شي جينپيڭ فينلانديانىڭ پرەزيدەنتى نينيستومەن كەڭەس وتكىزدى
2019.01.15 16:04 كەلۋ قاينارى : حالىق تورابى
«حالىق گازەتى»، 1 – ايدىڭ 14 - كۇنى، بەيجيڭ (ءتىلشى دۋ ي - فەي). مەملەكەت ءتوراعاسى شي جينپيڭ 1 - ايدىڭ 14 - كۇنى حالىق سارايىندا فينلانديانىڭ پرەزيدەنتى نينيستومەن كەڭەس وتكىزدى. ەكى ەل باسشىلارى جۇڭگو - فينلانديا قاتىناسىن دامىتۋدىڭ تىڭ پاراعىن اشۋدى ءبىر اۋىزدان ماقۇلدادى. جۇڭگو ەسكىشە كالەندەردىڭ جاڭا جىلىن قارسى العالى وتىرعان ساتتە شي جينپيڭ نينيستوعا جانە فينلانديا حالقىنا كوكتەم مەرەكەسى بايلانىسىمەن ىزگى تىلەك ايتتى. شي جينپيڭ بىلاي دەپ اتاپ كورسەتتى: جۇڭگو - فينلانديا قاتىناسىنىڭ نەگىزگى اۋەنى بولاشاققا بەتتەگەن جاڭاشا سەلبەستىك ارىپتەستىك قاتىناس ورناتۋ جانە ونى دامىتۋ بولىپ تابىلادى. جۇڭگو مەن فينلانديا قاتىناسىنىڭ بەلسەندى دامۋى ەكى ەل حالىقتارىنا ناقتى پايدا جەتكىزەدى. مەن پرەزيدەنت مىرزامەن قول ۇستاسا قۇلشىنىپ، جۇڭگو - فينلانديا قاتىناسىن دامىتۋدىڭ جاڭا پاراعىن اشۋعا كۇش قوسۋعا پەيىلمىن.
شي جينپيڭ بىلاي دەپ اتاپ كورسەتتى: جۇڭگو - فينلانديا ەلدەرى ءوزارا قۇرمەتتەۋدە، ءوزارا سەنىم ارتۋدا تاباندى بولۋى، اشىق ۇستالعان كەڭ پەيىل پوزيتسيادا بولۋى، ءارقايسىسىنىڭ تاڭداعان دامۋ جولىنا قۇرمەت ەتۋى، ءارقايسىسىنىڭ كوكەيىندەگى وزەكتى مۇددەلەرىنە قارايلاسۋى، جۇڭگو - فينلانديا قاتىناسىنىڭ ساياسي نەگىزىن قورعاۋى، جۇڭگو - فينلانديا قاتىناسىنىڭ ورنىقتى قاداممەن باياندى ىلگەرىلەۋىن جەبەۋى كەرەك. جۇڭگو فينلانديانىڭ «ءبىر بەلدەۋ، ءبىر جول» دارىپتەمەسىن قولداعانىن القايدى، فينلانديامەن «ءبىر بەلدەۋ، ءبىر جول» سەلبەستىگىن تەرەڭدەتۋدى قالايدى. جۇڭگو - ەۆروپا كەزەكشى پويەزى قاتارلىلار بارىسىندا تۋىنداعان قولايلى شارت - جاعدايدان تولىق پايدالانىپ، قوس باعىتتى ساۋدانى جەبەۋ، 3 - جاقپەن سەلبەستىك ورىستەتۋ، سولتۇستىك ۇيەك تەڭىز جولىن اشۋ قاتارلى نىساندارداعى سەلبەستىك ورايلارىن جاراتۋعا ىزدەنىس جاساۋ، «تەڭىزدەگى جىبەك جولىن» ورتاق قۇرىپ، ازيا ـ ەۆروپا ۇلى قۇرلىعىنىڭ جالپى بەتتىك قاتىناسىن جەبەۋ كەرەك. گۋمانيتارلىق اۋىس - كۇيىستى كۇشەيتۋ كەرەك. پرەزيدەنت مىرزا ەكەۋىمىز «2019 - جىلعى جۇڭگو - فينلانديا قىسقى سپورت جىلىن» بىرگە باستاعالى وتىرمىز، ەكى جاقتىڭ قىسقى سپورت قيمىلى سەلبەستىگىنىڭ ۇلگىسىن قول ۇستاسا وتىرىپ بىرگە جاراتۋىن ءۇمىت ەتەمىن. دۇنيە ءجۇزىن جونگە سالۋ رەفورماسىن ورتاق ىلگەرىلەتۋ، حالىقارالىق ىستەردەگى سەلبەستىكتى كۇشەيتۋ، اشىق ۇستالعان دۇنيە ءجۇزى شارۋاشىلىعىن قۇرۋدى ىلگەرىلەتۋ، كوپ جاقتى ەركىن ساۋدا ءتۇزىلىسىن قورعاۋ، كىليمات وزگەرىسىنە توتەپ بەرۋ جايىنداعى «پاريج كەلىسىمىن» تياناقتاندىرۋ، دۇنيە ءجۇزى ەكونوميكاسىنىڭ تەبىندى، ۇلاسپالى، بارابار جانە سيىسىمدى دامۋىن جەبەۋ كەرەك. جۇڭگو فينلانديامەن سولتۇستىك ۇيەك كەڭەسى جۇلگەسىندە سەلبەستىك ورىستەتىپ، سولتۇستىك ۇيەك ءوڭىرىنىڭ ۇلاسپالى دامۋىن بىرگە جەبەۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
