ورتالىقتىڭ 1 – ءنومىرلى قۇجاتىندا نازار اۋىل شارۋاشىلىعى، اۋىل – قىستاق، شارۋالار ىسىنە شوعىرلاندىرىلدى –
اۋىل – قىستاقتىڭ گۇلدەنۋىن ىلگەرىلەتۋدە جىل سايىن جاڭا بەينە جارىققا شىقتى (بەدەلدى ورىننان الىنعان حابار)
2019.02.21 18:54 كەلۋ قاينارى : حالىق تورابى
«حالىق گازەتى»، 2 – ايدىڭ 20 – كۇنى، بەيجيڭ (ءتىلشى جۋ جۋان). بيىل جاڭا عاسىردان بەرگى ورتالىقتىڭ 1 – ءنومىرلى قۇجاتىندا ءۇرتىس 16 – جىل «اۋىل شارۋاشىلىعى، اۋىل – قىستاق، شارۋالار» ماسەلەسى شوعىرلاندىرىلدى، قۇجاتتا جاپپاي دوڭگەلەك داۋلەتتى قوعام قۇرۋدا «اۋىل شارۋاشىلىعى، اۋىل – قىستاق، شارۋالار» قىزمەتىن، ءسوزسىز، ورىنداۋعا ءتيىستى مىندەت نىساناسى ەتىپ، «اۋىل شارۋاشىلىعى، اۋىل – قىستاق، شارۋالار» قىزمەتىن ويداعىداي ىستەۋ جونىنەن جاپپاي ورنالاستىرۋلار جاسالدى. 2 – ايدىڭ 20 – كۇنى مەملەكەتتىك كەڭەستىڭ اقپارات كەڭسەسى وتكىزگەن اقپار جاريالاۋ ماجىلىسىندە، ورتالىق اۋىل – قىستاق قىزمەتىنە باسشىلىق ەتۋ گرۋپپاسى كەڭسەسىنىڭ مەڭگەرۋشىسى، اۋىل شارۋاشىلىعى، اۋىل – قىستاق مينيسترلىگىنىڭ ورىنباسار مينيسترى حان چاڭفۋ بىلاي دەدى: «اۋىل – قىستاقتى گۇلدەندىرۋ ستراتەگياسىندا ايقىن بەلگىلەنگەن ۋاقىت كەستەسىن، باعىت جوباسى مەن مىندەتتەردى اتقارۋدى توڭىرەكتەپ، كەزەڭدىك مىندەت شارالارىن تۇرلەر بويىنشا ايقىن بەلگىلەپ، اۋىل – قىستاقتىڭ گۇلدەنۋىن ىلگەرىلەتۋدە جىل سايىن جاڭا بەينەنى جارىققا شىعارىپ، شارۋالاردىڭ باقىت سەزىمى مەن تابىس سەزىمى ۇزدىكسىز كۇشەيتىلەدى».
ءسوزسىز ورىندالاتىن مىندەتتى تۇسىندىرگەندە، حان چاڭفۋ مىنالاردى اتاپ ءوتتى: «كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ – جاپپاي دوڭگەلەك داۋلەتتى قوعام قۇرۋداعى ەڭ ۇلكەن مىندەت، ول بارىنەن كەلەلى، بارىنەن شۇعىل. استىق ءوندىرىسىن جاقسى ۇستاۋ – باستان – اياق اۋىل شارۋاشىلىعى، اۋىل – قىستاق قىزمەتىنىڭ ماڭداي الدى ءىرى ءىسى جانە باستى مىندەتى». ول بىلاي دەدى: «بيىلعى 1 – ءنومىرلى قۇجاتتا اۋىل شارۋاشىلىعىنا ءمان بەرىپ، استىق ءوندىرىسىن مىقتى ۇستاۋ جونىنەن سيگنال تاراتىلدى، بۇندا ەگىس كولەمى، ءونىم مولشەرى، ساياسات ورنىقتىرىلادى. استىق ءوندىرىسىن ءبىر ميلليارد 650 ميلليون مۋ كولەمىندە ورنىقتىرۋعا كەپىلدىك ەتىپ، استىق وندىرىسىنە قولداۋ كورسەتەتىن ساياساتتىق شارالار كەمەلدەندىرىلەدى».
بيىل جاڭا ءبىر كەزەكتى اۋىل – قىستاق رەفورماسىنىڭ تۇڭعىش جىلى. حان چاڭفۋ بىلاي دەدى: «شارۋالار مەن جەردىڭ بايلانىسىن ويداعىداي ءبىر جاقتى ەتۋ اۋەلگىسىندەي اۋىل – قىستاق رەفورماسىن تەرەڭدەتۋدىڭ نەگىزگى جەلىسى بولىپ، جەر ءتۇزىمى رەفورماسىنىڭ جەتەكشىلىك ەتۋىمەن اۋىل – قىستاق رەفورماسى ىلگەرىلەتىلەدى». ول تانىستىرىپ بىلاي دەدى: «كەزەكتە كوتەرمەگە العان جەردىڭ ۇقىعىن تۇراقتاندىرىپ كۋالىك تاراتۋ قىزمەتى نەگىزىنەن ورىندالىپ بولدى، اۋىل – قىستاقتارداعى تۇرعىن ۇيلىك جەرلەر مەن شارۋالار ءۇيىن تەكسەرۋ قىزمەتى ورىستەتىلۋدە، 2020 – جىلى تۇرعىن ۇيلىك جەرلەردىڭ پايدالانۋ ۇقىعىن تۇراقتاندىرىپ كۋالىك تاراتۋ قىزمەتى نەگىزىنەن تامامدالادى». «اۋىل – قىستاق جەر ءتۇزىمى رەفورماسى كەلەلى شارۋا، ءسوزسىز، ورنىقتى ىلگەرىلەتۋ كەرەك. اۋىل – قىستاق جەرىنىڭ كوللەكتيۆ مەنشىگىنە تاباندى بولۋ كەرەك، ونى جەكەشەلەندىرۋگە بولمايدى، ەگىستىك جەردى ەگىستىككە پايدالانۋعا تاباندى بولىپ، باسقاعا ىستەتۋدىڭ الدىن الۋ كەرەك، شارۋالاردىڭ جەر ۇقىعىن قامتاماسىزداندىرۋعا تاباندى بولىپ، جەردى كوتەرمەگە الۋدان شەگىنىپ شىعۋ جانە قورا – جايلىق جەردى قالا كىرىپ نوپوسقا ورنالاسۋدىڭ شارتى ەتۋگە بولمايدى، وسى تومەنگە شەكتەن اۋىتقۋعا بولمايدى».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
