شي جينپيڭ تۇڭعىش كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنا قاتىناستى ءارى ارقاۋ لەكسيا جاسادى
2018.11.06 16:58 كەلۋ قاينارى : حالىق تورابى
«حالىق گازەتى»، 5 – قاراشا، شاڭحاي (تىلشىلەر ليۋ شى – ان، دۋ شاڭزى، ۋاڭ يۇنسۇڭ). تۇڭعىش كەزەكتى جۇڭگو حالىقارالىق يمپورت كورمەسى 5 – قاراشادا شاڭحايدا باستالدى. مەملەكەت ءتوراعاسى شي جينپيڭ اشىلۋ سالتىنا قاتىناستى ءارى «جاڭاشىل، سيىسىمدى، اشىق دۇنيە ءجۇزى ەكونوميكاسىن بىرگە قۇرايىق» دەگەن تاقىرىپتا ارقاۋ لەكسيا جاساپ، مىنالاردى دارىپتەدى: تاريحقا قايىرىلا قاراساق، ەسىك اشۋ، سەلبەسۋ حالىقارالىق ەكونوميكا – ساۋدانىڭ ومىرشەڭدىك كۇشىن ارتتىرۋدىڭ ماڭىزدى قوزعاۋشى كۇشى؛ بۇگىندى تياناق ەتكەندە، ەسىك اشۋ، سەلبەسۋ – دۇنيە ءجۇزى ەكونوميكاسىنىڭ ورنىقتى سەرپىلۋىن ىلگەرىلەتۋدىڭ رەال تالابى؛بولاشاققا نازار اۋدارساق، ەسىك اشۋ، سەلبەسۋ – ادامزات قوعامىنىڭ ۇزدىكسىز العا باسۋىن ىلگەرىلەتۋدىڭ داۋىرلىك تالابى. ءار ەل ەسىك اشۋدى، سەلبەسۋدى بەلسەنە ىلگەرىلەتىپ، بىرگە دامۋدى جۇزەگە اسىرىپ، ادامزات قوعامىنىڭ اناعۇرلىم كوركەم بولاشاعىن بىرگە اشۋى كەرەك. جۇڭگونىڭ اناعۇرلىم جوعارى دەڭگەيدەگى ەسىك اشۋدى ىلگەرىلەتۋ قادامى توقتامايدى، اشىق دۇنيە ءجۇزى ەكونوميكاسىن قۇرۋدى ىلگەرىلەتۋ قادامى توقتامايدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ قادامى توقتامايدى (لەكسيانىڭ ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
قاراشانىڭ باسىنداعى شاڭحايدا قوڭىر سالقىن جەل ەسىپ، كۇز بەينەسى مۇندالايدى. شاڭحاي مەملەكەتتىك ءماجىلىس – كورمە ورتالىعىنداعى اشىلۋ سالتىنىڭ نەگىزگى جينالىس الاڭىندا ءار ەلدەن كەلگەن قوناقتار باس قوستى. تۇستەن بۇرىن ساعات 9 دان 45 مينۋت وتكەندە شي جينپيڭ چەحيانىڭ پرەزيدەنتى زەمان، دومينيكانىڭ پرەزيدەنتى مەدينا، سالۆادوردىڭ پرەزيدەنتى سانچەس، كەنيانىڭ پرەزيدەنتى كەنياتا، ليتۆانىڭ پرەزيدەنتى گريباۋسكايتە، حورۆاتيانىڭ پرەمەر مينيسترى پلەنكوۆيچ، ەگيپەتتىڭ پرەمەر مينيسترى مادبوۋلي، گرۋزيانىڭ پرەمەر مينيسترى باحتازە، ۆەنگريانىڭ پرەمەر مينيسترى وربان، لاوستىڭ پرەمەر مينيسترى تۇڭلۇن، مالتانىڭ پرەمەر مينيسترى مۋسكات، پاكسيتاننىڭ پرەمەر مينيسترى يمران حان، رەسەيدىڭ پرەمەر مينيسترى مەدۆەدەۆ، ۆەتنامنىڭ پرەمەر مينيسترى رۋان چۇنفۋ، ۇلى بريتانيانىڭ يورك گەرتسوگى اندرۋ حانزادا، حالىقارالىق اقشا قور ۇيىمىنىڭ باس ديرەكتورى لاگاردە، دۇنيە بانكەسىنىڭ باستىعى جين يۇڭ، دۇنيە جۇزىلىك ساۋدا ۇيىمىنىڭ باس القاسى ازەۆەدو قاتارلى سىرت جاقتىڭ باسشىلارىمەن بىرگە جينالىس الاڭىنا كىردى.
قىزۋ قول شاپالاق ءۇنى ىشىندە شي جينپيڭ ارقاۋ لەكسيا جاسادى. ول بىلاي دەدى: جۇڭگو حالىقارالىق يمپورت كورمەسى – قازىرگە دەيىن دۇنيە جۇزىندەگى يمپورتتى نەگىزگى تاقىرىپ ەتكەن تۇڭعىش مەملەكەتتىك دەڭگەيدەگى كورمە، حالىقارالىق ساۋدانىڭ دامۋ تاريحىنداعى ۇلى باستاما. بۇل جۇڭگونىڭ كوپ جاقتى ساۋدا ءتۇزىلىسىن قولداۋداعى، ەركىن ساۋدانىڭ دامۋىن ىلگەرىلەتۋدەگى دايەكتى تۇرعىسىن ايگىلەدى، بۇل – جۇڭگونىڭ اشىق دۇنيە ءجۇزى ەكونوميكاسىن قۇرۋدى ىلگەرىلەتۋدەگى، ەكونوميكانىڭ عالامدانۋىن جەبەۋدەگى ناقتى ارەكەتى.
شي جينپيڭ مىنالاردى دارىپتەدى: بۇگىنگى دۇنيە ءجۇزى جاڭا كەزەكتى زور دامۋدى، زور وزگەرىستى، زور رەتتەلۋدى باستان كەشىرۋدە. ەكونوميكانىڭ عالامدانۋى كەرى بۇرۋعا بولمايتىن تاريحي اۋقىم. دۇنيە ءجۇزىنىڭ ەكونوميكالىق جاعدايىنداعى تەرەڭ وزگەرىستەرگە سايكەس ءار ەل زور ەرلىك – جىگەرمەن ەسىك اشۋدى، ەلبەسۋدى بەلسەنە ىلگەرىلەتىپ، بىرگە دامۋدى جۇزەگە اسىرۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
