شي جينپيڭ مەن حانىمى پىڭ لييۋان لي جۋيۇڭمەن كەزدەستى ءارى چاۋشيان دوستىق كوركەمونەر ۇيىرمەسىنىڭ كونسەرتىن تاماشالادى
ۋاڭ حۋنيڭ كەزدەسۋدە جانە كونسەرتتە بىرگە بولدى
2019.01.28 16:42 كەلۋ قاينارى : حالىق تورابى
شينحۋا اگەنتتىگى، 1 – ايدىڭ 27 - كۇنى، بەيجيڭ (تىلشىلەر لي جۇڭفا، پان جيە). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ جانە ونىڭ حانىمى پىڭ لييۋان 1 - ايدىڭ 27 - كۇنى بەيجيڭدە چاۋشيان ەڭبەك پارتياسى ورتالىق كوميتەت ساياسي بيۋروسىنىڭ مۇشەسى، ورتالىق كوميتەت باستىعىنىڭ ورىنباسارى، حالىقارالىق ىستەر مينيسترى لي جۋيۇڭ باستاعان چاۋشيان دوستىق كوركەمونەر ۇيىرمەسىندەگىلەرمەن كەزدەستى.
شي جينپيڭ مەن پىڭ لييۋان چاۋشيان دوستىق كوركەمونەر ۇيىرمەسىنىڭ جۇڭگوعا ساپارلاپ كونسەرت قويا كەلگەنىن قارسى الدى. شي جينپيڭ بىلاي دەپ اتاپ كورسەتتى: بۇل رەتكى كونسەرت قويۋ قيمىلى ــ جۇڭگو - چاۋشيان ەلدەرىنىڭ ماڭىزدى ورتاق تانىمىن تياناقتاندىرۋداعى ماڭىزدى مادەنيەت اۋىس - كۇيىس قيمىلى ءارى جۇڭگو مەن چاۋشياننىڭ ديپلوماتيالىق قاتىناس ورناتقانىنا 70 جىل تولعانىن قۇتتىقتاۋدعى ماڭىزدى قيمىل. كونسەرتتىڭ تولىق تابىستى بولىپ، جۇڭگو - چاۋشيان حالىقتارىنىڭ دوستىق كوڭىلدەرىن توعىستىرا تۇسەتىنىنە سەنەمىن.
لي جۋيۇڭ ەڭ اۋەلى كوميتەت باستىعى كيم جوڭ - ۇننىڭ جانە لي شۋەجۋ حانىمنىڭ باس شۋجي شي جينپيڭگە جانە پىڭ لييۋان حانىمعا ىقىلاستى سالەمى مەن ىزگى تىلەگىن جەتكىزە كەلىپ، باس شۋجي شي جينپيڭنىڭ دوستىق كوركەمونەر ۇيىرمەسىنىڭ بۇل رەت جۇڭگوعا ساپارلاي كونسەرت قويۋىنا كوڭىل بولگەنىنە جانە ءمان بەرگەنىنە شىن جۇرەكتەن العىس ايتتى.
شي جينپيڭ لي جۋيۇڭعا ءوزىنىڭ كوميتەت باستىعى كيم جوڭ - ۇنعا جانە لي شۋەجۋ حانىمعا ىقىلاستى سالەمى مەن ىزگى تىلەگىن جەتكىزىپ قويۋدى تابىستادى. ول بىلاي دەپ اتاپ كورسەتتى: 2018 - جىلدان بەرى مەن كوميتەت باستىعى كيم جوڭ - ۇنمەن 4 رەت كەزدەسىپ، جاڭا داۋىردەگى جۇڭگو - چاۋشيان پارتيالارى مەن ەلدەرىنىڭ قاتىناسىن دامىتۋ جونىندە ماڭىزدى ورتاق تانىمعا كەلدىك. بيىل جۇڭگو مەن چاۋشياننىڭ ديپلوماتيالىق قاتىناس ورناتقانىنا 70 جىل تولادى. جۇڭگو چاۋشيانمەن بىرگە قۇلشىنىپ، ەكى جاقتىڭ ماڭىزدى ورتاق تانىمىن تياناقتاندىرىپ، ەكى ەل حالقىنا ءتىپتى دە مول باقىت جاراتىپ، ءوڭىردىڭ جانە دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا، كوركەيۋىنە بەلسەنە ۇلەس قوسۋدى قالايدى.
شي جينپيڭ مىنالاردى دارىپتەدى: مادەنيەت – كوركەمونەر اۋىس – كۇيىسى ــ جۇڭگو – چاۋشيان قاتىناسىنىڭ باي ەرەكشەلىككە يە، ماڭىزدى، ءداستۇرلى قۇرامداس بولەگى. ەكى جاقتىڭ بىرگە قۇلشىنىپ، كوميتەت باستىعى كيم جوڭ – ۇن ەكەۋىمىز كەلىسكەن جۇڭگو مەن چاۋشياننىڭ مادەنيەت – كوركەمونەر سالاسىنداعى اۋىس – كۇيىس سەلبەستىگىن كۇشەيتۋ جونىندەگى ماڭىزدى ورتاق تانىمدى تياناقتاندىرىپ، جۇڭگو مەن چاۋشياننىڭ حالىق تىلەگى نەگىزىن ۇزبەي بەكەمدەپ، جۇڭگو مەن چاۋشياننىڭ ءداستۇرلى دوستىعىنا مۇراگەرلىك ەتىپ، ءوز ەلدەرىمىزدىڭ سوتسياليستىك مادەنيەت قۇرىلىسىنا بەلسەندى ۇلەس قوسۋدى ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
