شي جينپيڭ ارگەنتينا مەدياسىندا اۆتورلى ماقالا جاريالادى
شي جينپيڭ ارگەنتينا مەدياسىندا اۆتورلى ماقالا جاريالادى
2018.11.29 16:50 كەلۋ قاينارى : حالىق تورابى
«حالىق گازەتى»، 11 – ايدىڭ 28 - كۇنى، بەيجيڭ. 11 – ايدىڭ 28 – كۇنى، 20 ەل توبى باسشىلارىنىڭ بۋەنوس - ايرەس قالاسىندا وتكىزىلەتىن 13 - رەتكى باسشىلار سامميتىنە قاتىناسۋ، ارگەنتينادا مەملەكەتتىك ساپاردا بولۋ قارساڭىندا، مەملەكەت ءتوراعاسى شي جينپيڭ ارگەنتينانىڭ «ۇندەۋ گازەتىندە» «جۇڭگو – ارگەنتينا قاتىناسىنىڭ جاڭا ءداۋىرىن اشايىق» دەگەن تاقىرىپتا اۆتورلى ماقالاسىن جاريالادى. ماقالا تومەندەگىدەي:
جۇڭگو – ارگەنتينا قاتىناسىنىڭ جاڭا ءداۋىرىن اشايىق
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
وڭتۇستىك جارتى شار ءۇمىت شۋاعىنا شومعان تاماشا ساتتە پرەزيدەنت ماۋريكيو ماكريدىڭ ۇسىنىسىمەن 20 ەل توبى باسشىلارىنىڭ بۋەنوس - ايرەستەگى باسشىلار سامميتىنە قاتىناسپاقپىن ءارى ارگەنتينا رەسپۋبليكاسىندا مەملەكەتتىك ساپاردا بولماقپىن.
«تۇسىنىسەر جان بولسا، كوكجيەكتە تۇرسا دا كورشىڭدەي» دەگەن ءسوز بار. جۇڭگو مەن ارگەنتينانىڭ ارالىعى شالعاي بولعانىمەن، ەكى ەل حالىقتارى بەيبىتشىلىكتى قىزۋ سۇيەدى، ءبىر – ءبىرىن جاقسى تۇسىنەدى. ەكى ەل قاتىناسى حالىقارالىق اۋمالى – توكپەلى جاعدايدىڭ سىنىنان ءوتىپ، جاڭا گۇلدەنگەن بازار ەلدەرى مەن دامۋ ۇستىندەگى ەلدەردىڭ ىنتىماقتاسا سەلبەستىك جاساپ، بىرگە دامۋىنىڭ ونەگەسىن قالىپتاستىردى.
جۇڭگو مەن ارگەنتينا — ءبىر – بىرىنە سەنىم ارتاتىن ابزال دوستار. قىسقا عانا 2 جىلدان بەرى مەن پرەزيدەنت ماكريمەن 4 رەت كەزدەسىپ، ەكى جاقتى قاتىناستى دامىتۋ جاعىندا ماڭىزدى ورتاق تانىمعا كەلدىك، ەكى جاقتىڭ جۇڭگو – ارگەنتينا قاتىناسىن دامىتۋعا ايرىقشا ءمان بەرەتىنىن دە سەزىندىم. جۇڭگو ارگەنتينانىڭ ءوز ەلىنىڭ جاعدايىنا ۇيلەسەتىن دامۋ جولىن قاراستىرۋىن باتىل قولدايدى، ارگەنتينانىڭ بولاشاق دامۋىنا بەرىك سەنىممەن قارايدى. قازىر جۇڭگو – ارگەنتينا ۇكىمەتتەرى اراسىندا كوميتەت ارا، ەكونوميكالىق سەلبەستىك جانە ستراتەگيانى، پىكىرلەسۋدى سايكەستىرۋ، پارلامەنتتىڭ ساياسي سۇحپاتى كوميتەتى، ەكونوميكا – ساۋدا ارالاسپا كوميتەتى سياقتى مەحانيزمدەر ىركىلىسسىز اينالىس جاساپ، ەكى ەل قاتىناسىنىڭ ۇزدىكسىز دامۋىنا پارمەندى كۇش قوستى. جۇڭگو مەن ارگەنتينا يەلىك ۇقىعىنا قۇرمەت ەتۋ، تەرريتوريا تۇتاستىعىن قورعاۋ سياقتى ماسەلەلەردە ءبىر – ءبىرىن باستان – اياق قولداپ كەلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
