شي جينپيڭ: ولشەمدى قاتاڭ يگەرىپ، ادام ىستەتۋدە ءادىل بولىپ، كوز اياسىن كەڭەيتىپ، كادرلاردى شابىتتاندىرىپ، ادال، كىرشىكسىز، جاۋاپكەرلىك ارقالايتىن ساپالى كادرلار قوسىنىن قۇرۋ كەرەك
2018.11.27 16:58 كەلۋ قاينارى : حالىق تورابى
شينحۋا اگەنتتىگى، 11 – ايدىڭ 26 - كۇنى، بەيجيڭ. ج ك پ ورتالىق كوميتەتىنىڭ ساياسي بيۋروسى 11 – ايدىڭ 26 – كۇنى تۇستەن كەيىن جۇڭگو تاريحىنداعى ۇلىقتاردىڭ جۇمىس ستيلى جانە بيلەۋ ناتيجەسى تۋراسىندا 10 – رەتكى توپتىق ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا مىنالاردى دارىپتەدى: دۇرىس ساياسي لۋشياندى دۇرىس ۇيىمدىق لۋشيانمەن كەپىلدەندىرۋ كەرەك. پارتيامىز حالىقتى ىنتىماقتاستىرىپ جانە باستاپ، «ەكى 100 جىلدىق» كۇرەس نىساناسىن ىسكە اسىرىپ، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن ىسكە اسىرۋدا جاڭا داۋىردەگى پارتيانىڭ ۇيىمدىق لۋشيانىن جاپپاي دايەكتىلەندىرىپ، ءمورال، قابىلەت ولشەمىن قاتاڭ يگەرىپ، ادام ىستەتۋدە ءادىل بولۋدا تاباندى بولىپ، ادام ىستەتۋدەگى كوز اياسىن كەڭەيتىپ، كادرلاردىڭ بەلسەندىلىگىنە دەم بەرىپ، ادال، كىرشىكسىز، جاۋاپكەرلىك ارقالايتىن ساپالى كادرلار قوسىنىن قۇلشىنا قۇرۋ كەرەك.
شي جينپيڭ ۇيرەنۋدى باسقارعاندا ءسوز سويلەدى. ول مىنالاردى دارىپتەدى: تاريحي تاجىريبەلەردى قابىلداۋعا ءمان بەرۋ ــ پارتيامىزدىڭ تاماشا داستۇرلەرىنىڭ ءبىرى. تاريح بۇرىنعىلاردىڭ تابىسى مەن ساتسىزدىكتەرىن ەستەلىككە الادى، باياندايدى، تاريحقا نازار اۋدارۋ تاريحتى زەرتتەۋ، تاريحتان عيبىرات الۋ، تاريحتاعى الماعايىپ جاعدايلاردىڭ زاڭدىلىعىن ءتۇسىنۋ بىزگە وتكەندى ءبىلۋ، بۇگىندى باعامداۋ، بولاشاققا جول اشۋ جونىنەن كوپتەگەن وي سالادى. ءبىز ۇلى كۇرەس جۇرگىزۋ، ۇلى ينجەنەريانى اتقارۋ، ۇلى ءىستى ىلگەرىلەتۋ، ۇلى ارماندى ىسكە اسىرۋ ءۇشىن، تاريحقا نازار اۋدارۋعا، تاريحتى زەرتتەۋگە، تاريحتان عيبىرات الۋعا اناعۇرلىم مۇقتاجبىز. بۇل ءبىزدىڭ وي – سانامىزدى بايىتىپ، كوز ايامىزدى كەڭەيتىپ، ساپامىزدى جوعارىلاتىپ، قابىلەتىمىزدى ۇشتاۋدا كەلەلى مانگە يە.
شي جينپيڭ بىلاي دەپ اتاپ كورسەتتى: ەلىمىزدەگى پاتشالىق اۋلەتتەردىڭ بارلىعى اكىمشىلىك ۇلىقتاردى سارالاۋعا جانە باسقارۋعا ءمان بەرىپ، «ەل بيلەۋدە بىلىكتىلەرگە يە بولۋ بارىنەن ماڭىزدى» بولاتىنىن، «بىلىكتىلەردى تاربيەلەۋ ــ ەلدىكتىڭ نەگىزى» ەكەنىن دارىپتەگەن. ەلىمىزدىڭ ەرتەدەگى ۇلىقتاردى باسقارۋ يدەيالارى مەن ادىستەرى بيلىكتى جونگە سالۋدىڭ مول تاجىريبەلەرىن جيناقتاۋمەن بىرگە، تاريحي شەكتەمەسى دە كورنەكتى بولدى، ونىڭ ىشىندە فەودالدىق قاۋىزدار دا از ەمەس، بۇعان نازار اۋدارىمىز كەرەك. ورتالىق كوميتەت ساياسي بيۋروسىنىڭ ەلىمىز تاريحىنداعى ۇلىقتاردىڭ جۇمىس ستيلى جانە بيلەۋ ناتيجەسى دەگەن تاقىرىپ بويىنشا توپتىق ۇيرەنۋ ورنالاستىرۋىنىڭ ماقساتى ەلىمىز تاريحىنداعى ۇلىقتاردىڭ جۇمىس ستيلى جانە بيلەۋ ناتيجەلەرىنىڭ تابىسىن، ساتسىزدىگىن ءتۇسىنىپ، ساپالى كادرلار قوسىنىن قۇرۋعا ۇلگى – ونەگە كورسەتۋ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
