شي جينپيڭ جۇڭگو حالىقارالىق يمپورت كورمەسىنە قاتىناسۋعا كەلگەن شەتەل باسشىلارىمەن بىرگە كورمە سارايىن ارالادى
2018.11.06 17:04 كەلۋ قاينارى : حالىق تورابى
«حالىق گازەتى»، 5 – قاراشا، شاڭحاي (ءتىلشى ۋاڭ يۇنسۇڭ). مەملەكەت ءتوراعاسى شي جينپيڭ 5 – قاراشادا شاڭحايدا تۇڭعىش كەزەكتى جۇڭگو حالىقارالىق يمپورت كورمەسىنە قاتىناسۋعا كەلگەن شەتەل باسشىلارىمەن بىرگە كورمە سارايىن ارالادى.
تۇستە شي جينپيڭ شەتەل باسشىلارىمەن بىرگە مەملەكەتتىك ساۋدا، قارجى قوسۋ جالپىلىق كورمە زالىنا كەلدى. ولار ارالاي ءجۇرىپ اڭگىمەلەسىپ، ۆەنگريا، ەگيپەت، ۇلى بريتانيا، چەحيا، كەنيا، سالۆادور، دومينيكا، لاوس، گرۋزيا، ۆەتنام، پاكيستان، رەسەي قاتارلى ەلدەردىڭ كورمە ورىندارىن تاماشالاپ، ءار ەلدىڭ ەكونوميكا – ساۋداسىنىڭ دامۋ تابىستارى مەن ەرەكشە ونىمدەرىن ۇعىستى. شي جينپيڭ مەن ءار ەل باسشىلارى كەسكىن ارقىلى ۆەنگريانىڭ كوركەم تابيعاتىنان ءلاززات الىپ، ەگيپەتتىڭ ۇزاق تاريحقا يە وركەنيەتى مەن وسى زامانعى دامۋ جوباسىنا زەر سالدى، ۇلى بريتانيا سارايىندا وسى زامان ەرەكشەلىگىنە يە 3D كەسكىنىن كوردى. چەحيا سارايىندا پرەزيدەنت زەمان چەحيادا وندىرىلگەن پيانينومەن قولما – قول ءبىر كۇي ورىندادى، سونداي – اق شي جينپيڭدى چەحيانىڭ سىراسىنان ءدام تاتۋعا ۇسىنىس ەتتى. جۇڭگولىق، شەتەلدىك باسشىلار كەنيانىڭ گۇلدەرى، سالۆادوردىڭ كوفەسى، دومينكيكانىڭ جەمىس – جيدەگى سياقتى ءار ەلدىڭ كوز سۇرىندىرەرلىك ەرەكشە ونىمدەرىنە قىزىعىپ، نەداىر ايالدادى. گرۋزيانىڭ پرەمەر مينيسترى مەن ۆەتنامنىڭ پرەمەر مينيسترى شي جينپيڭگە ءوز ەلدەرىنىڭ اۋىل شارۋاشىلىق ونىمدەرى مەن ساياحات نىساندارىن تانىستىردى. لاوس سارايىنداعى جۇڭگو – لاوس تەمىر جول نىسانىنىڭ قۇم نۇسقاسى مەن پاكيستان سارايىنداعى جۇڭگو – پاكيستان ەكونوميكا ءدالىزىنىڭ كورمە تاقتاسى جۇڭگو مەن لاوستىڭ جانە جۇڭگو مەن پاكيستاننىڭ «ءبىر بەلدەۋ، ءبىر جولدى» بىرگە قۇرىپ، بىرگە دامۋدى ىسكە اسىرۋداعى كوركەم بولاشاعىن ايگىلەدى. رەسەي سارايىندا شي جينپيڭ پرەمەر مينيستر مەدۆەدەۆتىڭ سەرىك بولۋىندا جۇڭگو مەن رەسەيدىڭ يادرو ەلەكترى، تابيعي گاز، ۇشاق جاساۋ، جەرگىلىكتى ورىنداردىڭ قاتىناسى سياقتى سالالارداعى سەلبەستىك تابىستارى جونىندەگى تانىستىرۋىن تىڭداپ، جۇڭگو – رەسەي سەلبەستىگىنىڭ نۇرلى بولاشاعىنا نازار سالدى.
شي جينپيڭ قىزىعا تاماشالاپ، ءالسىن - ءالى سۇراۋ سۇراپ وتىردى. شي جينپيڭ بىلاي دەدى: ءار ەلدىڭ ونىمدەرىنىڭ ءتۇرى مول، ءارقايسىسىنىڭ وزىندىك ەرەكشەلىگى بار. مەن ءار جاقتىڭ جۇڭگو حالىقارالىق يمپورت كورمەسى ورايىندا ساۋدا ورايىن بايقاپ، سەلبەستىكتى كۇشەيتىپ، وزىندىك باسەكە قۋاتتارىن جوعارىلاتىپ، جۇڭگوعا ساپالى ونىمدەردى ەكسپورت ەتۋ ارقىلى جۇڭگو بازارىن بايىتىپ، جۇڭگو تۇتىنۋشىلارىنىڭ كۇننەن – كۇنگە ارتىپ كەلە جاتقان كوپ نەگىزدى قاجەتىن قاناعاتتاندىرىپ، ءوزارا تيىمدىلىك جاساپ، تەڭ يگىلىككە كەنەلۋدى ىسكە اسىرۋىن ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
