ورتالىق كوميتەتتىڭ ۇيىمداستىرۋ ءبولىمى ۇقتىرۋ شىعارىپ، جاڭا جىل جانە كوكتەم مەرەكەسى مەزگىلىندە
تۇرمىسىندا قيىنشىلىعى بار پارتيا مۇشەلەرىنەن، ساقا پارتيا مۇشەلەرىنەن، ساقا كادرلەردەن حال سۇراۋ قيمىلىن ورىستەتۋدى تالاپ ەتتى
2018.12.26 13:43 كەلۋ قاينارى : حالىق تورابى
حالىق گازەتى، 12 – ايدىڭ 25 – كۇنى، بەيجيڭ (ءتىلشى: شىڭ روۋەي) ج ك پ ورتالىق كوميتەتى ۇيىمداستىرۋ ءبولىمى ۇقتىرۋ شىعارىپ، ءار دارەجەلى پارتيا ۇيىمدارىنان جاڭا جىل مەن كوكتەم مەرەكەسى مەزگىلىندە تۇرمىسىندا قيىنشىلىعى بار پارتيا مۇشەلەرىنەن، ساقا پارتيا مۇشەلەرىنەن، ساقا كادرلەردەن حال سۇراۋ قيمىلىن ورىستەتىپ، پارتيا مۇشەلەرى مەن كادرلەرگە، قالىڭ جۇرتشىلىققا شي جينپيڭ جولداستى ۇيىقتى ەتكەن پارتيا ورتالىق كوميتەتىنىڭ قامقورلىعى مەن مەيىرىن سەزىندىرۋدى تالاپ ەتتى.
ۇقتىرۋدا مىنالار ورتاعا قويىلعان: ءار دارەجەلى پارتكومدار (پارتيا باسشىلىق گرۋپپالارى) تۇرمىسىندا قيىنشىلىعى بار پارتيا مۇشەلەرىنىڭ، ساقا پارتيا مۇشەلەرىنىڭ، ساقا كادرلەردىڭ نەگىزگى احۋالىن جان – جاقتىلى، دۇرىس مەڭگەرىپ، ولاردىڭ يدەيالىق حال - كۇيى مەن قاجەتتەرىن ءتۇسىنىپ، نەگىزگى ساتىعا ىشكەرىلەي ارالاسىپ، حال سۇراپ، ءىس جۇزىندىك قيىنشىلىقتارىنا باعىتتامالى تۇردە كومەكتەسۋى جانە ونى شەشىم ەتۋى كەرەك. نەگىزگى ساتىداعى كادرلەرگە، وتە – موتە، قيىنشىلىعى بار، جاپالى وڭىرلەردە جانە كەدەيلىكتەن ارىلتۋدا قامال الۋدىڭ ءبىرىنشى شەبىندە شايقاس جۇرگىزىپ جاتقان كادرلەرگە كوڭىل ءبولۋ، قامقورلىق جاساۋ تەبىنىن ارتتىرىپ، نەگىزگى ساتىداعى الەۋمەتتىك جۇمىس بارىسىندا قازا بولعان نەمەسە باقىتسىزدىققا ۇشىراپ قازا بولعان ۇزدىك كادرلەردىڭ وتباسىنا بارىپ، ءتۇيىندى تۇردە حال سۇراۋ كەرەك.
حال سۇراۋ كولەمىن ۇيلەسىمدى تۇردە كەڭەيتىپ، قىستاقتارداعى (الەۋمەتتىك رايوندارداعى) تىرەكتى ساقا كادرلەرگە، ناۋقاس سەبەبىنەن كەدەيلەسكەن ەرەكشە كەدەي جۇرتشىلىققا كومەكتەسۋ قىزمەتىن ويداعىداي ىستەۋ كەرەك، شىنىندا دا قيىنشىلىعى بار جوعارى مەكتەپ تاۋىسقان قىستاق كادرلەرىنەن دە، نەگىزگى ساتىداعى پارتيا ىستەرى قىزمەتكەرلەرىنەن دە حال سۇراۋعا بولادى. ج ك پ ورتالىق كوميتەتى ۇيىمداستىرۋ ءبولىمى الدا ورتالىق كوميتەت اتىنان باسقارىپ وتىرعان پارتيا جارناسىنان حال سۇراۋ قاراجاتىن ءبولىپ، جۋىق ارادا ءارقايسى ولكەلەرگە (اۆتونوميالى رايون، توتە قاراستى قالا)، قاتىستى تاراۋلاردىڭ (جۇيە) پارتكوم (قىزمەت كوميتەتتەرى) ۇيىمداستىرۋ بولىمدەرىنە تۇسىرەدى، وڭىرلەر مەن تاراۋلار (جۇيە) سايكەستى قاراجاتتاردى جەدەل تياناقتاندىرىپ، كوكتەم مەرەكەسى مەزگىلىندە حال سۇراۋ وبيەكتىلەرىنە تاراتىپ بەرۋى، ارناۋلى قاراجاتتى ارناۋلى ورىنعا پايدالانۋى كەرەك.
ۇقتىرۋدا مىنالار تالاپ ەتىلگەن: ءار دارەجەلى پارتكومداردىڭ (پارتيا باسشىلىق گرۋپپالارى) ۇيىمداستىرۋ جانە كادرلەر قىزمەتىنە، ساقا كادرلەر قىزمەتىنە جاۋاپتى بولىمدەرى قاتىستى تاراۋلارمەن تىزە قوسا وتىرىپ، جۋىرداعى جىلداردان بەرى ورتاعا قويىلعان دەمالىسقا شىققان كادرلەردىڭ ەمدەلۋ مامىلەسىن جوعارىلاتۋ، دەمالىسقا شىققان كادرلەردىڭ تۇرمىستىق قوسىمشا قاراجاتىن جوعارىلاتۋ جانە ونى تاراتۋ كولەمىن كەڭەيتۋ، دەمالىسقا شىققان كادرلەردىڭ كۇتىمدەنۋ قاراجاتىنىڭ ولشەمىن جوعارىلاتۋ قاتارلى ساياساتتاردىڭ تياناقتاندىرىلۋ احۋالىنا مۇقيات تەكسەرۋ جۇرگىزۋى، ماسەلە بايقالسا، دەر كەزىندە شەشىم ەتۋى كەرەك. قاتىستى تاراۋلارمەن كەڭەسۋ جانە سايكەسۋ ارقىلى جاڭا جۇڭگو قۇرىلۋدان بۇرىن اۋىل – قىستاقتاردان پارتياعا قابىلدانعان ساقا كادرلەر مەن قالا – قالاشىقتارداعى دەمالىسقا، زەينەتكە شىعۋ مامىلەسىنەن يگىلىكتەنبەي كەلگەن ساقا پارتيا مۇشەلەرىنە تۇرمىستىق قوسىمشا قاراجات تاراتۋ قىزمەتىن مۇقيات، ويداعىداي ىستەۋ، قوسىمشا قاراجاتتى كوكتەم مەرەكەسىنەن بۇرىن تولىق تاراتىپ بولۋى كەرەك.
ۇقتىرۋدا مىنالار باسا دارىپتەلگەن: وڭىرلەر مەن تاراۋلار (جۇيە) وسكەلەڭ ءمان بەرىپ، مۇقيات ۇيىمداستىرۋ ارقىلى حال سۇراۋ قيمىلىن جۇرت تىلەگىن توعىستىراتىن، مەيىر باعىشتايتىن ينجەنەرياعا اينالدىرۋى كەرەك. ءار دارەجەلى باسشى كادرلەر كەدەي وڭىرلەرگە، اپاتقا ۇشىرعان وڭىرلەرگە جانە نەگىزگى ساتىداعى ءبىرىنشى شەپكە ىشكەرىلەي قادام تاستاپ، جۇرتشىلىققا ناقتى ءىس تىندىرىپ بەرۋى، ولاردىڭ قيىنشىلىعىن شەشىم ەتۋى كەرەك. قالىڭ پارتيالى كادرلەردى جۇرتشىلىقپەن بايلانىس جاساۋ جانە ولارعا قىزمەت وتەۋ جاعىنداعى ءتۇرلى قىزمەتتەردى ىرىقتىلىقپەن ويداعىداي ىستەۋگە، جۇرتشىلىقتىڭ ناقتى قيىنشىلىقتارىن شەشۋىنە شاماسى كەلگەنشە كومەكتەسۋگە جەتەلەۋ كەرەك. ورتالىقتىڭ سەگىز ءتۇرلى بەلگىلەمەسىن، سونداي – اق، اتقارىلاتىن ەگجەي - تەگجەيلى ەرەجەنى قاتاڭ تياناقتاندىرىپ، فورماشىلدىق، تورەشىلدىك نىسايلارىن شىنايى جەڭىپ، جاڭاشا سالتتى، دۇرىس ستيلدى دارىپتەپ، كوڭىلدى، بەرەكەلى، تىنىش مەرەكەلىك اۋقىم قالىپتاستىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
