بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

استىق ءوندىرىسىن بوساڭسىتۋعا بولمايدى (ساياساتتىق تۇسىنىك، نازاردى ورتالىقتىڭ 1 – ءنومىرلى قۇجاتىنا شوعىرلاندىرۋ ① )

2019.02.21 18:56     كەلۋ قاينارى : حالىق تورابى

  ورتالىقتىڭ بيىلعى 1 – ءنومىرلى قۇجاتىندا، استىق ءوندىرىسىن تيتتەيدە بوساڭسىتۋعا بولمايتىندىعى اتاپ كورسەتىلدى. جاپپاي دوڭگەلەك داۋلەتتى قوعام قۇرۋدىڭ مىندەت نىساناسى رەتىندە استىق ءوندىرىسىن ورنىقتىرۋ بيىلعى اۋىل شارۋاشىلىعى، اۋىل – قىستاق قىزمەتىنىڭ ماڭداي الدى كەلەلى شارۋاسى سانالدى.


  وتكەن ءبىر جىلدا ەلىمىزدىڭ جالپى استىق ءوندىرىس مولشەرى ءبىر تريلليون 315 ميلليارد 800 ميلليون جىڭعا جەتىپ، استىقتان مول ءونىم الىندى. بۇل ەلىمىزدىڭ 2012 – جىلدان بەرى استىق وندىرىسىندە جالعاستى 7 – جىل ءبىر تريلليون 200 ميلليارد جىڭنان جوعارى ورىندا ورنىقتى تۇرعاندىعىن كورسەتىپ، ەلىمىز استىق ءوندىرىسىنىڭ جاڭا ساتىعا كوتەرىلگەندىگىن ۇعىندىردى. جۇڭگو بۇكىل الەمنىڭ ٪9 ەگىستىك جەرىن، ٪6.4 تۇششى سۋ بايلىعىن پايدالانىپ، الەمدەگى ٪20 كە تاياۋ ادامنىڭ ىشەر اس ماسەلەسىن شەشىم ەتىپ وتىر. ب م ۇ استىق جانە اۋىل شارۋاشىلىعى ۇيىمىنىڭ باس ءىس اتقارۋشىسى گرازيانودا سيلۆا جۇڭگونىڭ استىق وندىرىسىندە قول جەتكىزگەن جەتىستىكتەرىن ماقتاپ بىلاي دەدى: «جۇڭگونىڭ بۇكىل الەمگە قوسقان ەڭ نەگىزگى ۇلەسى ءوز مەملەكەتىنىڭ حالىق سانىن باعىپ كەتە الۋىندا تۇر. جۇڭگو استىق وندىرىسىندە زور مولشەردە ارتۋدى جۇزەگە اسىرىپ، جۇڭگو ءوزىن – ءوزى اسىراي المايدى دەگەن بىلجىراقتىڭ بىت – شىتىن شىعاردى».


  ساياساتتى ورنىقتىرۋدى ءتۇزىمدى كۇشەيتۋمەن قامداۋ كەرەك. ورتالىقتىڭ 1 – ءنومىرلى قۇجاتىندا مىنالار ورتاعا قويىلدى: استىق وندىرىسىنە قولداۋ كورسەتەتىن ساياساتتىق شارالاردى ورنىقتى كەمەلدەندىرىپ، سورتتاردى جەتىلدىرۋ، تەحنيكادا جاڭالىق اشۋ، اپات زيانىن ازايتۋ سىندى ءونىم مولشەرىن ورنىقتىرىپ، مولشەرىن ارتتىرۋ ارقىلى شارۋالاردىڭ استىق ەگۋ نەگىزىندە پايدا الۋى قامتاماسىزداندىرىلادى. نەگىزگى استىق ءوندىرىس رايوندارىنىڭ ابزالدىلىعىن ساۋلەلەندىرىپ، استىق ءوندىرىس رايوندارىنا مۇددەلىك تولىقتاما بەرۋ مەحانيزمىن، استىق ءوندىرىسى ءىرى اۋداندارىن سيلاپ – ماراپاتتاۋ ساياساتىن كەمەلدەندىرەدى. كەزەكتە اۋىل شارۋاشىلىعى وندىرىسىنە ساياساتتىق قولداۋ كورسەتۋ تەبىنى مەن ساياساتتىق سيگنال بەرۋ ءۇرتىس كۇشەيتىلۋدە. مەملەكەت ءبيداي، كۇرىشتىڭ ەڭ تومەنگى ساتىپ الۋ باعا ساياساتىن جالعاستى جۇرگىزىپ، ساتىپ الۋ باعاسىن نەگىزىنەن ورنىقتى ساقتادى. مەملەكەت بورمي، سويا بۇرشاق ەگۋشىلەرگە تولىقتاما بەرۋ ساياساتىن كەمەلدەندىرىپ، اۋىل شارۋاشىلىعى سەنىمدى قارىزىن، قامسىزداندىرۋ سياقتى قولداۋ كورسەتۋ ساياساتىن كۇشەيتتى.


  ەگىس كولەمىن ورنىقتىرۋدا نەگىزگى ەگىس اتىزدارى، استىق ەگىلەتىن جەر كولەمى ورنىقتىرىلادى. ورتالىقتىڭ 1 – ءنومىرلى قۇجاتىندا مىنالار ورتاعا قويىلدى: ءبىر تريلليون 800 ميلليارد مۋ ەگىستىك جەرگە كەپىلدىك ەتىپ، ماڭگىلىك نەگىزگى ەگىس اتىزدارىن ەرەكشە قورعاۋ ءتۇزىمى جاپپاي تياناقتاندىرىلىپ، ماڭگىلىك نەگىزگى ەگىس اتىزى كولەمىنىڭ ءبىر تريلليون 546 ميلليارد مۋدان جوعارى بولۋىنا، ءبىر تريلليون 650 ميلليارد مۋلىق استىق ەگىلەتىن جەردىڭ ورنىقتى بولۋىنا كەپىلدىك ەتىلەدى. كەزەكتەگى بۇكىل ەلدىڭ استىق جاعدايىنا تەكسەرۋ جۇرگىزۋدەن كوز جىبەرگەندە، استىق ءوندىرىس كولەمى ورنىقتى كۇيىن ساقتاۋدا.


  ءونىم مولشەرىن ورنىقتىرۋدا استىق جانە نەگىزگى اۋىل شارۋاشىلىق ونىمدەرىمەن قامداۋعا كەپىلدىك ەتۋ ءتۇيىن ەتىلەدى. ورتالىقتىڭ 1 – ءنومىرلى قۇجاتىندا مىنالار ورتاعا قويىلدى: اۋىل شارۋاشىلىعى نەگىزىن بەكەمدەپ، نەگىزگى اۋىل شارۋاشىلىق ونىمدەرىمەن ءونىمدى قامداۋ قامتاماسىزداندىرىلادى. ءبىر ميللياردتان استام حالىقتىڭ ىشەر اس ماسەلەسىن ويداعىداي شەشىم ەتۋ باستان – اياق مەملەكەت شارۋاشىلىعى مەن حالىق تۇرمىسىنا شاتىلاتىن ماڭىزدى ماسەلە. نەگىزگى اۋىل شارۋاشىلىعى ونىمدەرىمەن قامتاماسىزداندىرۋ ستراتەگياسىن اتقارۋدا جوعارى ورەلى جوبالاۋ مەن جۇيەسىن جوسپارلاۋدى كۇشەيتۋ كەرەك. كۇرىش پەن ءبيدايدى، ءسوزسىز، قورعالاتىن داقىل ەتىپ، استىقپەن ءوزىن – ءوزى قامداۋعا، استىق حاۋىپسىزدىگىنە كەپىلدىك ەتۋ كەرەك.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار