شي جينپيڭ ازيا – تىنىق مۇحيت ەكونوميكالىق سەلبەستىك ۇيىمىنىڭ 26 – رەتكى بەيرەسمي سامميتىنە قاتىناستى ءارى ماڭىزدى ءسوز سويلەدى
دۇنيە ءجۇزىنىڭ اۋقىمىن جىعا تانىپ، ەكونوميكانىڭ اينىمالى وزگەرىسىن يگەرىپ، ازيا – تىنىق مۇحيت سەلبەستىگىنىڭ اناعۇرلىم جوعارى دەڭگەيگە قادام باسۋىن ىلگەرىلەتۋدى دارىپتەدى
2018.11.19 17:01 كەلۋ قاينارى : حالىق تورابى
«حالىق گازەتى»، 11 – ايدىڭ 18 - كۇنى، مورسبەي پورتى (تىلشىلەر دۋ شاڭزى، ۋاڭ يۇنسۇڭ). ازيا – تىنىق مۇحيت ەكونوميكالىق سەلبەستىك ۇيىمىنىڭ 26 – رەتكى بەيرەسمي سامميتى 11 – ايدىڭ 18 – كۇنى پاپۋا – جاڭا گۆينەيانىڭ پورت - مورسبي قالاسىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى ءارى «ءداۋىر ورايىن يگەرىپ، ازيا – تىنىق مۇحيت ءوڭىرىنىڭ گۇلدەنۋىن بىرگە قاراستىرايىق» دەگەن تاقىرىپتا ماڭىزدى ءسوز سويلەپ، مىنالاردى دارىپتەدى: ازيا – تىنىق مۇحيت وڭىرىندەگى ءارقايسى جاق ەكونوميكا عالامدانۋىنىڭ دامۋ اۋقىمىنا ۇيلەسىپ، وڭىرلىك ەكونوميكانىڭ ءبىر تۇلعالانۋىن ىلگەرىلەتۋ ماقساتىن ۇستانىپ، دۇنيە ءجۇزىنىڭ شىق ەكونوميكاسىن قۇرۋدىڭ جالپى بەتالىسىن يگەرىپ، ازيا – تىنىق مۇحيت سەلبەستىگىنىڭ ارىنىن قۇلشىنا ساقتاپ، ورنىقتى قاداممەن اناعۇرلىم جوعارى دەڭگەيگە كوتەرىلۋى كەرەك.
ءماجىلىس باستالۋدىڭ الدىندا شي جينپيڭ جانە ماجىلىسكە قاتىناساتىن باسقا باسشىلار ىركەس – تىركەس كەلدى، ولاردى پاپۋا – جاڭا گۆينەيانىڭ پرەمەر مينيسترى ونيل قىزۋ مەرەيمەن قارسى الدى.
سول جەر ۋاقىتى ساعات 10 نان 30 مينۋت وتكەندە ءماجىلىس باستالدى. ونيل ءماجىلىستى باسقاردى. ازيا – تىنىق مۇحيت ەكونوميكالىق سەلبەستىك ۇيىمىنىڭ وسى رەتكى بەيرەسمي سامميتىنىڭ نەگىزگى تاقىرىبى − «سيىسىمدى ورايدى يگەرىپ، سيفرلانعان بولاشاققا قۇشاق اشايىق». ماجىلىسكە قاتىناسقان ەكونوميكالىق تۇلعالاردىڭ باسشىلارى «سيفرلانعان بولاشاقپەن بايلانىسىپ، سيىسىمدى ارتۋدى ىسكە اسىرۋ» سياقتى ءتۇيىندى كەڭەستىك تاقىرىپتار بويىنشا ىشكەرىلەي كوزقاراس الماستىرىپ، سەلبەستىك بارىسىن ەسكە الىپ، ازيا – تىنىق مۇحيت ءوڭىرىنىڭ كەلەشەگىن اقىلداستى.
شي جينپيڭ سوزىندە مىنالاردى اتاپ كورسەتتى: قازىرگى دۇنيە جۇزىندە دامۋ مەن وزگەرىستىڭ تولقىنى تولاسسىز كوتەرىلۋدە. تاريحي العا باسۋدىڭ جول ايرىعىندا تۇرعاندا، ءبىز دۇنيە ءجۇزى اۋقىمىن جىعا تانىپ، ەكونوميكانىڭ تامىرىن يگەرىپ، بولاشاق باعداردى ايقىنداپ، ءداۋىردىڭ باستى سۇراۋىنا جاۋاپ بەرۋىمىز كەرەك.
ءبىرىنشى، وڭىرلىك ەكونوميكانىڭ ءبىر تۇلعالانۋىن ىلگەرىلەتۋدە تاباندى بولىپ، ازيا – تىنىق مۇحيت ءوڭىرىنىڭ اشىق ەكونوميكاسىن قالىپتاستىرۋ كەرەك. ءبىز ساۋدا مەن قارجى قوسۋدىڭ ەركىندەنۋى مەن قولايلىلانۋىن ۇزدىكسىز ىلگەرىلەتۋگە ءتيىسپىز. ءار ءتۇرلى ەركىن ساۋدا ورنالاستىرۋلارى جونىندە ءبىز اشىق، سيىسىمدى، جاريا بولۋ پرينسيبىندە تاباندى بولىپ، ءوزارا سايكەسۋدى جەبەپ، ءتيىمدى ىقپالداستىقتى ىسكە اسىرۋىمىز كەرەك. ەرەجەگە نەگىزدەلگەن كوپ جاقتى ساۋدا ءتۇزىلىسىن باتىل قورعاپ، قورعانىمپازدىققا ايقىن تۋ ۇستاي وتىرىپ قارسى تۇرۋىمىز كەرەك. دۇنيە جۇزىلىك ساۋدا ۇيىمى رەفورماسىندا كوپ جاقتى ساۋدا ءتۇزىلىسىنىڭ وزەكتى قۇنى مەن نەگىزگى پرينسيپتەرىندە تاباندى بولۋىمىز كەرەك. ەكونوميكانىڭ عالامدانۋىنىڭ اناعۇرلىم اشىق، سيىسىمدى، جالپىعا ءتيىمدى، بارابار، بىرگە يگىلىككە كەنەلۋ باعدارىن بويلاپ دامۋىنا جەتەكشىلىك ەتۋىمىز كەرەك.
ەكىنشى، جاڭالىق جاراتۋدى جەتەكشى ەتۋدە تاباندى بولىپ، جاڭا قوزعاۋشى كۇشتى جەتىلدىرۋ كەرەك. ءبىز «عالامتور جانە سيفرلى ەكونوميكا باعدار كارتاسى» جاپپاي، تەڭگەرىمدى تياناقتاندىرىپ، سيفرلى ەكونوميكانىڭ ارتۋ كومەسكى قۋاتىن اشىققا شىعارىپ، سيفرلى نەگىزدىك قۇرىلعىلار مەن قابىلەت قۇرىلىسىن كۇشەيتىپ، سيفرلى ەكونوميكانىڭ شارپۋىن ارتتىرىپ، سيفر جىلعاسىن جويىپ، تۇرلىشە دامۋ ساتىسىندا تۇرعان مۇشەلەردىڭ سيفرلى ەكونوميكانىڭ دامۋ تابىسىنان تەڭ يگىلىكتەنۋىنە مۇمكىندىك تۋدىرىپ، ازيا – تىنىق مۇحيت وڭىرىندەگى حالىقتاردى سيفرلى ەكونوميكا دامۋىنىڭ جۇردەك كولىگىنە شىعارىمىز كەرەك.
ءۇشىنشى، ءوزارا بايلانىسقان، ءوزارا تۇتاسقان جەلىنى كەمەلدەندىرۋدە تاباندى بولىپ، سيىسىمدى، ءوزارا ارەكەتتەس دامۋدى جەبەۋ كەرەك. ءبىز ءوزارا بايلانىستىرۋ، ءوزارا تۇتاستىرۋ جوباسىن ىشكەرىلەي تياناقتاندىرىپ، 2030 – جىلعا دەيىنگى باياندى دامۋ كەڭەستىك ءتارتىبىن جەتەكشى ەتىپ، اناعۇرلىم كوپ ناقتى شارا قولدانىپ، دامۋدى اناعۇرلىم تەڭگەرىپ، ارتۋدى اناعۇرلىم باياندى ەتىپ، ورايدى اناعۇرلىم تەڭەستىرىپ، قوعامدى اناعۇرلىم سيىسىمدى ەتۋىمىز كەرەك.
ءتورتىنشى، سەرىكتەستىك قاتىناستى تەرەڭدەتۋدە تاباندى بولىپ، ورتاق سايىستارعا توتەپ بەرۋ كەرەك. ءبىز دامۋدى تەڭ قاراستىرۋ دەگەن ورتاق بولگىشتە تاباندى بولىپ، ورتاق سايىستاردى شەشۋ جونىندە ىزدەنىس جاساۋىمىز كەرەك. الۋن تۇرلىلىكتىڭ ناقتى جاعدايىن تياناق ەتىپ، ءارقايسىمىز تاڭداعان دامۋ جولىنا قۇرمەت ەتىپ، اشىق، سيىسىمدى بولۋ نەگىزىندە توعىسىپ جانە ءوزارا ۇلگى الىپ، قالىپتى باسەكەلەسۋمەن بىرگە ءوزارا پايدالى سەلبەستىك ورناتىپ، ازيا – تىنىق مۇحيت تاعدىرلاس تۇلعاسىن بىرگە قۇرۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
