بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>ورتالىقتىڭ ءۇنى

شي جينپيڭ چاۋشيان ەڭبەك پارتياسى ورتالىق كوميتەتىنىڭ باستىعى كيم جوڭ - ۇنمەن كەڭەس وتكىزدى

2019.01.10 15:59   كەلۋ قاينارى : حالىق تورابى



  شينحۋا اگەنتتىگى، 1 – ايدىڭ 10 - كۇنى، بەيجيڭ (ءتىلشى لي جۇڭفا). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 1 - ايدىڭ 8 - كۇنى جۇڭگودا مەملەكەتتىك ساپاردا بولۋ ءۇشىن سول كۇنى بەيجيڭگە كەلگەن چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنمەن كەڭەس وتكىزدى. ەكى ەل باسشىلارى باۋىرمالدىق، دوستىق بەينەمەن جۇڭگو - چاۋشيان قاتىناسى جانە ورتاق كوڭىل ءبولىپ وتىرعان ماسەلەلەر جونىنەن ىشكەرىلەي پىكىر الماستىرىپ، كەلەلى ورتاق تانىمعا كەلدى. ەكى جاق ءبىر اۋىزدان بىلاي دەستى: جۇڭگو - چاۋشيان قاتىناسىنىڭ جاڭا داۋىردە ۇزدىكسىز جاڭا دامۋشىلىققا قول جەتكىزۋىن ىلگەرىلەتۋ جولىندا بىرگە قۇلشىنۋعا، تۇبەك ماسەلەسىن ساياسي جولمەن شەشۋ اياق الىسىن ءۇرتىس ىلگەرىلەتۋگە، ەكى ەل حالىقتارىنا ءتىپتى دە زور باقىت جاراتىپ، ءوڭىردىڭ جانە دۇنيە ءجۇزىنىڭ بەيبتىشىلىگى مەن ورنىقتىلىعى، گۇلدەنۋى مەن دامۋى ءۇشىن بەلسەنە ۇلەس قوسۋعا پەيىلمىز.


  شي جينپيڭ بىلاي دەدى: كوميتەت باستىعى جولداس 2019 – جىلدى قارسى العان ساتتە، ەكى ەلدىڭ ديپلوماتيالىق قاتىناس ورناتقانىنىڭ 70 جىلدىعى قارساڭىندا جۇڭگودا ساپاردا بولدى، بۇل كوميتەت باستىعى جولداستىڭ جۇڭگو مەن چاۋشياننىڭ ءداستۇرلى دوستىعىنا ايرىقشا ءمان بەرەتىنىن، جۇڭگو پارتياسى مەن حالقىنا دەگەن دوستىق كوڭىلىن تولىق بەينەلەدى. مەن بۇعان ايرىقشا سۇيىنەمىن ءارى جۇڭگو پارتياسى، ۇكىمەتى جانە حالقى اتىنان چاۋشيان پارتياسىنا، ۇكىمەتىنە جانە حالقىنا شىن ىقىلاسپەن مەرەكەلىك سالەم جولدايمىن.


  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت