بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

مەملەكەتتىك كەڭەس «پىكىر» باسىپ تاراتتى

قازىرگى جانە مۇنان سوڭعى ءبىر مەزگىلدەگى كاسىپتەندىرۋدى جەبەۋ قىزمەتى جاقسى ىستەلمەك

2018.12.06 16:38     كەلۋ قاينارى : حالىق تورابى

  شينحۋا اگەنتتىگى، بەيجيڭ، 12 – ايدىڭ 5 – كۇنى. مەملەكەتتىك كەڭەستىڭ زۇڭليى لي كىچياڭنىڭ قول قويىپ بەكىتۋىمەن مەملەكەتتىك كەڭەس بىرنەشە كۇننىڭ الدىندا «قازىرگى جانە مۇنان سوڭعى ءبىر مەزگىلدەگى كاسىپتەندىرۋدى جەبەۋ قىزمەتىن جاقسى ىستەۋ جونىندەگى ءبىرقانشا پىكىردى» باسىپ تاراتتى.


  «پىكىردە» قازىرگى جانە مۇنان سوڭعى ءبىر مەزگىلدەگى كاسىپتەندىرۋدى جەبەۋ قىزمەتىندەگى ءتۇيىندى شارالار ورتاعا قويىلدى. ءبىرىنشى، كاسىپورىنداردىڭ ورنىقتى دامۋىنا قولداۋ كورسەتىلەدى. قىزمەتكەرلەردى قىسقارتپاعان نەمەسە از قىسقارتقان قامسىزداندىرۋعا قاتىناسۋشى كاسىپورىندارعا قاراتا ولاردىڭ الدىنداعى جىلدا ناقتى تاپسىرعان جۇمىسسىزدىق قامسىزداندىرۋ اقىسىنىڭ %50 ىن قايتارۋعا بولادى، مۇنىڭ ىشىندە ۋاقىتتىق ءوندىرىس قيىنشىلىعىنا ءدوپ كەلگەن، ونىڭ ۇستىنە قالپىنا كەلۋ مۇمكىندىگى بار كاسىپورىندارعا قاراتا قايتارىپ بەرۋ تەبىنى ارتتىرىلادى. مەملەكەتتىڭ قارجى قۇراۋ كەپىلدىك قورىنىڭ رولى تولىق ساۋلەلەندىرىلىپ، جەر – جەردىڭ شارتقا ۇيلەسەتىن ۇساق كاسىپورىنداردى تومەن اقىلى قامسىزداندىرۋمەن قولداۋ تەبىنىن ارتتىرۋىنا شابىت بەرىلىپ، ۇساق كاسىپورىنداردىڭ قارىز الۋ مۇمكىندىگى جوعارىلاتىلادى. ەكىنشى، يگىلىك، جاڭالىق جاراتۋعا شابىت بەرىلىپ، قولداۋ كورسەتىلەدى. يگىلىك جاراتۋ كەپىلدىك قارىىزمەن قولداۋ تەبىنى ارتتىرىلادى، شارتقا ۇيلەسەتىن جەكەلەردىڭ جانە ۇساق كاسىپورىنداردىڭ ەڭ جوعارى بولعاندا 150 مىڭ يۋاننان جانە 3 ميلليون يۋاننان اسپايتىن يگىلىك جاراتۋ كەپىلدىك قارىزىن ءوتىنىش ەتىپ الۋىنا بولادى. جەر – جەردىڭ ءتۇيىندى بۇقارالىق توپقا ارنالعان يگىلىك جاراتۋ دانەكەرلىك ورنىن قۇرۋىنا شابىت بەرىلەدى، كاسىپتەندىرۋ قىسىمى ءبىرشاما اۋىر رايونداردىڭ كاسىپسىزدەردى دەربەس يگىلىك جاراتۋ جاعىنان تيجارات ورنىمەن اقىسىز قامداۋىنا شابىت بەرىلەدى. 3 جىلدا ءبىر ميلليون جاستى پراكتياعا ۇيىمداستىرۋ جوسپارى اتقارىلىپ، كاسىپتەنۋ تۇرعىسىنان پراكتيكا كورۋ قوسىمشا قاراجاتىن بەرۋ كولەمى 16 جاستان 24 جاسقا دەيىنگى كاسىپسىز جاستارعا كەڭەيتىلەدى. ءۇشىنشى، تاربيەلەۋ كۋرستارى بەلسەنە اتقارىلادى. قيىنشىلىعى بار كاسىپورىندار جۇمىسشى – قىزمەتشىلەردى جۇمىس ورنىندا تاربيەلەسە، جەتپەگەن قاراجاتىنا سول جەردەگى ادام كۇشى بايلىعى جانە قوعامدىق قامتاماسىزداندىرۋ تاراۋى باعالاعاننان كەيىن كاسىپتەندىرۋ كومەك قارجىسىنان لايىقتى قولداۋ كورسەتىلەدى. جۇمىس ورنىنان بوساعاندارعا، كاسىپسىزدەرگە قاراتا ۇكىمەتتىڭ قوسىمشا قاراجاتى بەرىلەتىن تاربيەلەۋ كۋرسى جاپپاي اتقارىلادى، مۇنىڭ ىشىندە شارتقا ۇيلەسەتىن كاسىپسىزدەرگە جانە ەشقانداي وتباسى مۇشەسى كاسىپتەنبەگەندەرگە تاربيەلەۋ مەزگىلىندە تاعى تۇرمىستىق قاراجات بەرىلەدى. تەحنيكالىق ونەرىن جوعارىلاتۋ قوسىمشا قاراجاتىن الۋدى ءوتىنىش ەتۋ شارتى كاسىپورىندارداعى جۇمىس ىستەپ جاتقان قىزمەتكەر بولۋ، جۇمىسسىزدىق قامسىزداندىرۋىن 3 جىل تاپسىرعان بولۋ دەگەننەن ءبىر جىلدان استام تاپسىرعان بولۋ دەگەنگەن رەتتەلەدى. ءتورتىنشى، جۇمىس ورنىنان بوساعانداردى، كاسىپسىزدەردى سۇيەمەلدەۋ ىستەرى ۋاعىندا ورىستەتىلەدى. كاسىپسىزدەر تۇراقتى تۇراتىن جەرىندە كاسىپسىزدىك جاعىنان تىركەلۋ رەسمياتىن وتەپ، سول جەردىڭ يگىلىك، جاڭالىق جاراتۋعا قىزمەت وتەۋ، كاسىپتەنۋگە كومەك بەرۋ ساياساتى، ءتۇيىندى بۇقارالىق توپتىڭ يگىلىك جاراتىپ، كاسىپتەنۋىندەگى باجى تيىمدىلىگى ساياساتى سياقتىلاردان يگىلىكتەنۋدى ءوتىنىش ەتۋىنە بولادى. شارتقا ۇيلەسەتىن جۇمىس ورنىنان بوساعاندارعا، كاسىپسىزدەرگە قاراتا جۇمىسسىزدىق قامسىزداندىرۋ مامىلەسى ۋاعىندا تياناقتاندىرىلادى ءارى ولار ەڭ تومەنگى تۇرمىستى قامتاماسىزداندىرۋ، ۋاقىتتىق كومەك بەرۋ كولەمىنە ەنگىزىلەدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار