ج ك پ ورتالىق كوميتەتىنىڭ، مەملەكەتتىك كەڭەستىڭ رەفورما جاساۋعا، ەسىك اشۋعا كورنەكتى ۇلەس قوسقانداردى ماداقتاۋ – سيلاۋ جونىندەگى قاۋلىسى
(2018 – جىلى 12 – ايدىڭ 18 – كۇنى)
2018.12.19 16:04 كەلۋ قاينارى : حالىق تورابى
بيىل − ەلىمىزدىڭ رەفورما جاساپ، ەسىك اشقانىنىڭ 40 جىلدىعى. 1978 – جىلى 12 – ايدا پارتيا 11 – كەزەكتى ورتالىق كوميتەتىنىڭ ءۇشىنشى جالپى ءماجىلىسى پارتيا مەن مەملەكەت قىزمەتىنىڭ ءتۇيىنىن ەكونوميكالىق قۇرىلىسقا اۋدارۋ، رەفورما جاساپ، ەسىك اشۋ تۋرالى تاريحي شەشىم جاساپ، بۇكىل پارتيانى، بۇكىل ەلدەگى ءار ۇلت حالقىن سوتسياليستىك وسىزامانداندىرۋ قۇرىلىسىنىڭ جاڭا ساپارىنا اتتانۋعا جۇمىلدىردى. بۇل − جاڭا جۇڭگو قۇرىلعاننان بەرگى پارتيامىز بەن مەملەكەتىمىز تاريحىنداعى كەلەلى ماڭىزعا يە ۇلى بۇرىلىس، وسى زامانعى جۇڭگونىڭ تاعدىرىن بەلگىلەگەن شەشۋشى تالعام. 40 جىلدان بەرى پارتيامىز حالىقتى ىنتىماقتاستىرا باستاپ، قاجىرلىلىقپەن كۇرەس جۇرگىزىپ، قايسارلىقپەن شايقاسىپ، مەملەكەت پەن ۇلتتىڭ دامۋىنا كەسە – كولدەنەڭ بولاتىن يدەيالىق بۇعاۋلار مەن تۇزىلىستىك كەدەرگىلەردى باتىل تالقانداپ، جۇڭگو جولىن اشىپ، جۇڭگونىڭ ومىرشەڭدىك كۇشىن تاسقىنداتىپ، جۇڭگونىڭ كۇش – قۋاتىن ۇيىستىرىپ، داۋىرگە ىلەسۋدەن داۋىرگە جەتەكشىلىك ەتۋ سىندى ۇلى شارىقتاۋدى جۇزەگە اسىرىپ، مەملەكەت پەن ۇلتتىڭ دامۋىنىڭ ايبىندى داستانىن جازدى، پارتيانىڭ بەت – بەينەسىندە، مەملەكەتتىڭ بەت – بەينەسىندە، حالىقتىڭ بەت – بەينەسىندە، ارميانىڭ بەت – بەينەسىندە، حۇڭحۋا ۇلتتارىنىڭ بەت – بەينەسىندە بۇرىن بولماعان وزگەرىس تۋىلدى. ەلىمىزدىڭ رەفورما جاساپ، ەسىك اشۋ ۇلى باستاماسى دۇنيە جۇزىنە دە تەرەڭ ىقپال جاساپ، دۇنيە جۇزىندەگى ەلدەرگە وراسا زور وراي اكەلدى. پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى زور ساياسي باتىلدىقپەن جانە كۇشتى جاۋاپكەرلىكپەن رەفورمانى جاپپاي تەرەڭدەتىپ، سىرتقا ەسىك اشۋدى كەڭەيتىپ، پارتيا مەن مەملەكەت ىستەرىندە تاريحي تابىسقا قول جەتكىزىپ، تاريحي وزگەرىس تۋدىرىپ، جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتىپ، رەفورما جاساپ، ەسىك اشۋدىڭ جاڭا تاريحي پاراعىن اشتى، جۇڭحۋا ۇلتتارى اناعۇرلىم جاڭا بەينەمەن دۇنيە ءجۇزىنىڭ شىعىسىندا ەڭسە كوتەردى.
حالىق − رەفورما جاساپ، ەسىك اشۋدىڭ ۇلى كەرەمەتىن جاراتۋشى، رەفورما جاساپ، ەسىك اشۋدى ىلگەرىلەتۋدىڭ كۇش قاينارى. رەفورما جاساپ، ەسىك اشۋدىڭ تانىم مەن امالياتتاعى ءار رەتكى جاڭالىققا قۇلاش سەرمەۋى مەن تەرەڭدەۋىنىڭ، رەفورما جاساپ، ەسىك اشۋ بارىسىنداعى ءاربىر جاڭا ءىستىڭ تۋىنداۋى مەن دامۋىنىڭ، ءاربىر تاجىريبەگە قول جەتكىزۋ مەن تاجىريبە توپتاۋدىڭ بارلىعى ءجۇز ميلليونداعان حالىقتىڭ امالياتى مەن جاسامپازدىعىنان كەلگەن. 40 جىل قۇلاشىن كەڭ جايعان رەفورما جاساپ، ەسىك اشۋ ۇلى بارىسىندا باتىلدىقپەن ءداۋىردىڭ الدىڭعى لەگىندە جۇرەتىن، قايسارلىقپەن رەفورما جاساپ، ەسىك اشاتىن، باتىلدىقپەن امالياتتىق ىزدەنىس جاسايتىن ءبىر شوعىر اتويشى، ۇلگى جارىققا شىقتى. رەفورما جاساپ، ەسىك اشۋدىڭ 40 جىلدىعىن سالتاناتپەن قۇتتىقتاعان ساتتە وزاتتاردى سيلاۋ، ماداقتاۋ، كۇرەس جىگەرىنە شابىت بەرۋ، باتىلدىقپەن اتويلاپ العا شىعاتىن، سىناق ەتەتىن، باسقالاردىڭ الدىندا جۇرەتىن رەفورما جاساۋ رۋحىن اسقاقتاتۋ، بۇكىل پارتيانى، بۇكىل ەلدەگى ءار ۇلت حالقىن تاباندىلىقپەن پارتيانىڭ سوزىنە قۇلاق اسۋعا، پارتياعا ىلەسۋگە شابىتتاندىرۋ، رەفورما جاساپ، ەسىك اشۋدى سوڭىنا دەيىن جۇرگىزۋ ءۇشىن، پارتيا ورتالىق كوميتەتى، مەملەكەتتىك كەڭەس يۇي مين قاتارلى 100 جولداسقا رەفورما اتويشىسى اتاعىن بەرىپ، رەفورما اتويشىسى مەدالىمەن ماراپاتتاۋدى؛ سونىمەن بىرگە، حالىقارالىق قوعامنىڭ جۇڭگونىڭ رەفورما جاساپ، ەسىك اشۋ ىستەرىنە كورسەتكەن قولداۋى مەن كومەگىنە العىس ايتۋ ءۇشىن، الاين مەريەۋكس قاتارلى حالىقاراداعى 10 دوسقا جۇڭگونىڭ رەفورما دوستىق مەدالىن بەرۋدى ۇيعاردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
