بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ «2018 – جىلعى سۇڭدوۋ حالىقارالىق فورۋمىنا» قاتىناسقان شەتەلدىك سيلى قوناقتارمەن كەزدەستى

2018.12.13 17:05     كەلۋ قاينارى : حالىق تورابى


  «حالىق گازەتى»، 12 – ايدىڭ 12 - كۇنى، بەيجيڭ (ءتىلشى جاۋ چىڭ). مەملەكەت ءتوراعاسى شي جينپيڭ 12 - ايدىڭ 12 - كۇنى حالىق سارايىندا «2018 – جىلعى سۇڭدوۋ حالىقارالىق فورۋمىنا» قاتىناسقان شەتەلدىك سيلى قوناقتارمەن كەزدەستى.

  شي جينپيڭ جۇڭگونىڭ رەفورما جاساپ، ەسىك اشقان 40 جىلداعى تابىسى مەن جاڭا كەزەكتى ورەلى ەسىك اشۋداعى ماڭىزدى شارالاردى تۇيىندەپ تانىستىرىپ، جۇڭگونىڭ دۇنيە جۇزىمەن قاتىناسىن ىشكەرىلەي پايىمدادى ءارى شەتەلدىك سيلى قوناقتاردىڭ لەبىزىن تىڭدادى.

  شي جينپيڭ بىلاي دەدى: بيىلعى «سۇڭدوۋ حالىقارالىق فورۋمى» جۇڭگو حالقىنىڭ رەفورما جاساپ، ەسىك اشۋدىڭ 40 جىلدىعىمەن تۇسپا – تۇس كەلىپ وتىر. رەفورما جاساپ، ەسىك اشۋ سىندى شەشۋشى تالعامدى ءتىپتى 2 – توڭكەرىس دەۋگە بولادى. 40 جىلدان بەرى جۇڭگو دامۋدا وراسان زور تابىسقا قول جەتكىزدى، حالىقتىڭ تۇرمىسى وراسان جاقساردى، تاپشىلىقتان مولشىلىققا، كەدەيلىكتە دوڭگەلەك داۋلەتتىلىككە قادام تاستادىق.

  شي جينپيڭ مىنالاردى دارىپتەدى: جۇڭگونىڭ رەفورما جاساپ، ەسىك اشۋى حالىقتى وزەك ەتەدى. جاڭا داۋىردەگى جۇڭگو ەكونوميكاسى دامۋىنىڭ ماڭىزدى ەرەكشەلىگى جەدەل ارتۋدان ساپالى دامۋعا، مولشەردىڭ مولايۋىنان ساپانىڭ جوعارىلاۋىنا بۇرىلىس جاساۋدا. ءتىپتى دە بارابار، ءتىپتى دە تولىق دامۋدى ىسكە اسىرۋدا رەفورمانى اناعۇرلىم تەرەڭدەتۋگە، ەسىكتى اناعۇرلىم كەڭ اشۋعا سۇيەنۋ كەرەك. بيىل 4 – ايدا بو – اۋ ازيا فورۋمىندا مەن بازارعا كىرۋگە رۇقسات ەتۋدى زور دارەجەدە جەڭىلدەتۋ، باۋراۋ قۋاتى اناعۇرلىم زور قارجىلاندىرۋ ورتاسىن جاراتۋ، ءبىلىم مەنشىك ۇقىعىن قورعاۋدى كۇشەيتۋ، يمپورتتى ىرىقتىلىقپەن كەڭەيتۋ سياقتى ەسىك اشۋداعى ءبىرقىدىرۋ كەلەلى شارانى جاريالادىم. جۇڭگو تۇڭعىش كەزەكتى جۇڭگو حالىقارالىق يمپورت كورمەسىن ءساتتى وتكىزدى، ااشىلۋ سالتىندا ەسىك اشۋدى ۇلعايتۋداعى جاڭا ماڭىزدى شارالاردى تاعى دا جاريالادىم. جۇڭگو كوپ جاقتىلىق جولىمەن بۇلجىماستان جۇرەدى، ەسىكتى بارعان سايىن كەڭ اشادى.

  شي جينپيڭ مىنالاردى دارىپتەدى: قازىر جۇڭگونىڭ ەكونوميكالىق اينالىسى جالپى جاقتان ورنىقتى بولۋدا، ورنىقتىلىق بارىسىندا ىلگەرىلەۋدە. جۇڭگو ءالى دە دۇنيە جۇزىندەگى ەڭ ۇلكەن دامۋ ۇستىندەگى ەل، بۇقارانى جاقسى تۇرمىسقا كەنەلتۋ __ ءبىزدىڭ قۇلشىنىس باعىتىمىز، سونداي – اق جۇڭگو ەكونوميكاسىنىڭ ماڭىزدى كومەسكى كۇش تياناعى. كىرىس ورەسىنىڭ جوعارىلاۋىنا ىلەسە جۇڭگو حالقىنىڭ ساپالى تۇرمىس جولىندا تالپىنۋى ءتىپتى دە زور تۇتىنۋ قاجەتىن تۋىنداتادى. جۇڭگو ەكونوميكاسىنىڭ ۇزاق ۋاقىت بويى جاقسارۋى سىندى نەگىزدىك جاعدايعا بەرىك سەنىمىمىز بار، جۇڭگو ەكونوميكاسىنىڭ ورتاشا جوعارى قارقىنمەن ارتۋدان ورتاشا بيىك ورەگە قادام تاستاۋىنا بەرىك سەنىمىمىز بار.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار