زور ورايدى يگەرىپ، ۇلكەن شىعاناق رايونىن ويداعىداي قۇرايىق
«حالىق گازەتىنىڭ» شولۋشىسى
2019.02.19 16:53 كەلۋ قاينارى : حالىق تورابى
«جۋجياڭ اتىراۋى» جوباسى تىڭعىلىقتى جاسالىپ، گۋاڭدۇڭ، شياڭگاڭ، اۋمىننىڭ سەلبەستىكتى تەرەڭدەتۋىنە جاڭا وراي جاراتىلدى. گۋاڭدۇڭ، شياڭگاڭ، اۋمىن ۇلكەن شىعاناق رايونىن قۇرۋ − باس شۋجي شي جينپيڭ قول سالىپ جوبالاعان، تىكەلەي ورنالاستىرۋ جاساعان، تىكەلەي ىلگەرىلەتكەن مەملەكەتتىك ستراتەگيا، جاڭا داۋىردە جاپپاي ەسىك اشۋ جاڭا جاعدايىنىڭ قالىپتاسۋىن ىلگەرىلەتۋدەگى جاڭا شارا، سونداي – اق «ءبىر ەل، ەكى ءتۇزىم» ىستەرىنىڭ دامۋىن ىلگەرىلەتۋدىڭ جاڭا امالياتى. «گۋاڭدۇڭ، شياڭگاڭ، اۋمىن ۇلكەن شىعاناق رايونىن دامىتۋدىڭ جوسپار باعدارلاماسى» رەسمي اشىق جاريالاندى، باعدارلامالىق وسى قۇجاتتا گۋاڭدۇڭ، شياڭگاڭ، اۋمىن ۇلكەن شىعاناق رايونىنىڭ ستراتەگيالىق ورنى، دامۋ نىساناسى، كەڭىستىك اياسى سياقتى جاقتارى جاپپاي جوبالاندى، وراسان زور ومىرشەڭدىك كۇشكە جانە حالىقارالىق باسەكەلىك قۋاتقا يە الدىڭعى قاتارداعى شىعاناق رايونى جانە دۇنيە جۇزىلىك دارەجەدەگى قالالار شوعىرى قاجىماي – تالماي قۇلشىنۋ بارىسىندا بىرتىندەپ امالياتقا اينالاتىن بولادى.
گۋاڭدۇڭ، شياڭگاڭ، اۋمىن ۇلكەن شىعاناق رايونىن قۇرۋ − جالپى جاعدايدى جانە ۇزاق بولاشاقتىق دامۋدى تياناق ەتۋ نەگىزىندە شىعارىلعان كەلەلى جوسپار. ەلىمىزدەگى ەسىك اشۋ ورەسى ەڭ جوعارى، ەكونوميكالىق ومىرشەڭدىك قۋاتى ەڭ مىعىم رايونداردىڭ ءبىرى رەتىندە گۋاڭدۇڭ، شياڭگاڭ، اۋمىن ۇلكەن شىعاناق رايونى مەملەكەتتى دامىتۋدىڭ جالپى جاعدايىندا ماڭىزدى ستراتەگيالىق ورىنعا يە. 40 جىل رەفورما جاساپ، ەسىك اشۋ ارقىلى گۋاڭدۇڭ، شياڭگاڭ، اۋمىن ۇلكەن شىعاناق رايونى ەكونوميكالىق قۋاتىن، وڭىرلىك باسەكەلىك قۋاتىن كورنەكتى نىعايتىپ، حالىقارا بويىنشا الدىڭعى قاتارداعى شىعاناق رايونىن جانە دۇنيە جۇزىلىك دارەجەدەگى قالالار شوعىرىن قۇرۋعا نەگىزدىك شارت – جاعداي ازىرلەپ بولدى. جوسپار باعدارلاماسى بويىنشا، گۋاڭدۇڭ، شياڭگاڭ، اۋمىن ۇلكەن شىعاناق رايونى ومىرشەڭدىك قۋاتقا تولى دۇنيە جۇزىلىك دارەجەدەگى قالالار شوعىرىن، حالىقارا بويىنشا عىلىم – تەحنيكادا جاڭالىق جاراتۋ ورتالىعىن، «ءبىر بەلدەۋ، ءبىر جول» قۇرىلىسىنىڭ ماڭىزدى تىرەگىن، ىشكى ولكەلەر مەن شياڭگاڭ، اۋمىننىڭ ىشكەرىلەي سەلبەستىك جاساۋىنىڭ ۇلگى رايونىن قۇرىپ قانا قالماستان، قونىستانۋعا، كاسىپپەن شۇعىلدانۋعا، ساياحاتتاۋعا قولايلى ساپالى تۇرمىس شەڭبەرىن قالىپتاستىرىپ، ساپالى دامۋدىڭ تيبىنە اينالۋى كەرەك. گۋاڭدۇڭ، شياڭگاڭ، اۋمىن ۇلكەن شىعاناق رايونى قۇرىلىسىن ىلگەرىلەتۋ جاڭا دامۋ تانىمىن دايەكتى تياناقتاندىرىپ، ەلىمىز ەكونوميكاسىنىڭ جاسامپازدىق قۋاتى مەن باسەكەلىك قۋاتىن ۇزدىكسىز نىعايتۋدى تىرەكپەن قامداۋعا ءتيىمدى؛ رەفورمانى اناعۇرلىم تەرەڭدەتىپ، ەسىك اشۋدى ۇلعايتىپ، حالىقارامەن ۇشتاسقان اشىق ەكونوميكانىڭ جاڭا جۇيەسىن ورناتىپ، حالىقارالىق ەكونوميكالىق سەلبەستىككە جوعارى دەڭگەيدە قاتىناسۋدىڭ جاڭا تەكشەسىن ورناتۋعا ءتيىمدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
