ادام كۇشى بايلىعى جانە قوعامدىق قامتاماسىزداندىرۋ مينيسترلىگى: قۋزاۋشىلىق ناتيجەسىندە قازىرگە دەيىن شارۋا جۇمىسكەرلەردىڭ 5 ميلليارد 700 ميلليون يۋان ەڭبەكاقىسى تاراتىپ بەرىلدى
2019.01.21 16:03 كەلۋ قاينارى : حالىق تورابى
«حالىق گازەتى»، 1 – ايدىڭ 20 - كۇنى، بەيجيڭ (ءتىلشى لي شينپيڭ). تاياۋدا وتكىزىلگەن مەملەكەتتىك كەڭەستىڭ ساياساتتى، كەزەكتى جاعدايدى حابارلاندىرۋ ماجىلىسىندە ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ورىنباسار مينيسترى چيۋ شياۋپيڭ تانىستىرىپ بىلاي دەدى: جەر – جەر بىلتىر 11 – ايدىڭ 1 – كۇنىنەن باستاپ شارۋا جۇمىسكەرلەردىڭ ەڭبەكاقىسىن تولەۋ جاعدايىنا قاراتا 100 كۇندىك ارناۋلى زاڭ اتقارۋ قىزمەتىن ورىستەتتى. قازىرگە دەيىن جەر – جەر شارۋا جۇمىسكەرلەردىڭ ەڭبەكاقىسىن كەشەۋىلدەتۋگە قاتىستى 280 مىڭ دەلونى تەكسەرىپ ءبىر جاقتى ەتىپ، 389 مىڭ شارۋا جۇمىسكەردىڭ 5 ميلليون 700 مىڭ يۋان ەڭبەكاقىسىن، مامىلەسىن تاراتقىزىپ بەردى.
ەندىگى 2 اپتادا قاراستى جەر مەن تاراۋدىڭ باقىلاپ – باسقارۋ جاۋاپكەرلىگى اناعۇرلىم كۇشەيتىلىپ، ەڭبەكاقىنى كەشەۋىلدەتۋدى جونگە سالۋ، تولەۋگە كەپىلدىك ەتۋ قىزمەتى بار كۇشپەن ويداعىداي ىستەلەدى. ۇكىمەت قارجى قوسقان ينجەنەريا نىسانىنداعى ينجەنەريا اقشاسىن كەشەۋىلدەتۋ سەبەبىنەن كەشىكتىرىلگەن ەڭبەكاقى ماسەلەسىنە قاراتا جەرگىلىكتى ۇكىمەتتىڭ شارۋا جۇمىسكەرلەردىڭ ەڭبەكاقىسىن دەرەۋ، ەڭ الدىمەن اداقتاپ تولەتىپ بەرۋىنە قۋزاۋشىلىق ەتىلەدى. باسقا كاسىپورىندار كەشەۋىلدەتكەن شارۋا جۇمىسكەرلەردىڭ ەڭبەكاقىسىنا قاراتا كوكتەم مەرەكەسىنەن بۇرىن شەشىپ بولۋعا بۇيىرىلادى. بۇيرىق بەرىلگەن سوڭ ماسەلەنى شەكتەۋلى ۋاقىتتا شەشپەگەندەر بولسا، زاڭ بويىنشا اۋىر جازا بەرىلەدى؛ ەڭبەكاقىنى كەشەۋىلدەتۋدەگى «قارا تىزىمدىككە» ەنگىزۋ شارتىنا ۇيلەسسە، تۇگەلدەي ەنگىزىلەدى؛ قىلمىسقا سايعاندارى بولسا، قوعام حاۋىپسىزدىگى ورگانىنىڭ دەلو تۇرعىزىپ بارلاۋىنا ۋاعىندا تاپسىرىپ بەرىلىپ، شارۋا جۇمىسكەرلەردىڭ ەڭبەكاقىسىن الۋىنا، اۋىلدارىنا قايتىپ مەرەكەنى وتكىزۋلەرىنە قۇلشىنىس جاسالادى.
شارۋا جۇمىسكەرلەردىڭ ۇقىق – مۇددەسىن اناعۇرلىم قامتاماسىزداندىرۋ ءۇشىن، 5 جاقتاعى قىزمەت تۇيىندەپ ويداعىداي يگەرىلىپ، شارۋا جۇمىسكەرلەردىڭ ەڭبەكاقىسىن تولەپ بەرۋدى قامتاماسىزداندىرۋدىڭ باياندى مەحانيزمى ورناتىلادى، كەمەلدەندىرىلەدى.
ءبىرىنشى، جاۋاپكەرلىكتى تياناقتاندىرۋ يگەرىلەدى. شارۋا جۇمىسكەرلەردىڭ ەڭبەكاقىسىن تولەۋدى قامتاماسىزداندىرۋ قىزمەتىن باعالاۋدىڭ رولى اناعۇرلىم ساۋلەلەندىرىلىپ، ولكە دارەجەلى ۇكىمەتتى جىلدىق باعالاۋ كۇشەيتىلىپ، قاراستى جەر جاۋاپكەرلىگىنىڭ، تاراۋ جاۋاپكەرلىگىنىڭ تياناقتانۋ جاعدايى جانە قىزمەت ونىمدىلىگى كورنەكتىلەندىرە باعالانادى.
ەكىنشى، ماڭىزدى ءتۇيىندى جونگە سالۋ يگەرىلەدى. قۇرىلىس سالاسىندا شارۋا جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسى ءبىرشاما كورنەكتى بولۋ جاعدايىنا قاراتا ينجەنەريا اقىسىنا كەپىل بولۋ مەن جۇمىس ىستەۋ ەسەبىن ايىرۋ شاراسىن اتقارۋ تەزدەتىلىپ، ينجەنەريا اقىسىن كەشەۋىلدەتۋ ماسەلەسى ءونىمدى تەجەلەدى. سونىمەن بىرگە، تىركەلىپ كوتەرمەگە الۋ، زاڭعا قايشىلىق جاساپ ءبولىپ كوتەرمەگە الۋ، وتكەرمەلەپ كوتەرمەگە بەرۋ سياقتى كورنەكتى ماسەلەلەرگە قاراتا جونگە سالۋ تەبىنى اناعۇرلىم كۇشەيتىلەدى، قۇرىلىس جۇمىسشىلارىن ىستەتۋ ءتۇزىمى رەفورماسى تەزدەتىلەدى، قۇرىلىس جۇمىسشىلارىن بىرتە – بىرتە سەرىكتىكتەندىرە، ارنايىلاندىرا باسقارۋ بىرتىندەپ ىسكە اسىرىلادى.
ءۇشىنشى، ءتۇزىم قۇرىلىسى يگەرىلەدى. سالىنىپ جاتقان قۇرىلىستاعى نىساندى اتقارۋشى كاسىپورىننىڭ شارۋا جۇمىسكەرلەرمەن زاڭ بويىنشا ەڭبەك توقتامىن جاساسۋىنا قۋزاۋشىلىق ەتىلىپ، شارۋا جۇمىسكەرلەردى ناقتى اتى – ءجونى بويىنشا باسقارۋ جاپپاي اتقارىلادى. ءتورتىنشى، زاڭنىڭ اتقارىلۋىن تەكسەرۋ يگەرىلەدى. بەسىنشى، سەنىمنەن ايرىلعانداردى جازالاۋ يگەرىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
