شي جينپيڭ كامبودجانىڭ باس ءۋازىرى حۇنسەنمەن كەزدەستى
2019.01.22 16:28 كەلۋ قاينارى : حالىق تورابى
«حالىق گازەتى»، 1 – ايدىڭ 21 - كۇنى، بەيجيڭ (ءتىلشى جاۋ چىڭ). مەملەكەت ءتوراعاسى شي جينپيڭ 1 – ايدىڭ 21 – كۇنى دياۋيۇيتاي مەملەكەتتىك قوناق ۇيىندە كامبودجانىڭ باس ءۋازىرى حۇنسەنمەن كەزدەستى.
شي جينپيڭ حۇنسەننىڭ جۇڭگوعا رەسمي ساپارلاي كەلۋىن قارسى الدى. شي جينپيڭ بىلاي دەپ اتاپ كورسەتتى: بىلتىر ــ جۇڭگو مەن كامبودجانىڭ ديپلوماتيالىق قاتىناس ورناتقانىنىڭ 60 جىلدىعى، ەكى ەل قاتىناسى ورەلى دامۋدى جالعاستىرىپ كەلەدى. «ءبىر بەلدەۋ، ءبىر جولدى» بىرگە قۇرۋ ۇزدىكسىز تەرەڭدەۋدە، ناقتىلانۋدا. ەكى جاق وڭىرلىك جانە حالىقارالىق ىستەردە تىعىز پىكىرلەسىپ، سايكەسۋدە. قازىر جۇڭگو – كامبودجا قاتىناسى جاڭا دامۋ ورايىنا ءدوپ كەلۋدە. جۇڭگو كامبودجامەن بىرگە قۇلشىنىپ، جۇڭگو مەن كامبودجانىڭ ستراتەگيالىق مانگە يە تاعدىرلاس ورتاق تۇلعاسىن قۇرۋدى نىسانا ەتىپ، سەلبەستىكتىڭ ماڭىزدى تۇيىندەرىن اناعۇرلىم ايقىنداپ، دامۋ جوباسىن جاساپ، جۇڭگو – كامبودجا قاتىناسىنىڭ جاڭا ساتىعا كوتەرىلۋىن ىلگەرىلەتۋگە پەيىل.
شي جينپيڭ مىنالاردى دارىپتەدى: جۇڭگو كامبودجانىڭ ءوز جاعدايىنا ۇيلەسەتىن دامۋىن جولىمەن ءجۇرۋىن قولدايدى، باس ءۋازىر مىرزانىڭ باسشىلىعىندا كامبودجانىڭ مەملەكەتتى كوركەيتۋ ىستەرىندە، ءسوزسىز، جاڭا دا اناعۇرلىم زور تابىسقا قول جەتكىزەتىنىنە سەنەدى. جۇڭگو مەن كامبودجا قازىرگى نەگىزدە ساياسي، ەكونوميكا، حاۋىپسىزدىك، گۋمانيتارلىق سىندى 4 ۇلكەن سالاداعى سەلبەستىكتى تۇيىندەپ كۇشەيتۋى كەرەك. جوعارى جىكتەگىلەردىڭ بارىس – كەلىسىن جالعاستىرىپ، ەل باسقار تاجىريبەلەرىن الماستىرۋدى كۇشەيتىپ، ەكى ەلدىڭ ۇكىمەتتەرى، زاڭ شىعارۋ قۇرىلىمدارى، پارتيالارى، جەرگىلىكتى ورىندارى اراسىنداعى بارىس – كەلىستى كەڭەيتۋى، ب م ۇ، جۇڭگو – شىعىس ازيا وداعى، لانساڭ وزەنى – مەكونگ وزەنى سەلبەستىگى سياقتى مەحانيزمدەر ىشىندەگى پىكىرلەسۋدى، سەلبەسۋدى تەرەڭدەتۋى كەرەك. «ءبىر بەلدەۋ، ءبىر جول» دارىپتەمەسىن كامبودجانىڭ دامۋ ستراتەگياسىمەن ۇشتاسۋىن اناعۇرلىم تەزدەتىپ، قاتىناس، ءوندىرىس قۋاتى، ەنەرگيا، ساۋدا، حالىق تۇرمىسى سىندى 5 ۇلكەن سالاداعى سەلبەستىكتى ىلگەرىلەتۋ كەرەك. مادەنيەت، ساياحات، مادەني مۇرالاردى قورعاۋ جانە قالپىنا كەلتىرۋ، جاستار سياقتى اۋىس – كۇيىس سەلبەستىگىن كۇشەيتىپ، زاڭ اتقارۋ، حاۋىپسىزدىك سەلبەستىگىن تەرەڭدەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
