بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

ازيا – تىنىق مۇحيت سەلبەستىك ۇيىمىنا مۇشە ەلدەر باسشىلارىنىڭ 26 – رەتكى بەيرەسمي ماجىلىسىنە قاتىناسۋ، پاپۋا – جاڭا گۆينەيا تاۋەلسىز ەلىندە، برۋنەي دارۋسسالام ەلىندە جانە فيلليپپين رەسپۋبليكاسىندا مەملەكەتتىك ساپاردا بولۋ ءۇشىن، سونداي – اق پاپۋا – جاڭا گۆينەيادا ديپلوماتيالىق قاتىناس ورناتقان تىنىق مۇحيت ارال ەلدەرىنىڭ باسشىلارىمەن كەزدەسۋ ءۇشىن، بەيجيڭنەن اتتاندى

شي جينپيڭ پاپۋا – جاڭا گۆينەيانىڭ پورت - مورسبي قالاسىنا جەتتى

2018.11.16 17:07     كەلۋ قاينارى : حالىق تورابى


  «حالىق گازەتى»، 11 – ايدىڭ 15 – كۇنى، پورت - مورسبي (تىلشىلەر ۋاڭ شياۋدۇڭ، دۋ شاڭزى، ۋاڭ يۇنسۇڭ). مەملەكەت ءتوراعاسى شي جينپيڭ 11 – ايدىڭ 15 – كۇنى ارناۋلى ۇشاقپەن پورت - مورسبيعا جەتىپ، پاپۋا – جاڭا گۆينەيا تاۋەلسىز ەلىندەگى ساپارىن باستادى ءارى مۇندا ديپلوماتيالىق قاتىناس ورناتقان تىنىق مۇحيت ارال ەلدەرىنىڭ باسشىلارىمەن كەزدەسەدى، سونداي – اق ازيا – تىنىق مۇحيت سەلبەستىك ۇيىمىنا مۇشە ەلدەر باسشىلارىنىڭ 26 – رەتكى بەيرەسمي ماجىلىسىنە قاتىناسادى.

  سول جەر ۋاقىتى بويىنشا كەشكى ساعات 8 دەن 5 مينۋت وتكەندە شي جينپيڭ وتىرعان ارناۋلى ۇشاق پورت – مورسبي قالاسىنىڭ جەكسون حالىقارالىق اۋەجايىنا قوندى. شي جينپيڭ ۇشاق ەسىگىنەن شىققاندا، دۋ قول شاپالاق ءۇنى كوتەرىلدى، پاپۋا – جاڭا گۆينەيانىڭ ورىنباسار پرەمەر مينيسترى ابەل ۇكىمەتتىڭ جوعارى دارەجەلى باسشىلارىن باستاپ ساتىنىڭ جانىندا تۇرىپ قىزۋ قارسى الدى. پاپۋا – جاڭا گۆينەيانىڭ ورەندەرى شي جينپيڭگە گۇل ۇسىندى. قىزىل كىلەمنىڭ ەكى جانىندا باتىر تۇلعالى قاراۋىلدار قاسقايىپ تۇر. سول جەردەگى بيشىلەر قاۋىرسىن باس اشەكەيلەرىن تاعىپ، بەلدەرىنە ءشوپ كويلەك بايلاپ، قولدارىنا تەرى بارابان ۇستاپ، دۋماندى قارسى الۋ ءبيىن بيلەدى. وزدىكتەرىنەن كەلگەن جەرگىلىكتى حالىق، جۇڭگو قارجى قوسقان كاسىپورىنداردىڭ جۇمىسشى – قىزمەتكەرلەرى جانە جۇڭگولىق مۇھاجىرلار، جۇڭگولىقتار اۋەجايدىڭ سىرتىن جانە جۇڭگو ۋاكىلدەر ۇيىرمەسى كەلىپ تۇسكەن جەردى قاۋمالاپ، جۇڭگونىڭ مەملەكەت تۋىن بۇلعاپ، شي جينپيڭدى قىزۋ قارسى الدى.

  شي جينپيڭ جۇڭگو ۇكىمەتى جانە جۇڭگو حالقى اتىنان پاپۋا – جاڭا گۆينەيا ۇكىمەتىنە شىن ىقىلاستى سالەمىن جەتكىزىپ، ىزگى تىلەگىن ءبىلدىردى. شي جينپيڭ بىلاي دەدى: پاپۋا – جاڭا گۆينەيا ` تىنىق مۇحيت ارال ەلدەرىنىڭ ىشىندە ماڭىزدى ىقپالعا يە مەملەكەت. جۇڭگو پاپۋا – جاڭا گۆينەيامەن ديپلوماتيالىق قاتىناس ورناتقان 42 جىلدان بەرى ەكى جاق قاشان دا ءوزارا قۇرمەت ەتۋ، ءوزارا تەڭ مامىلە جاساۋ، سەلبەسىپ تەڭ يگىلىككە كەنەلۋ پرينسيبىنەن جازباي، جۇڭگو مەن پاپۋا – جاڭا گۆينەيا قاتىناسىنىڭ تاريحي دامۋىن ىلگەرىلەتىپ، ەكى ەلگە جانە ەكى ەل حالىقتارىنا ناقتى يگىلىك جاراتۋمەن بىرگە، دامۋ ۇستىندەگى ەلدەردىڭ دوستىق قاتىناسىنىڭ ۇلگىسىن ورناتتى. جۇڭگونىڭ دامۋى پاپۋا – جاڭا گۆينەيانى قامتىعان تىنىق مۇحيت ارال ەلدەرىنە وراي اكەلدى. مەن وسى جولعى ساپارىم ارقىلى پاپۋا – جاڭا گۆينەيانىڭ باسشىلارىمەن بىرگە جۇڭگو مەن پاپۋا – جاڭا گۆينەيا قاتىناسىنىڭ جاڭا دامۋ جوباسىن جاساپ، ەكى ەل قاتىناسىنىڭ ىلگەرىلەي بەرۋىن جەبەۋدى ءۇمىت ەتەمىن. ساپار مەزگىلىندە مەن تاعى ديپلوماتيالىق قاتىناس ورناتقان ارال ەلدەرىنىڭ باسشىلارىمەن جاڭا داۋىردەگى سەلبەسىپ دامۋدىڭ ۇلى جوسپارىن جاساپ، ەكى جاقتاعى حالىقتارعا بارىنشا زور يگىلىك جاراتۋدى اقىلداسامىن. جۇڭگو پاپۋا – جاڭا گۆينەيانىڭ ازيا – تىنىق مۇحيت سەلبەستىك ۇيىمىنا مۇشە ەلدەر باسشىلارىنىڭ 26 – رەتكى بەيرەسمي ءماجىلىسىن وتكىزۋىن قولدايدى. ءار جاقپەن بىرگە ءماجىلىستىڭ تابىستى وتكىزىلۋىن ىلگەرىلەتىپ، ازيا – تىنىق مۇحيت ءوڭىرى، ءتىپتى، دۇنيە ءجۇزى ەكونوميكاسىنىڭ دامۋىنا تىڭ دەمەۋشى كۇش ۇستەپ، تىڭ ۇلەس قوسۋدى قالايدى.ديڭ شۋەشياڭ، ياڭ جيەچى، ۋاڭ ي، حي ليفىڭ قاتارلىلار سول ۇشاقپەن بىرگە باردى.

  جۇڭگونىڭ پاپۋا – جاڭا گۆينەيادا تۇراتىن باس ەلشىسى شۋە بيڭ دە اۋەجايعا بارىپ قارسى الدى.

  پاپۋا – جاڭا گۆينەياداعى ساپارىن اياقتاتقان سوڭ شي جينپيڭ برۋنەي مەن فيلليپپيندە مەملەكەتتىك ساپاردا بولادى.

  شينحۋا اگەنتتىگى، 11 – ايدىڭ 15 – كۇنى، بەيجيڭ. 11 – ايدىڭ 15 – كۇنى مەملەكەت ءتوراعاسى شي جينپيڭ پاپۋا – جاڭا گۆينەيا تاۋەلسىز ەلىنىڭ گۋبەرناتورى داداي مەن پرەمەر مينيسترى ونليدىڭ، برۋنەي دارۋسسالام ەلىنىڭ سۇلتانى حاسانناردىڭ، فيلليپپين رەسپۋبليكاسىنىڭ پرەزيدەنتى دۋتەرتتىڭ ۇسىنىسىمەن جوعارىداعى 3 ەلدە مەملەكەتتىك ساپاردا بولۋ ءارى پاپۋا – جاڭا گۆينەيادا ديپلوماتيالىق قاتىناس ورناتقان تىنىق مۇحيت ارال ەلدەرىنىڭ باسشىلارىمەن كەزدەسۋ؛ پاپۋا – جاڭا گۆينەيا تاۋەلسىز ەلىنىڭ پرەمەر مينيسترى ونليدىڭ ۇسىنىسىمەن مورسبي پورتىندا وتكىزىلەتىن ازيا – تىنىق مۇحيت سەلبەستىك ۇيىمىنا مۇشە ەلدەر باسشىلارىنىڭ 26 – رەتكى بەيرەسمي ماجىلىسىنە قاتىناسۋ ءۇشىن ارناۋلى ۇشاقپەن بەيجيڭنەن اتتاندى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار