ج ك پ ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى
شي جينپيڭ ءماجىلىستى باسقاردى ءارى ماڭىزدى ءسوز سويلەدى
2018.12.14 16:30 كەلۋ قاينارى : حالىق تورابى
شينحۋا اگەنتتىگى، 12 – ايدىڭ 13 - كۇنى، بەيجيڭ. ج ك پ ورتالىق كوميتەتى 12 – ايدىڭ 11 - كۇنى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، بيىلعى ەكونوميكالىق جاعداي جانە كەلەر جىلعى ەكونوميكالىق قىزمەت جونىنەن دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنان جانە پارتيادا، توپتا جوق قايراتكەرلەردىڭ ۋاكىلدەرىنەن پىكىر - ۇسىنىس الدى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى. شي جينپيڭ مىنالاردى دارىپتەدى: دەموكراتيالىق پارتيا – توپتار، ساۋدا - ونەركاسىپشىلەر بىرلەستىگى، پارتيادا، توپتا جوق قايراتكەرلەر يدەيا مەن ارەكەتتى ج ك پ ورتالىق كوميتەتىنىڭ ەكونوميكالىق جاعداي جونىندەگى تالداۋ، تۇجىرىمى جانە ەكونوميكالىق قىزمەت جونىندەگى شەشىم، ورنالاستىرۋلارى بويىنشا بىرلىككە كەلتىرۋى، ورتاق تانىم ۇيىستىرىپ، ىرىقتىلىقپەن جاۋاپكەرلىك ارقالاپ، مۇشەلەرىن جانە بايلانىس جاساپ وتىرعان بۇقارانى قيىنشىلىقتى جەڭۋ سەنىمىن، سايىسقا توتەپ بەرۋ جىگەرى مەن بەكىمىن بەكەمدەۋگە باستاپ، ەلىمىز ەكونوميكاسىنىڭ ءۇرتىس، اقاۋسىز دامي بەرۋى ءۇشىن جاڭا ءارى ءتىپتى دە زور ۇلەس قوسۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ حۋنيڭ، حان جىڭ اڭگىمە ماجىلىسىنە قاتىناستى. لي كىچياڭ بيىلعى ەكونوميكالىق قىزمەتتەگى قاتىستى جاعدايلاردى حابارلاندىردى، ج ك پ ورتالىق كوميتەتىنىڭ كەلەر جىلعى ەكونوميكالىق قىزمەتتى جاقسى ىستەۋ جونىندەگى ويىن تانىستىردى.
اڭگىمە ماجىلىسىندە جۇڭگو گومينداڭ توڭكەرىستى
ك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ورىنباسار ءتوراعاسى گۋ شىڭزۋ، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، «3 - قىركۇيەك» ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى لي داۋكۇي لەبىز ءبىلدىردى. ولار ج ك پ ورتالىق كوميتەتىنىڭ قازىرگى ەلىمىزدىڭ ەكونوميكالىق جاعدايى جونىندەگى تالداۋى مەن كەلەر جىلعى ەكونوميكالىق قىزمەت جونىندەگى ويىن القادى ءارى شەشۋشى وزەكتى تەحنيكادا جاڭالىق جاراتۋدا كۇش بىرىكتىرىپ قامال الۋ، كاسىپتەگى تەحنيكانى دامىتۋدىڭ تاسىلىندە بۇرىلىس جاساۋدى ىلگەرىلەتۋ، نەگىزدىك قۇرىلعىلارعا قارجى قوسۋ، قارجى قۇراۋدىڭ وسىزاماندانعان ءتۇزىلىسىن ورناتۋ، گۋاڭدۇڭ، شياڭگاڭ، اۋمىن ۇلكەن شىعاناق رايونى قۇرىلىسىن ىشكەرىلەي ىلگەرىلەتۋ، دارىندىلار ستراتەگياسىن جاپپاي ىلگەرىلەتۋ، ساۋدا ورتاسىن ۇزدىكسىز جاقسارتۋ، حالىقتىق شارۋاشىلىقتىڭ ماڭىزدى رولىن ساۋلەلەندىرۋ، حالىقتىق شارۋاشىلىقتىڭ دامۋىن زاڭمەن باسقارۋ جاعىنان قامتاماسىزداندىرۋدى كۇشەيتۋ، حالىق تۇرمىسى سالاسىدا قارجى قوسۋ تەبىنىن ارتتىرۋ، چيڭحاي – شيزاڭ ءۇستىرتىنىڭ ەكولوگيالىق قالتقى قۇرىلىسىن كۇشەيتۋ سياقتىلار جونىنەن پىكىر – ۇسىنىستارىن بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
