى دە زور تابىس جاراتۋلارىڭىزعا تىلەۋلەستىك بىلدىرەمىن.


  كەلۋ قاينارى: حالىق تورابى



جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار