سىرتقى ىستەر مينيسترلىگى: جۇڭگو جاق كانادا ازاماتتارىن «قالاعانىنشا» قاماۋعا الدى دەگەن اتالمىش ايىپتاۋدىڭ ەشقانداي نەگىزى جوق
2019.01.15 15:58 كەلۋ قاينارى : حالىق تورابى
شينحۋا اگەنتتىگى، 1 – ايدىڭ 14 – كۇنى، بەيجيڭ (ءتىلشى: حوۋ شياۋچىن) سىرتقى ىستەر مينيسترلىگىنىڭ مالىمدەمەشىسى حۋا چۇنيڭ 1 – ايدىڭ 14 – كۇنى وتكىزىلگەن كەزەكتى تىلشىلەردى قابىلداۋ جيىنىندا مىنانى ءبىلدىردى: جۇڭگونىڭ قاتىستى تاراۋلارى دەلونى زاڭ بويىنشا بىتىرەدى، جۇڭگو جاق كانادا ازاماتتارىن «قالاعانىنشا» قاماۋعا الدى دەگەن اتالمىش ايىپتاۋدىڭ ەشقانداي نەگىزى جوق.
ءتىلشى بىلاي دەپ سۇرادى: حابارعا قاراعاندا، كانادانىڭ پرەمەر مينيسترى ترۋدو 1 – ايدىڭ 11 – كۇنى: جۇڭگو جاق كانادانىڭ ەكى ازاماتىن «قالاعانىنشا ءارى ادىلەتسىزدىكپەن» قاماۋعا العان، مۇنىڭ ىشىندە كانادانىڭ بۇرىنعى ديپلوماتيالىق ءمانساپتىسى مايكەل كوبريكتىڭ قاماۋعا الىنۋى ديپلوماتيالىق تەكتەلمەۋ ۇقىعىنا قۇرمەت ەتپەگەندىك سانالادى. كانادا جاق قازىر وسى ءىس تۋرالى جۇڭگو جاقتىڭ مانساپتىلارىمەن جانە دۇنيە جۇزىندەگى سەرىكتەستەرىمەن بايلانىس جاساۋدا، بارلىق ەلدەر جۇمىستى كانادا سياقتى تىندىرۋى كەرەك، زاڭمەن باسقارۋعا ءارى ءادىليا جۇيەسىنىڭ تاۋەلسىز بولۋىنا قۇرمەت ەتۋى قاجەت، — دەگەن. جۇڭگو جاق بۇعان قانداي پىكىر بىلدىرەدى؟
حۋا چۇنيڭ: «مەن قاتىستى حاباردى كوردىم. جۇڭگونىڭ قاتىستى تاراۋالارى دەلونى زاڭ بويىنشا بىتىرەدى، جۇڭگو جاق كانادا ازاماتتارىن ‹قالاعانىنشا› قاماۋعا الدى دەگەن ايىپتاۋدىڭ ەشقانداي نەگىزى جوق. تەكتەلمەۋ ۇقىعى جونىندە ايتساق، مەن كانادا جاقتىڭ قاتىستى ادامدارىنا، پوزيتسيا بىلدىرۋدەن بۇرىن الدىمەن «ۆەنا ديپلوماتيالىق قارىم – قاتىناس شارتى» مەن حالىقارالىق زاڭدى مۇقيات ۇيرەنۋ جانە زەرتتەۋ جونىندە كەڭەس بەرەمىن، ايتپەگەندە، ايتقان ءسوزى قاراماققا دۇرىس سياقتانعانىمەن، ءىس جۇزىندە قاتە، ەل الدىندا ماسقارا بولادى»، — دەدى.
حۋا چۇنيڭ مىنانى ءبىلدىردى: مەيلى قانداي تۇرعىدان قاراساق تا، مايكەل كوبريك «ۆەنا ديپلوماتيالىق قارىم – قاتىناس شارتىندا» بەلگىلەنگەن ديپلوماتيالىق تەكتەلمەۋ ۇقىعىنا يە ەمەس. مايكەل كوبريك قازىر ديپلوماتيالىق ءمانساپتى ەمەس. ول بۇل جولى جۇڭگوعا جەكەلىك پاسپورتىمەن، ساۋدالىق ۆيزامەن كەلگەن، جۇڭگونىڭ مەملەكەت حاۋىپسىزدىگىنە زيان جەتكىزەتىن قيمىلمەن شۇعىلدانۋ كۇمانىن تۋدىرعاندىقتان، جۇڭگو جاقتىڭ قاتىستى مەملەكەتتىك حاۋىپسىزدىك ورگاندارى زاڭ بويىنشا ماجبۇرلەۋ شاراسىن اتقارعان، «ۆەنا ديپلوماتيالىق قارىم – قاتىناس شارتى» جانە حالىقارالىق زاڭ بويىنشا، ول تەكتەلمەۋ ۇقىعىنان يگىلىكتەنبەيدى.
حۋا چۇنيڭ: «كانادا جاقتىڭ بارلىق مەملەكەتتەر ءادىليانىڭ تاۋەلسىزدىگىنە قۇرمەت ەتۋى قاجەت دەگەن ءپاتۋاسىنا كەلسەك، كانادا جاق الدىمەن ءىس جۇزىندىك ارەكەتى ارقىلى ءوزىنىڭ ءادىليا سالاسىنىڭ تاۋەلسىز ەكەنىن دالەلدەسىن»، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
