مەملەكەتتىك ينتەرنەت - ينفورماتسيا كەڭسەسى جەكەلىك مەديالاردىڭ ۇنامسىز نىسايى جونىنەن «باتىل ءۇن قاتتى»، زاڭمەن قاتاڭ باسقارۋ قالىپتى داعدىعا اينالادى
2018.11.13 16:56 كەلۋ قاينارى : حالىق تورابى
حالىق تورابى، 11 – ايدىڭ 12 – كۇنى، بەيجيڭ. ج ك پ ورتالىق توراپ حاۋىپسىزدىگى جانە ينفورماتسيالاندىرۋ كوميتەتى كەڭسەسى رەسمي تورابىنىڭ حابارىنا قاراعاندا، تاياۋدا مەملەكەتتىك ينتەرنەت – ينفورماتسيا كەڭسەسى قاتىستى ورىندارمەن بىرگە جەكەلىك مەديالاردىڭ ەسەپ نومىرىندە ساقتالعان ءبىر قىدىرۋ ۇنامسىز ماسەلەلەر جونىنەن شوعىرلى اداقتاۋ، جونگە سالۋ ارناۋلى قيمىلىن ورىستەتكەن. 10 – ايدىڭ 20 – كۇنىنەن باستالعان ارناۋلى قيمىلدا زاڭ – بەلگىلەمە بويىنشا «دونالد بىلاي دەيدى»، «فۋ سەۋل»، «قارا بامبۇك جاڭ مىرزا»، «يۋشۋگۋاڭ»، «جالپىلىق يگىلىك»، «بەيرەسمي تاريحي اشكەرەلەنبەگەن گۋ – گۋ وسەك»، «ءتۇن ورتاسىنداعى كەسكىن» سىندى 9800 دەن استام جەكەلىك مەديا تورابىنىڭ بارلىق ەسەپ ءنومىرى ءبىر جاقتى ەتىلەدى. تاياۋدا مەملەكەتتىك ينتەرنەت – ينفورماتسيا كەڭسەسى تىڭشۇن ۋيچات تەكشەسى، شينلاڭ ميكرو بلوگى سىندى جەكەلىك مەديا تەكشەلەرىمەن زاڭ بويىنشا سۇحپاتتاسىپ، تۇلعالىق جاۋاپكەرلىك كەمشىل بولىپ، باسقارۋعا سەلقوس قاراعان، ىرقىنا جىبەرىپ قارا نيەتىن قابىندىرعان تۇرلىشە ۇنامسىز نىسايلار جونىنەن قاتاڭ ەسكەرتۋ بەردى. تىڭشۇن ۋيچات تەكشەسى، شينلاڭ ميكرو بلوگىنىڭ قاتىستى جاۋاپتىلارى بۇقارالىق جانە جاماعات پىكىرىندىك باقىلاپ – قۋزاۋدى مۇقيات قابىلدايتىنىن، ءوزىن – ءوزى تەكسەرىپ جانە ءوزىن – ءوزىن تۇزەتىپ، بەلسەنە وزگەرتىپ، قاتاڭ باسقاراتىنىن ءبىلدىردى.
تەكسەرۋ ارقىلى ءبىر جاقتى ەتىلگەن وسى جەكەلىك مەديالاردىڭ كوپ ساندى ەسەپ نومىرلەرى ۋيچات تەكشەسىندە، ميكرو بلوگتاردا اشىلعانىمەن قويماي، بۇلاردىڭ ىشىندە كەيبىرى بۇگىنگى باستى حابارلار، بايدۋ، ىزدەۋ – قۋزاۋ سالۋ، سامۇرىق، UC سىندى تەكشەلەردى دە اشىپ الىپتى. كەيبىرى ساياساتقا كەسىرى تيەتىن ينفورماتسيالاردى تاراتىپ، پارتيا، مەملەكەت تاريحىن جات نيەتپەن وزگەرتىپ، قاھارماندارعا پالە جاۋىپ، مەملەكەت وبرازىنا داق كەلتىرسە؛ كەيبىرى وسەك – اياڭ جاساپ، جالعان ينفورماتسيا تاراتقان، «تاقىرىپتىق پارتيا» بولىپ الىپ، وسەكپەن پايدا تۇسىرگەن، وتىرىكتى شىنداي، اقساقتى تىڭداي كورسەتىپ، قالىپتى قوعامدىق ءتارتىپتى بۇلدىرگەن؛ كەيبىرى بادىك ينفورماتسيالاردى الباتى تاراتىپ، الەۋمەتتىك داستۇرگە قيعاش كەلگەن، ءمورال مەن ستيلگە شابۋىلداپ، جاستار مەن ورەندەردىڭ اقاۋسىز ءوسىپ – جەتىلۋىنە نۇقسانىن تيگىزگەن؛ كەيبىرى قولىنداعى جەكەلىك مەديالاردىڭ كوپ مولشەردەگى ەسەپ ءنومىرىن سۇرقيا ماقساتپەن ساتىپ، «قارا قوعامدىق بايلانىس» قالىپتاستىرعان، وسى ارقىلى قاقتى – سوقتى كورسەتىپ، كاسىپورىندار مەن جەكەلەردىڭ زاڭدى ۇقىق – مۇددەسىنە سۇعاناقتىق جاساپ، زاڭمەن ويناعان؛ كەيبىرى ۇقىققا قول سۇعىپ بەتالدى كوشىرىپ باسىپ، ماقالا مازمۇنىن ورشەلەنە وزگەرتىپ، جالعان اۋقىم قالىپتاستىرىپ، قالىپتى تاراتۋ ءتارتىبىن بۇلدىرگەن. جەكەلىك مەديالاردىڭ وسى سەكىلدى ۇنامسىز نىسايلارىندا زاڭ – بەلگىلەمەلەردىڭ بەدەلى اۋىر دارەجەدە اياق استى ەتىلىپ، حالىق بۇقاراسىنىڭ ءتول مۇددەسى زيانعا ۇشىراعان، توراپتاردىڭ تاماشا جاماعات پىكىرىندىك ەكولوگياسى ءبۇلىنىپ، قوعامدىق پىكىر كۇشەيگەن.
مەملەكەتتىك ينتەرنەت – ينفورماتسيا كەڭسەسىنىڭ قاتىستى جاۋاپتىسىنىڭ تانىستىرۋىنشا، وسى رەتكى ارناۋلى جونگە سالۋ ارەكەتىندە نەگىزگى جاعىن دا، قوسىمشا جاعىن دا تۇزەتۋ، باسقارۋ مەن قۇرۋدى تەڭ جۇرگىزۋ پرينسيبىندە تاباندى بولىنىپ، قىزمەت جەلىسىنە جاسامپازدىق ەنگىزىلىپ، جاڭا ءادىس – امال قولدانىلىپ، جاڭا شارامەن جاڭا كاسىپتەردى باسقارۋ جونىندە ىزدەنىس جاسالىپ، جاڭا ماسەلەلەر شەشىلمەك، جەكەلىك مەديالاردىڭ ەسەپ نومىرىنە قاراتا دارەجە، تۇرلەرگە ءبولىپ باسقارۋ، قاراستى ورىندا باسقارۋ جانە تۇتاس بارىسىن باسقارۋ اتقارىلىپ، جەكەلىك مەديالاردى زاڭ بويىنشا قاتاڭ باسقارۋدىڭ قالىپتى قىزمەت داعدىسى قالىپتاستىرىلماق. كەلەسى قادامدا مەملەكەتتىك ينتەرنەت – ينفورماتسيا كەڭسەسى توراپتاردى زاڭ بويىنشا قاتاڭ باسقارۋ، قاتاڭ جونگە سالۋ تەبىنىن ارتتىرىپ، جەكەلىك مەديالاردىڭ قوعامدى بۇزۋ نيەتىنەن جازباعان جانە بۇرىنعى اۋەنىنەن وزگەرمەگەن، قالىپتى ءتارتىپتى بۇلدىرە بەرگەن بەلگىلەمە قايشى نىسايى قاتاڭ تەكسەرىلىپ، جورگەگىندە تۇنشىقتىرىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
