شي جينپيڭ پورتۋگاليانىڭ مەدياسىندا اۆتورلى ماقالا جاريالادى
ۋاقىت پەن كەڭىستىكتەن اتتاعان دوستىق، بولاشاقتى بەتكە العان ارىپتەستىك
2018.12.04 16:36 كەلۋ قاينارى : حالىق تورابى
«حالىق گازەتى»، 12 – ايدىڭ 3 - كۇنى، بەيجيڭ. 12 – ايدىڭ 3 – كۇنى پورتۋگاليا رەسپۋبليكاسىندا مەملەكەتتىك ساپاردا بولۋ قارساڭىندا مەملەكەت ءتوراعاسى شي جينپيڭ پورتۋگاليانىڭ «حابار گازەتىندە» «ۋاقىت پەن كەڭىستىكتەن اتتاعان دوستىق، بولاشاقتى بەتكە العان ارىپتەستىك» دەگەن تاقىرىپتا اۆتورلى ماقالا جاريالادى. ماقالا تومەندەگىدەي:
ۋاقىت پەن كەڭىستىكتەن اتتاعان دوستىق، بولاشاقتى بەتكە العان ارىپتەستىك
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
«قۇرلىق وسى ارادا تامامدالادى، تەڭىز وسى ارادان باستالادى»، پورتۋگاليانىڭ ايگىلى اقىنى كاموەنستىڭ ۇرپاقتار بويى جالعاسىپ كەلە جاتقان وسى ايگىلى ءسوزى ونىڭ وتانىنىڭ جاعراپيالىق ابزالدىعى جونىندەگى سۋرەتتەۋى سانالادى. 20 جىلدىڭ الدىندا ءساتى ءتۇسىپ پورتۋگاليادا ساپاردا بولعانمىن، 2014 – جىلى جولشىباي تەرسيرا ارالىندا بولعانمىن. پرەزيدەنت ديسوزانىڭ ۇسىنىسىمەن وسى قۇتتى مەكەنگە تاعى دا قادام تاستاپ، ەلدەرىڭىزدە مەملەكەتتىك ساپاردا بولىپ وتىرمىن، بۇعان ايرىقشا قۋانىشتىمىن.
تاياۋ جىلداردان بەرى پورتۋگاليا ەۆروپاداعى يەلىك ۇقىقتىق بەرەشەك قاتەرى مەن سايىسىنا ءساتتى توتەپ بەرىپ، حالىق شارۋاشىلىعىن دامىتۋ، ۇلتتىق مادەنيەتتى اسقاقتاتۋ، قوعامنىڭ العا باسۋىن جەبەۋ جاقتارىندا ماڭىزدى تابىسقا قول جەتكىزدى، بايىرعى ەلدە شىت جاڭا وزگەرىس جارىققا شىقتى. پورتۋگاليا حالقىنىڭ ادال دوسى رەتىندە جۇڭگو حالقى بۇعان ءتانتى ەكەندىكتەرىن بىلدىرەدى.
جۇڭگو مەن پورتۋگاليا ازيا – ەۆروپا قۇرلىعىنىڭ شىعىس، باتىس ەكى باسىندا بولعانىمەن، ەكى ەل حالىقتارىنىڭ دوستىعى الىستان باستاۋ الىپ، ۇزاق تاريحتى باستان وتكىزگەن. ءجۇز نەشە جىلدىڭ الدىندا جۇڭگونىڭ گۇلدى جاسىل فارفورلارى تەڭىز جولىمەن پورتۋگالياعا جەتكىزىلىپ، سول جەردىڭ فارفور جاساۋ ونەرىمەن ۇشتاسىپ، وزگەشە بوگەنايى بار «پورتۋگاليا كوك فارفورلارى» قالىپتاسقان. پورتۋگاليانىڭ شىعىس سولتۇستىگىندەگى فراسەر قالاسى سوناۋ ەرتەدە – اق جۇڭگودان باستاۋ العان جىبەك قۇرتى ارقىلى جىبەك الۋ ونەرىن پايدالانعان، بۇل جەردىڭ «جىبەك مەكەنى» دەگەن تاماشا اتى بار. وسى كۇندە ەكى ەل حالىقتارىنىڭ دوستىق بارىس – كەلىسى جونىندە تاماشا اڭگىمەلەر ۇزدىكسىز جارىققا شىعۋدا. ەرلى – زايىپتى جۇڭگولىق وقىتۋشىلار اۋرۋ ازابىن جەڭىپ، پورتۋگاليادا ونداعان جىلدى ءبىر كۇنگىدەي وتكىزىپ پورتۋگاليادا حانزۋ ءتىلىن وقىتىپ، جۇڭحۋا مادەنيەتىن تاراتتى؛ پورتۋگاليانىڭ كوپتەگەن تاڭداۋلى فۋتبول جاتتىقتىرۋشىلارى مەن دوپشىلارى جۇڭگونىڭ كلۋبتارىنا بارىپ ۇستازدىق ەتىپ جانە دوپ تەۋىپ، جۇڭگونىڭ فۋتبول سالاسىندا «پورتۋگاليا ستيلىن» قالىپتاستىردى؛ جۇڭگولىق اسپازدار ازىرلەگەن پورتۋگاليا ۇلگىسىندەگى جۇمىرتقا كۇلشەلەرى بۇقارانىڭ قارسى الۋىنا بولەندى. مۇنداي اڭگىمەلەر وتە كوپ، وسىنىڭ ءوزى ەكى ەل حالىقتارىنىڭ ۋاقىت پەن كەڭىستىكتەن اتتاعان دوستىعىنىڭ كۋاسى سانالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
