ۇكىمەت قىزمەتىنەن بايانداماداعى مىنا سيفرلار ادامدى تەبىرەنتەدى
2019.03.07 14:43 كەلۋ قاينارى : حالىق تورابى
قالا – قالاشىقتاردا 11 ميلليوننان استام ادامدى جاڭادان جۇمىستاندىرۋ، تۇتاس جىلدا كاسىپورىنداردىڭ باجى جانە قوعامدىق قامتاماسىزداندىرۋدا تاپسىراتىن قاراجات اۋىرتپالىعىن 2 تريلليون يۋانعا دەيىن جەڭىلدەتۋ، جىلجىمالى توراپ اعىمى مولشەرىنىڭ ورتاشا اقىسىن تاعى دا %20تەن استام تومەندەتۋ. .... بۇلار ەلىمىز ۇكىمەتىنىڭ بيىلعى ءبىر ءبولىم قىزمەت نىساناسى.
بۇگىن (3 – ايدىڭ 5 – كۇنى)، 13 – كەزەكتى مەملەكەتتىك حالىق قۇرىلتايى 2 – ءماجىلسىنىڭ اشىلۋ سالتى حالىق قۇرىلتايى سارايىندا وتكىزىلدى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميەتىنىڭ ءتوراعاسى شي جينپيڭ قاتارلى پارتيا مەن مەملەكەت باسشىلارى ماجىلسكە قاتىناستى. مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەس اتىنان 13 – كەزەكتى مەملەكەتتىك حالىق قۇرىلتايى 2 – ماجىلىسىندە ۇكىمەت قىزمەتىنەن بايانداما جاسادى.
وتكەن جىلى ۇكىمەت قىزمەتىندە قانداي تابىستارعا قول جەتتى؟ بيىل جانە قانداي نىسانالار بار؟ ۇكىمەت قىزمەتىنەن جاسالعان بايانداماداعى حالىق تۇرمىسىنا قاتىستى مىنا سيفىرلار بىزبەن تىعىز بايلانىستا.
وتكەن ءبىر جىلدا — ەكونوميكانىڭ دامۋى ورنىقتىلىق بارىسىندا ىلگەرىلەپ، حالىق تۇرمىسى ۇزدىكسىز جاقساردى
— ىشكى ءوندىرىستىڭ جالپى ءونىم قۇنى %6.6 ارتتى، جالپى مولشەرى 90 تريلليون يۋاننان استى
— قالا – قالاشىقتاردا 13 ميلليون 610 مىڭ ادام تىڭنان جۇمىستاندى، تەكسەرۋ كولەمىندەگى جۇمىسسىزدىق مولشەرى %5 اينالاسىندا، ءبىر شاما تومەن دەڭگەيدە بولدى
— اۋىل – قىستاقتارداعى كەدەي جان سانى 13 ميلليون 860 مىڭ ادام ازايتىلدى، كەدەيلەردى قونىس اۋدارتىپ سۇيەمەلدەۋدە 2 ميلليون 800 مىڭ ادام كوشىرىلدى
— تۇرعىنداردىڭ ءوز مەڭگەرۋىندەگى ورتاشا كىرىسى ءىس جۇزىندە %6.5 ارتتى. جەكەلەر تابىس باجىسىنىڭ باستالۋ ءتۇيىنىن جوعارىلاتىپ، 6 ءتۇرلى ارناۋلى قوسىمشا قاراجات شىعارىپ تاستالدى.
— ءار سالاداعى مەكتەپتەردەگى وتباسىندا قيىنشىلىعى بار وقۋشىلارعا 100 ميلليون ادام - رەتكە جۋىق قارجىلاي كومەك بەرىلدى
— لاشىقتىلار مەكەنىندە 6 ميلليون 200 مىڭنان استام ءۇي قايتا سالىندى، اۋىل – قىستاقتاعى قاتەرلى ۇيدەن ءبىر ميلليون 900 مىڭ ءۇي جاڭالاندى
— تۇتاس جىلدا كاسپورىندار مەن جەكەلەر ءۇشىن ءبىر تريلليون 300 ميلليارد يۋان باجى كەمەيتىلدى
— اۋىل – شارۋاشىلىعىنان اۋىسقان 14 ميلليونعا جۋىق جان سانى حالىق قالا – قالاشىقتارعا ىرگە تەپتى
— قالا – اۋىل تۇرعىندارىنىڭ نەگىزدىك زەينەتكەرلىك قاراجاتىنىڭ ەڭ تومەنگى ولشەمى اي سايىن 70 يۋاننان 88 يۋانعا جوعارىلادى.
— بيلىك جۇرگىزۋدە ءادىل بولۋ، جۇمىستى تىندىرىپ ىستەۋ، بوس سوزدەن ارتىق. بيىل ۇكىمەت قىزمەتىنەن باياندامانىڭ ءبىرىنشى ءبولىمى وتكەن جىلعى ۇكىمەت قىزمەتىندە قول جەتكىزگەن تابىستاردى تىزبەكتى سان ارقىلى ەسكە سالدى.
وتكەن جىلعى ۇكىمەت قىزمەتىنەن باياندامادا العا قويىلعان نىسانالار وسى سيفىرلارعا سايكەس كەلدى: ىشكى ءوندىرىستىڭ جالپى ءونىم قۇنى %6.6 ارتتى، قالا – قالاشىقتاردا 11 ميلليوننان استام ادام تىڭنان جۇمىستاندى، تۇتاس جىلدا كاسىپورىن مەن جەكەلەردەن الىناتىن 800 ميلليارد يۋاننان استام باجى كەمەيتىلدى، اۋىل – قىستاقتارداعى كەدەي جان سانى 10 ميلليوننان استام كەمەيدى، كەدەيلەردى قونىس اۋدارتىپ سۇيەمەلدەۋ بويىنشا 2 ميلليون 800 مىڭ ادامدى سۇيەمەلدەندى، قالاعا تاعى 13 ميلليون ادام قونىستاندى.
«وتكەن ءبىر جىلدى ەسكە الساق، ناتيجەلەر وڭاي – وسپاق قولعا كەلمەگەن». نىسانانى ورىنداپ، ناتيجەنى تۇراقتاندىرۋمەن بىرگە، باياندامادا ەلىمىزدىڭ دامۋى ءدوپ كەلىپ وتىرعان ماسەلەلەر مەن سىن – سايىستاردى سەرگەكتىكپەن كورە ءبىلۋ كەرەك دەپ اتاپ كورسەتىلدى: ەل ىشىندە ەكونوميكانىڭ قۇلدىراۋ قىسىمى ارتتى، ناقتى ەكونوميكا جاعىندا قيىنشىلىق ءبىر شاما كوپ، ەرەكشە كەدەي وڭىرلەردى كەدەيلىكتەن قۇتىلدىرۋدا قامال الۋ جاعىندا قيىنشىلىق ءبىرشاما كوپ، وقۋ – اعارتۋ، ەمدەۋ، قارتتاردى كۇتىمگە الۋ، تۇرار جاي، ىشپەك – جەمەك، ءدارى – دارمەك حاۋىپسىزدىگى، كىرىس ءبولىسى قاتارلى جاقتاردا حالىق بۇقاراسىنىڭ كوڭىلى تولمايتىن ورىندار ءالى دە كوپ.
قيىنشىلىقتى تومەن مەجەلەۋگە بولمايدى، سەنىمنەن مىزعىماۋ كەرەك، جىگەردى بوساڭسىتۋعا بولمايدى. «ءبىز، ءسوز جوق، ماسەلەلەر مەن سايىستارعا توتەپ بەرىپ، جاۋاپكەرشىلىكتى ارقالاپ، مىندەتتى ادا ەتىپ، قىزمەتتى بار كۇشپەن ويداعىداي ىستەپ، حالىقتىڭ ءۇمىتىن استە سەلگە كەتىرمەۋىمىز كەرەك!» — دەدى لي كىچياڭ.
بيىلعى نىسانا — ارتۋدى ورنىقتىرىپ، حالىق تۇرمىسىنا تيىمدىلىك جاساپ، حالىق بۇقاراسىنىڭ باقىت سەزىمىن كۇشەيتۋ
بيىلعى ۇكىمەت قىزمەتىنەن باياندامادا، «حالىق تۇرمىسى» 11 رەت ايتىلىپ، «نەگىزدىك حالىق تۇرمىسىن قامتاماسىزداندىرۋدان ماسەلە تۋىلماۋ»، «نەگىزدىك حالىق تۇرمىسىن شىن مانىندە قامتاماسىزداندىرىپ، حالىق تۇرمىسىنا قاتىستى ءتۇيىندى ماسەلەلەردى شەشۋدى ىلگەرىلەتۋ»، «نەگىزدىك حالىق تۇرمىسىنا قوسىلاتىن قارجىنى ۇزدىكسىز ارتتىرۋعا كەپىلدىك ەتۋ»، «ءبىز مۇمكىندىگىنشە حالىقتى قيىنشىلىقتان قۇتقارىپ، قينالعاندا كومەكتەسىپ، حالىقتىڭ نەگىزدىك تۇرمىستىق شەگىن قامتاماسىزداندىرۋعا، ءسوزسىز، كەپىلدىك ەتۋىمىز كەرەك» ، — دەگەن سياقتى ادامدى جىگەرلەندىرەتىن سوزدەر ايتىلعان.
ۇكىمەت قىزمەتىنەن باياندامادا ورتاعا قويىلعان بيىلعى ەكونوميكالىق، قوعامدىق دامۋدىڭ باستى مەجەلى نىسانالارىندا حالىق تۇرمىسىمەن قاتىستى مازمۇندار دا كوپ بولدى: ىشكى ءوندىرىستىڭ جالپى ءونىم قۇنىن %6.5-%6 ارتتىرىپ؛ قالا – قالاشىقتاردا 11 ميلليون ادامدى تىڭنان جۇمىستاندىرۋ، قالا – قالاشىقتارداعى تەكسەرۋ كولەمىندەگى جۇمىسسىزدىق مولشەرىن %5.5 اينالاسىندا ۇستاۋ، قالا – قالاشىقتارداعى تىزىمگە الىنعان جۇمىسسىزدىق مولشەرىن %4.5تەن اسىرماۋ؛ تۇرعىنداردىڭ ءتۇتىنۋ باعاسىنىڭ قىمباتتاۋ مولشەرىن%3 اينالاسىندا ۇستاۋ؛ اۋىل – قىستاقتا 10 ميلليوننان استام كەدەي جان سانىن كەدەيلىكتەن قۇتىلدىرۋ، تۇرعىنداردىڭ كىرىسىنڭ ارتۋى ەكونوميكانىڭ ارتۋىمەن نەگىزىنەن بىردەي بولۋ؛ ەكولوگيالىق ورتانى اناعۇرلىم جاقسارتىپ، ىشكى ءوندىرىستىڭ جالپى ءونىم قۇنىنداعى ەنەرگيانىڭ بىرلىكتىك جۇمسالىمىن %3 اينالاسىندا تومەندەتۋ، باستى لاستاعىش زاتتاردىڭ ىعىستىرىلۋ مولشەرىن ۇزدىكسىز تومەندەتۋ...
بيىل جاڭا جۇڭگو قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام قۇرۋ، ءبىرىنشى ءجۇز جىلدىق كۇرەس نىساناسىن ىسكە اسىراتىن ماڭىزدى جىل. بيىل ۇكىمەتتىڭ قىزمەتتى جاقسى ىستەۋدەگى تالابى — ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىققا يگىلىك جاراتۋ، حاۋىپ – قاتەردەن ساقتانۋ قىزمەتىن ءبىر تۇتاس ىلگەرىلەتۋ كەرەك، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ، جاپپاي دوڭگەلەك داۋلەتتى قوعام قۇرىپ شىعۋعا شەشۋشى نەگىز قالاۋ قاتارلىلار.
ءتۇيىندى قىزمەت — حالىق تۇرمىسىنا قاتىستى كوپتەگەن يگىلىكتەردى ورتاعا قويۋ
بيىلعى ۇكىمەت قىزمەتىنەن باياندامادا كورسەتىلگەن ءتۇيىندى قىزمەتتەر دەگەننىڭ كوپ جەرىندە حالىق تۇرمىسىنا ساياتىن ىستەرگە جاۋاپ قايتارىپ، حالىق تۇرمىسىنا قاتىستى يگىلىكتەردى ورتاعا قويدى
باجىنى ازايتىپ، اقىنى تومەندەتۋ، بيىلعى بايانداماداعى ۇكىمەتتىڭ قىزمەت مىندەتى تۇيىنىندەگى ەڭ الدىمەن ورتاعا قويىلعان مازمۇن. باياندامادا بىلاي دەلىنگەن: بيىل باجىنى كەڭ كولەمدە كەمەيتۋ جولعا قويىلادى، جاساۋ كاسىبى قاتارلى سالالاردا %16تىك باجى مولشەرى %13كە تومەندەتىلەدى، قاتىناس - تاسىمال كاسىبى، قۇرىلىس كاسىبى قاتارلى سالالاردا قازىرگى %10تىك باجى مولشەرى %9كە تومەندەتىلەدى، نەگىزگى سالالارداعى باجى اۋىرتپالىعىنىڭ كورنەكتى تومەندەۋىنە كەپىلدىك ەتىلەدى: %6تىك باجى مولشەرى وزگەرمەيدى، الايدا، وندىرىستىك، تۇرمىستىق سيپاتتاعى قىزمەت وتەۋ كاسىبىندە باجىنى دولايلاستىرۋ سياقتى سايكەستى شارالاردى قولدانۋ ارقىلى، بارلىق كاسىپ سالالارىنىڭ باجى اۋىرتپالىعىن جەڭىلدەتۋگە كەپىلدىك ەتىلەدى. كاسىپورىنداردىڭ قوعامدىق قامسىزداندىرۋ اقىسىن تاپسىرۋ اۋىرتپالىعى كورنەكتى تومەندەتىلەدى، قالا – قالاشىقتاردا جۇمىسشى – قىزمەتشىلەردىڭ نەگىزدىك كۇتىمگە الۋ قامتاماسىزداندىرۋ ورىندارىنىڭ اقى تاپسىرۋ سالىستىرماسى تومەندەتىلەدى، ءار قايسى جەرلەردە %16كە دەيىن تومەندەيدى. باجىنى ازايتىپ، اقىنى ارزانداتۋعا شىنايى كەپىلدىك ەتىپ، تۇتاس جىلدا كاسپورىنداردىڭ باجى مەن قوعامدىق قامتاماسىزداندىرۋ اقىسىن تاپسىرۋ اۋىرتپالىعى 2 تريلليون يۋانعا جۋىق تومەندەتىلەدى.
جۇمىستانۋ — حالىق تۇرمىسىنىڭ نەگىزى، بايلىقتىڭ قاينارى. باياندامادا بىلاي دەلىنەدى: بيىل كاسىپتەندىرۋدى الدىمەن ويلاستىرۋ ساياساتى تۇڭعىش رەت ماكرولىق ساياسات دەڭگەيىنە كوتەرىلدى، مۇنداعى ماقسات — ءار جاقتاعىلاردى كاسىپتەندىرۋگە ءمان بەرۋگە، كاسىپتەنۋدى قولداۋعا جەتەكتەۋدى كۇشەيتۋ. ناقتىلى شارالارى مىنالاردى قامتيدى: اۋىل – قىستاقتاعى كەدەيلەر جان سانىن، قالا – قالاشىقتاردا تىزىمگە الىنعانىنا جارىم جىلدان اسقان جۇمىسسىزداردى جۇمىسقا قابىلداعان ءتۇرلى كاسپورىندارعا 3 جىل بويى بەلگىلەنگەن مولشەردە باجىنى كەمەيتۋ نەمەسە كەشىرىم ەتۋ كەرەك؛ جۇمىسسىزداردى قامسىزداندىرۋ قورىنىڭ قالدىعىنان 100 ميلليارد يۋان بوساتىپ، 15 ميلليون ادام - رەتتەن ارتىق جۇمىسشى – قىزمەتشىلەردىڭ تەحنيكالىق قابىلەتىن وسىرۋگە جانە قىزمەت ورنىن، كاسىپ سالاسىن اۋىستىرىپ تاربيەلەۋگە ىستەتىلەدى؛ جوعارى دارەجەلى كاسىپتىك مەكتەپتەر بيىل وقۋشى قابىلداۋ كولەمىن كەڭ كولەمدە كەڭەيتىپ، ءبىر ميلليون ادام قابىلدايدى ت. ب.
«اقىنى شىنايى تومەندەتىپ، تۇتىنۋشىلارعا انىق كورسەتۋ كەرەك»، وتكەن جىلى ۇكىمەت قىزمەتىنەن باياندامادا العا قويىلعان جىلجىمالى توراپ اعىمى اقىسىن ءبىر جىل ىشىندە كەم دەگەندە %30 تومەندەتۋ نەگىزىندە، باياندامادا بيىل ورتاشا، شاعىن كاسپورىنداردىڭ كەڭ جولاقتى توراپ ورتاشا اقىسىن جانە دە %15 تومەندەتۋ ورتاعا قويىلدى، جىلجىمالى توراپ اعىمى ورتاشا اقىسى تاعى دا %20تەن استام تومەندەتىلىپ، بۇكىل ەل بويىنشا تەلەفون ءنومىرىن اۋىستىرماي – اق بايلانىس وپەراتورلارىن ەركىن تاڭداۋ جۇزەگە اسىرىلىپ، قىزمەت وتەۋ جيناقتامالارى جۇيەگە تۇسىرىلەدى.
كەدەيىلكتەن ارىلتۋدا قامال الۋدى ىلگەرىلەتىپ، اۋىل – قىستاقتى گۇلدەندىرۋ بيىلعى بايانداماداعى ماڭىزدى مازمۇنداردىڭ ءبىرى. كەدەيلىكتەن ارىلتۋدا قامال الۋ نىساناسىن ۋاعىندا جۇزەگە اسىرۋ ، شارۋالار تۇرمىسىن جاپپاي دوڭگەلەك داۋلەتتى ورەگە جەتكىزۋ — ۇكىمەت قىزمەتىنىڭ نىساناسى. اۋدارعان قاۋلا بەيسەن قىزى (پراكتيكانت)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
