شي جينپيڭ پورتۋگاليانىڭ پرەزيدەنتى دي سوزامەن كەڭەس وتكىزدى
2018.12.05 17:03 كەلۋ قاينارى : حالىق تورابى
«حالىق گازەتى»، 12 – ايدىڭ 4 - كۇنى، ليسابون (تىلشىلەر گۋان كىجياڭ، دۋ شاڭزى). سول جەر ۋاقىتى بويىنشا 12 – ايدىڭ 4 – كۇنى مەملەكەت ءتوراعاسى شي جينپيڭ پورتۋگاليانىڭ پرەزيدەنتى دي سوزامەن كەڭەس وتكىزدى. ەكى ەلدىڭ مەملەكەت باسشىلارى جۇڭگو مەن پورتۋگاليانىڭ ديپلوماتيالىق قاتىناس ورناتقانىنىڭ 40 جىلدىعىن جاڭا تاريحي باستاما ەتىپ، جۇڭگو مەن پورتۋگاليانىڭ دوستىق سەلبەستىگىن ىلگەرىلەتۋدە ۇزدىكسىز تىڭ تابىستارعا قول جەتكىزىپ، جۇڭگو – پورتۋگاليا قاتىناسى دامۋىنىڭ جاڭا داستانىن جازۋعا ءبىر اۋىزدان قوسىلدى.
شي جينپيڭ بىلاي دەدى: جۇڭگو مەن پورتۋگاليانىڭ دوستىق بارىس – كەلىسى ارىدان باستالعان، ەكى ەل ديپلوماتيالىق قاتىناس ورناتقان 39 جىلدان بەرى باستان – اياق ءبىر – ءبىرىن ءتۇسىنىپ، ءبىر – بىرىنە قۇرمەت ەتىپ، ءبىر – بىرىنە سەنىپ، ءوزارا ءتيىمدى سەلبەستىك جاسادى، ەكى جاقتى قاتىناس حالىقارالىق اۋمالى – توكپەلى وزگەرىستەردىڭ سىنىنان ءوتىپ، اقاۋسىز، ورنىقتى دامىپ كەلدى. جۇڭگودا كونەلەردە: «دوستىقتا ادىلدىكتەن تايماساڭ، ارا شالعاي بولسا دا، تىلەك توعىستىرىپ، دوستاسۋعا بولادى، دوستىعىڭ بەرىك بولادى» دەگەن ءسوز بار. جۇڭگو مەن پورتۋگاليا ءدال وسىنداي جاقسى دوس، ابزال سەرىكتەر. جۇڭگو پورتۋگاليانىڭ ءبىر جۇڭگو ساياساتىندا تاباندى بولعانىن القايدى، پورتۋگاليامەن ءبىر – ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان ماسەلەلەردە ۇزدىكسىز ءبىر – ءبىرىن ءتۇسىنۋدى جانە قولداۋدى قالايدى. ەكى جاق جوعارى جىكتەگىلەردىڭ قاتىناسىن نىعايتىپ، ەكى ەل ۇكىمەتتەرى، زاڭ شىعارۋ قۇرىلىمدارى، پارتيالارى، جەرگىلىكتى ورىندارى، حالىقتارى اراسىنداعى اۋىس – كۇيىستى كۇشەيتىپ، ساياسي سەنىمدى نىعايتىپ، ەكى ەل دوستىعىنىڭ ساياسي نەگىزىن بەكەمدەۋى كەرەك. ەكى جاق جۇڭگو مەن پورتۋگاليا ۇكىمەتتەرى اراسىنداعى «ءبىر بەلدەۋ، ءبىر جول» سەلبەستىگى ەسكەرتپە حاتىنا قول قويۋدى وراي ەتىپ، «ءبىر بەلدەۋ، ءبىر جول» جۇلگەسىندە سەلبەستىكتى جاپپاي كۇشەيتىپ، ءوزارا بايلانىسۋدى، توعىسۋدى ىلگەرىلەتۋى كەرەك. ەكى جاق ناقتى سەلبەستىكتى كەڭەيتىپ، قازىرگى نىسانداردى ۇلعايتىپ، كۇشەيتىپ، ەكى جاقتى ساۋدا بارىس – كەلىسىن كەڭەيتىپ، سەلبەستىكتىڭ اناعۇرلىم كوپ ارتۋ تۇيىندەرىن قالىپتاستىرۋى كەرەك. ەكى جاق گۋمانيتارلىق اۋىس – كۇيىستى نىعايتىپ، ليسابون جۇڭگو مادەنيەتى ورتالىعىن سالۋ قىزمەتىن جەدەل ىلگەرىلەتىپ، وقۋ – اعارتۋ، راديو، كينو، تەلەۆيزيا سالالارىنداعى اۋىس – كۇيىستى كۇشەيتۋى كەرەك. ەكى جاق كوپ جاقتى سايكەسۋدى كۇشەيتىپ، كەلەلى حالىقارالىق جانە وڭىرلىك ماسەلەلەردەگى بايلانىستى جانە سايكەسۋدى نىعايتىپ، كوپ جاقتىلىق پەن ەركىن ساۋدانى بىرگە قورعاۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
