9 تاراۋ: تۋىتتان شەكتەلۋدى ايەل جۇمىسشى - قىزمەتشى قابىلداۋدىڭ شارتى ەتۋگە بولمايدى
2019.02.22 14:48 كەلۋ قاينارى : حالىق تورابى
جۇڭگو اقپارات تورابى، 2 – ايدىڭ 21 - كۇنى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى توراپ بەكەتىنىڭ حابارىنا قاراعاندا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، وقۋ – اعارتۋ مينيسترلىگى قاتارلى 9 تاراۋ تاياۋدا «قىزمەتكەر قابىلداۋ ارەكەتىن اناعۇرلىم ارناعا ءتۇسىرىپ، ايەلدەردىڭ كاسىپتەنۋىن جەبەۋ جونىندەگى ۇقتىرۋدى» باسىپ تاراتقان، «ۇقتىرۋدا» مىناۋ تالاپ ەتىلگەن: قىزمەتكەر قابىلداۋ بۋىنىندا جىنىس شەكتەمەسىن قويۋعا (مەملەكەت بەلگىلەگەن ايەل جۇمىسشى – قىزمەتشىلەردىڭ ىستەۋىنە شەك قويىلعان ەڭبەك كولەمى سياقتى جاعدايلاردان سىرت) نەمەسە جىنىس پارقىنا قاراپ الدىمەن قابىلداۋعا بولمايدى، جىنىس پارقىن سەبەپ ەتىپ ايەلدەردىڭ جۇمىس ىزدەۋىنە، كاسىپتەنۋىنە شەكتەۋ قويۋعا، ايەلدەردى قابىلداۋدان باس تارتۋعا بولمايدى، تۋىتتان شەكتەلۋدى قىزمەتكەر قابىلداۋدىڭ شارتى ەتۋگە بولمايدى، ت. ب.
ۇعىسۋعا قاراعاندا، «ۇقتىرۋدا» قىزمەتكەر قابىلداۋ بۋىنىنداعى جىنىستىق كەمسىتۋدىڭ ناقتى بەينەسى جونىندە اشالانعان بەلگىلەمە شىعارىلعان. ءار تۇردەگى ادام ىستەتۋشى ورىنداردا، ادام كۇشى بايلىعى قىزمەت وتەۋ قۇرىلىمدارىنان قىزمەتكەر قابىلداۋ جوسپارىن جاساعاندا، قىزمەتكەر قابىلداۋ ينفورماتسياسىن جاريالاعاندا، قىزمەتكەر قابىلداۋ بارىسىندا جىنىس شەكتەمەسىن قويۋعا (مەملەكەت بەلگىلەگەن ايەل جۇمىسشى – قىزمەتشىلەردىڭ ىستەۋىنە شەك قويىلعان ەڭبەك كولەمى سياقتى جاعدايلاردان سىرت) نەمەسە جىنىس پارقىنا قاراپ الدىمەن قابىلداۋعا بولمايتىنىن، جىنىس پارقىن سەبەپ ەتىپ ايەلدەردىڭ جۇمىس ىزدەۋىنە، كاسىپتەنۋىنە شەكتەۋ قويۋعا، ايەلدەردى قابىلداۋدان باس تارتۋعا بولمايتىنىن، ايەلدەردىڭ نەكەلەنۋ احۋالىن سۇراۋعا بولمايتىنىن، جۇكتى بولعان – بولماعانىن قىزمەتكەر قابىلداۋداعى دەنساۋلىق تەكسەرتۋ تۇرىنە قوسۋعا بولمايتىنىن، تۋىتتان شەكتەلۋدى قابىلداۋدىڭ شارتى ەتۋگە بولمايتىنىن، ايەلدەردى قابىلداۋ ولشەمىن پارىقتاندىرىپ جوعارىلاتۋعا بولمايتىنىن ايقىن تالاپ ەتكەن.
«ۇقتىرۋدا» ايەلدەردىڭ كاسىپتەنۋىن زور كۇشپەن قولداۋ تالاپ ەتىلىپ، مىنالار ورتاعا قويىلدى: ايەلدەردىڭ كاسىپتەنۋىنە قاراتىلعان كۋرس اشۋ قىزمەت وتەۋىن كۇشەيتىپ، 3 جاستان كىشى بالالاردى قاراۋ قىزمەت وتەۋىن دامىتىپ، باستاۋىش، ورتا مەكتەپتەردىڭ ساباقتان كەيىنگى قىزمەت وتەۋىن كۇشەيتىپ، تۋىت قامسىزداندىرۋى ءتۇزىمىن تياناقتاندىرىپ، ايەلدەردىڭ كاسىپتەنۋىنە تاماشا ورتا جانە شارت ازىرلەۋ كەرەك. زاڭنىڭ اتقارىلۋىن باقىلاۋدى كۇشەيتىپ، ايەل جۇمىسشى – قىزمەتشىلەردىڭ جۇكتىلىك، بوسانۋ، بالا ەمىزۋ كەزدەرىندەگى ۇقىعىن ەڭبەك جاعىنان ارنايى قورعاۋىنا سۇعاناقتىق جاساۋ ارەكەتتەرىن زاڭ بويىنشا جازالاۋ كەرەك. ايەلدەر مەن ادام ىستەتۋشى ورىن اراسىندا تۋىلعان ەڭبەك، كادرلار داۋ – شارى تورەلىگىنە قاراتا زاڭ بويىنشا ۋاعىندا جەدەل ءبىر جاقتى ەتۋ كەرەك. سونىمەن بىرگە، ۇگىتتى، جەتەكشىلىكتى بار كۇشپەن ورىستەتىپ، جىنىس جاعىنداعى سىڭار جاقتىلىقتى بىرتىندەپ جويىپ، تۇتاس قوعامنىڭ ايەلدەردى قۇرمەتتەۋىنە، ايالاۋىنا باستاماشىلىق ەتۋ، ادام ىستەتۋشى ورىنداردىڭ زاڭدى بىلۋىنە، زاڭعا بويسۇنۋىنا، ايەل قىزمەتكەرلەردى زاڭ بويىنشا قابىلداۋىنا جەتەكشىلىك ەتۋ، ايەلدەردى وزدەرىنىڭ زاڭدى ۇقىق – مۇددەسىن ۇيلەسىمدى قورعاۋىنە جەتەكشىلىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
