شي جينپيڭ ساياسي كەڭەس ماجىلىسىنە قاتىناسقان ادەبيەت - كوركەمونەر، قوعامدىق عىلىمدار سالاسىنداعى ۋاكىلدەرگە امانداسا بارعاندا مىنانى دارىپتەدى
مادەنيەت سەنىمىن بەكەمدەۋدە، ءداۋىر تىنىسىن ءدال يگەرۋدە، ءداۋىر ۇنىنە قۇلاق اسۋدا، حالىققا سارا تۋىندىلار ۇسىنۋدا، جارقىن ءمورال ارقىلى سالتقا باستاماشىلىق ەتۋدە تاباندى بولۋ كەرەك
ۋاڭ ياڭ امانداسۋ قيمىلىندا جانە تالقىدا بىرگە بولدى
2019.03.05 16:12 كەلۋ قاينارى : حالىق تورابى
■ جاڭا ءداۋىر ۇزدىك ادەبيەتشىلەردەن، كوركەمونەرشىلەردەن، نازارياشىلاردان ادەبيەت - كوركەمونەر جاسامپازدىعىندا، عىلمي زەرتتەۋدە جاڭالىق جاراتۋعا شەكسىز شالقار ءورىس اشىپ، مادەنيەت سەنىمىن بەكەمدەپ، ءداۋىر تىنىسىن ءدال يگەرىپ، ءداۋىر ۇنىنە قۇلاق اسىپ، داۋىرمەن بىرگە العا باسىپ، حالىقتى وزەك ەتىپ، حالىققا سارا تۋىندىلار ۇسىنىپ، جارقىن ءمورال ارقىلى سالتقا باستاماشىلىق ەتۋگە ۇندەيدى
■ ءبىر مەملەكەتتە، ءبىر ۇلتتا رۋح بولماسا بولمايدى مادەنيەت، ادەبيەت - كوركەمونەر قىزمەتى، فيلوسوفيا، قوعامدىق عىلىم قىزمەتى ءتۇبىر قالىپتاستىرىپ، رۋحتى سومداۋ قىزمەتىنە جاتادى، ول پارتيا مەن مەملەكەتتىڭ جالپى جاعداي قىزمەتىندە توتەنشە ماڭىزدى ورىندا تۇرادى، جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋدا توتەنشە ماڭىزدى رول اتقارادى.
■ جۇڭگوشا سوتسياليزم جاڭا داۋىرگە ءوتتى. كوپشىلىكتىڭ جاڭا داۋىرگە قالام تەربەۋ، جاڭا ءداۋىردى جازۋ، جاڭا ءداۋىردى جىرلاۋ بورىشىن ارقالاپ، ءداۋىر تاقىرىبىنا باتىلدىقپەن جاۋاپ قايتارىپ، وسى زامانعى جۇڭگونىڭ ۇلى جاسامپازدىعىنان تۆورچەستۆولىق سونى تاقىرىپتار تاۋىپ، جاڭالىق جاراتۋ شابىتتارىن تاسقىنداتىپ، ءداۋىرىمىزدىڭ تاريحي زور وزگەرىستەرىن تەرەڭ بەينەلەپ، ءداۋىرىمىزدىڭ رۋحاني كارتيناسىن سالىپ، ءداۋىرىمىزدى سۋرەتتەپ، ءداۋىرىمىزدىڭ ءومىر ەپوسىن ۇلاستىرۋىن، ءداۋىرىمىزدىڭ ءمورالىن ايگىلەۋىن ءۇمىت ەتەمىن.
شينحۋا اگەنتتىگى، 3 – ايدىڭ 4 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 4 - كۇنى تۇستەن كەيىن ساياسي كەڭەس مەملەتتىك 13 - كەزەكتى كوميتەتىنىڭ 2 – ماجىلىسىنە قاتىناسقان ادەبيەت - كوركەمونەر سالاسىنداعى، قوعامدىق عىلىمدار سالاسىنداعى مۇشەلەرگە امانداسا باردى ءارى بىرىككەن گرۋپپالار جيىنىنا قاتىناسىپ، پىكىر - ۇسىنىستاردى تىڭدادى. ول مىنالاردى دارىپتەدى: جاڭا ءداۋىر ۇزدىك ادەبيەتشىلەرگە، كوركەمونەرشىلەرگە، نازارياشىلارعا ادەبيەت - كوركەمونەر جاسامپازدىعىندا، عىلمي زەرتتەۋدە جاڭالىق جاراتۋعا شەكسىز شالقار ءورىس اشۋعا ۇندەۋدە. مادەنيەت سەنىمىن بەكەمدەپ، ءداۋىر تىنىسىن ءدال يگەرىپ، ءداۋىر ۇنىنە قۇلاق اسىپ، داۋىرمەن بىرگە العا باسىپ، حالىقتى وزەك ەتىپ، حالىققا سارا تۋىندىلار ۇسىنىپ، جارقىن ءمورال ارقىلى سالتقا باستاماشىلىق ەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ امانداسۋ قيمىلىنا جانە تالقىعا قاتىناستى.
بىرلەسكەن گرۋپپا جيىنىندا تيان چينشين، دىڭ چۇندۇڭ، چىن لي، ۋاڭ شۋەديان، ۋاڭ چۇنفا، لي داجين، فىڭ يۋانجىڭ، لي چيانگۋاڭ قاتارلى 8 مۇشە ادەبيەت - كوركەمونەردىڭ جاڭا شىڭىنا شىعۋ، جۇڭگوشا فيلوسوفيا، قوعامدىق عىلىمدار جۇيەسىن جەدەل قۇرۋ، حالىق ءۇشىن جاسامپازدىق جاراتۋدا تاباندى بولۋ، يدەيالوگيا سالاسىنداعى حاۋىپ - قاتەردەن ساقتانۋ جانە ونى شەشۋ، مۇراجايدىڭ رولىن ساۋلەلەندىرۋ، نەگىزگى ساتى ۇكىمەتتەرىنىڭ زاڭمەن باسقارۋ قۇرىلىسىن كۇشەيتۋ، كوركەمونەرگە مۇراگەرلىك ەتۋگە ءمان بەرۋ، ادەبيەت - كوركەمونەر ىستەرىندە دۇرىس باعىتتان جازباي جاڭالىق جاراتۋدى ىلگەرىلەتۋ قاتارلى تاقىرىپتار توڭىرەگىندە ءسوز سويلەدى.
شي جينپيڭ كوپشىلىكتىڭ ءسوزىن تىڭداعاننان كەيىن ءسوز سويلەدى. ول بىلاي دەدى: مەملەكەتتىك ساياسي كەڭەستىڭ ادەبيەت - كوركەمونەر سالاسىنداعى، قوعامدىق عىلىم سالاسىنداعى مۇشەلەرگە امانداسا كەلىپ، ۇسىنىس - پىكىرلەردى تىڭداپ توتەنشە قۋاندىم. ول ج ك پ ورتالىق كوميتەتى اتىنان بارلىق مۇشەلەرگە، مادەنيەت، ادەبيەت - كوركەمونەر قىزمەتكەرلەرىنە، فيلوسوفيا، قوعامدىق عىلىمدار قىزمەتكەرلەرىنە، ساياسي كەڭەس مۇشەلەرىنە شىن ىقىلاسپەن سالەم جولدادى.
شي جينپيڭ مىنالاردى دارىپتەدى : 2018 - جىل ەرەكشە ءبىر جىل بولدى. «ەكى 100 جىلدىق» كۇرەس نىساناسىن جۇزەگە اسىرۋ جولىندا ج ك پ ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ورنىقتىلىق بارىسىندا ىلگەرىلەۋ سىندى قىزمەت نەگىزگى باعىتىنان جازباي، ەلىمىز ەكونوميكاسىنىڭ ارتۋىن ۇيلەسىمدى ارالىقتا ساقتادى، قوعامدىق جالپى جاعداي ورنىقتى بولدى، حالىق بۇقاراسىنىڭ تابىس، باقىت، حاۋىپسىزدىك سەزىمدەرى ۇزدىكسىز كۇشەيدى، ج ك پ 19 - قۇرىلتايىنىڭ رۋحىن دايەكتى تياناقتاندىرۋدىڭ باستاماسى كورنەكتى بولدى. بۇل تابىستار وڭاي - وسپاق قولعا كەلگەن جوق، بۇل − ج ك پ ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ ناتيجەسى، بۇعان وسى وتىرعان جولداستاردى قامتىعان قالىڭ ساياسي كەڭەس مۇشەلەرىنىڭ دە جۇرەك قانى مەن اقىل - پاراساتى سىڭگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
