بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ: جاڭا داۋىردە رەفورما جاساپ، ەسىك اشۋ تۋىن بيىك كوتەرىپ، رەفورما جاساپ، ەسىك اشۋدى ۇزدىكسىز تەرەڭدەتۋ كەرەك

2018.10.26 16:23     كەلۋ قاينارى : حالىق تورابى


  «حالىق گازەتى»، 25 – قازان، گۋاڭجوۋ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا گۋاڭدۇڭدا قىزمەت تەكسەرگەندە مىنانى دارىپتەدى: جاڭا داۋىرگە كىردىك، ىشكى – سىرتقى جاعدايدا اۋقىمدى دا تەرەڭ وزگەرىس تۋىلۋدا، رەفورما، دامۋ جاڭا جاعدايعا، جاڭا مىندەتكە، جاڭا سايىسقا ءدوپ كەلىپ وتىر، ءبىز ورايدى يگەرىپ، سايىستى قارسى الۋىمىز كەرەك، مۇنداعى تەتىك جاڭا داۋىردە رەفورما جاساپ، ەسىك اشۋ تۋىن بيىك كوتەرىپ، رەفورما جاساۋدى ءۇرتىس جاپپاي تەرەڭدەتىپ، ەسىك اشۋدى جان – جاقتى كەڭەيتۋدە. جاعداي كۇردەلى بولعان سايىن، سولعۇرلىم بەرىك سەنىمدە بولىپ، ءتىپتى دە پارمەندى شارالارمەن رەفورما جاساپ، ەسىك اشۋدى ۇزدىكسىز تەرەڭدەتۋىمىز كەرەك.


  گۋاڭدۇڭنىڭ وڭتۇستىك ءوڭىرى قازان ايىندا التىن كۇزدىڭ شۋاعىنا شومدى. 22 – قازاننان 25 – قازانعا دەيىن شي جينپيڭ ج ك پ ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى لي شي مەن ولكە باستىعى ما شيڭرۇيدىڭ جولسەرىك بولۋىندا جۋحاي، چيڭيۋان، شىنجىن، گۋاڭجوۋ قاتارلى جەرلەرگە بارىپ، كاسىپورىن، مەكتەپ، اۋىل – قىستاق، الەۋمەتتىك اۋماقتاردى ارالاپ، پارتيا 19 – قۇرىلتايىنىڭ رۋحىن دايەكتى تياناقتاندىرۋ، رەفورما جاساپ، ەسىك اشۋدى تەرەڭدەتۋ، ەكونوميكانىڭ ساپالى دامۋىن ىلگەرىلەتۋ جاقتارىنان تەكسەرىپ – زەرتتەۋ جۇرگىزدى.


  22 – قازان تۇستەن كەيىن شي جينپيڭ جۋحاي حىڭچين جاڭا رايونىنداعى گۋاڭدۇڭ مەن اۋمىن سەلبەسكەن جۇڭگوشا ءدارى – دارمەك عىلىم – تەحنيكا كاسىپ باقشاسىندا قىزمەت تەكسەردى. وسى كاسىپ باقشاسى «گۋاڭدۇڭ مەن اۋمىننىڭ سەلبەستىك جۇلگەلىك كەلىسىمىندەگى» العاش تياناقتانعان نىسان بولاتىن. شي جينپيڭ كەسكىن، مودەل، جۇڭگوشا ءدارى – دارمەك ونىمدەرى كورمەسى سياقتىلار ارقىلى حىڭچين جاڭا رايونىنىڭ جوبا قۇرىلىسىن جانە كاسىپ باقشاسىنىڭ اينالىس جاعدايىن، جۇڭگوشا ءدارى – دارمەك كاسىبىنىڭ دامۋ احۋالىن، حالىقارالىق اۋىس – كۇيىس، سەلبەستىك جاعدايىن ۇعىستى. شي جينپيڭ سەحتارعا كىرىپ، جۇڭگوشا ءدارى – دارمەكتىڭ ءوندىرىس اينالىسىن كوردى. زەرتتەپ اشۋ، تەكسەرۋ عيماراتىندا عىلمي زەرتتەۋ قىزمەتكەرلەرى باس شۋجيمەن قاۋمالاي امانداستى. شي جينپيڭ بىلاي دەدى: جۇڭگوشا ءدارى – دارمەك عىلىمى جۇڭحۋا مادەنيەتىنىڭ جاۋھارى. جۇڭگوشا ءدارى – دارمەك قامباسىنىڭ اسىلدارىن ىشكەرىلەي اشۋ، ءوندىرىس، ۇيرەنۋ، زەرتتەۋدىڭ ۇشتاسۋىن ىلگەرىلەتۋ، جۇڭگوشا ءدارى – دارمەكتىڭ كاسىپ سالالانۋىن، وسىزاماندانۋىن ىلگەرىلەتۋ، جۇڭگوشا ءدارى – دارمەكتى دۇنيە جۇزىنە بەتالدىرۋ كەرەك. ول مىنانى دارىپتەدى: حىڭچين جاڭا رايونىن قۇرۋداعى اۋەلگى ماقسات اۋمىننىڭ كاسىپتەرىنىڭ كوپ ۇيەكتەنە دامۋى ءۇشىن شارت – جاعداي ازىرلەۋ بولاتىن. حىڭچيندە گۋاڭدۇڭ مەن اۋمىننىڭ سەلبەستىگىنىڭ تابيعي ابزالدىعى بار، ساياساتتىق سۇيەمەلدەۋدى كۇشەيتىپ، سەلبەستىك مازمۇنىن بايىتىپ، سەلبەستىك اياسىن كەڭەيتىپ، جاڭا گۇلدەنگەن كاسىپتەردى دامىتىپ، اۋمىننىڭ ەكونوميكاسىنىڭ ءتىپتى دە قارىشتاپ دامۋىن جەبەۋ كەرەك.


  كەشكە تاياۋ شي جينپيڭ گىلي ەلەكتر جابدىقتارى جارناسى شەكتەۋلى سەرىكتەستىگىنە كەلىپ، كاسىپورىننىڭ دەربەس، وزەكتى تەحنيكانى زەرتتەپ اشۋ، كاسىپتىڭ دارەجەسىن جوعارىلاتۋ جاعدايىن تەكسەردى. عىلىم – تەحنيكا كورمەسىندە، نازىك قالىپ سەحتارىندا شي جينپيڭ كاسىپورىننىڭ ونىمدەرىن جانە تەحنيكاسىن مۇقيات كورىپ، كاسىپورىننىڭ جاڭالىق جاراتا دامۋ جانە پارتيا قۇرىلىسى جاعدايىن مۇقيات ۇعىستى، ولاردىڭ پارتيا ورتالىق كوميتەتىنىڭ دەربەس جاڭالىق جاراتۋ جونىندەگى شەشىم، ورنالاستىرۋلارىن دايەكتىلەندىرۋ جاعىنداعى تىڭعىلىقتى ىستەرىن القادى. اۋا الماستىرعىش جابدىقتار جانە جۇيە اينالىسى جاعىندا ەنەرگيا ۇنەمدەۋدىڭ مەملەكەتتىك ءتۇيىندى تاجىريبەحاناسىندا شي جينپيڭ عىلمي زەرتتەۋ قىزمەتكەرلەرىمەن ىقىلاسپەن اڭگىمەلەستى. ول بىلاي دەدى: ناقتى ەكونوميكا − ءبىر ەل ەكونوميكاسىنىڭ تىرەگى، بايلىق قاينارى. وزىق جاساۋ كاسىبى − ناقتى ەكونوميكانىڭ شەشۋشى بۋىنى، ەكونوميكانى دامىتۋدىڭ ءارقانداي كەزەڭىندە ناقتى ەكونوميكادان قول ۇزۋگە بولمايدى. جۇڭحۋا ۇلتتارىنىڭ كۇرەس جۇرگىزۋىنىڭ ىرگە تاسى ءوز كۇشىنە سۇيەنىپ ءومىر سۇرۋدە، دۇنيە ءجۇزى عىلىم – تەحنيكاسىنىڭ بيىك شىڭىنا شىعۋدا دەربەس جاڭالىق جاراتۋعا سۇيەنۋ كەرەك، بارلىق كاسىپورىن وسى باعىتتى بويلاي قۇلشىنۋى كەرەك. جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن ىسكە اسىرۋدا ۋاقىت كۇتىپ تۇرمايدى، بەرىك يرادا جانە دەربەس جاڭالىق جاراتۋداعى جاڭا قۋات، ناقتى كۇش بولۋى كەرەك، شەشۋشى، وزەكتى تەحنيكالارداعى دەربەس مەڭگەرۋ قۋاتىن قۇلشىنا ىسكە اسىرىپ، جاڭالىق جاراتا دامۋدىڭ ىرىقتىلىق ۇقىعىن ققولدان شىعارماۋ كەرەك. كاسىپورىننان كەتەردە جۇمىسشى – قىزمەتشىلەر جول شەتىنە كەلىپ اتتاندىرىپ سالدى. شي جينپيڭ ولارعا قول بۇلعاپ قوش ايتتى، كوپشىلىك بىركەلكى داۋىسپەن: «باس شۋجي، الاڭسىز بولىڭىز! ءبىز، ءسوزسىز، قۇلشىنا ىستەپ، جۇڭگونىڭ جاساۋ كاسىبىن دۇنيە ءجۇزىنىڭ القاۋىنا يە ەتەمىز!» دەستى. شاپالاق ءۇنى، ءان داۋىسى، شاتتىق ءۇنى ۇزاققا دەيىن جاڭعىرىعىپ تۇردى.


  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار