حالىق قۇرىلتايى تىلشىلەر جيىنىن وتكىزدى، مەملەكەتتىك حالىق قۇرىلتايىنىڭ قاتىستى جاۋاپتىلارى زاڭ شىعارۋ قىزمەتىن اڭگىمەلەدى
ەلىمىزدىڭ زاڭ جۇيەسى اناعۇرلىم كەمەلدەندى
2019.03.10 14:01 كەلۋ قاينارى : حالىق تورابى
■ وتكەن ءبىر جىلدا مەملەكەتتىك حالىق قۇرىلتايى تۇراقتى كوميتەتى 8 زاڭ شىعاردى، 47 پارشا (رەت) زاڭعا وزگەرىس ەنگىزدى، قاتىستى زاڭدىق ماسەلەلەر جونىنەن 9 زاڭدىق ماسەلەگە جانە كەلەلى ماسەلەگە شەشىم جاسادى
■ اۋىل – قىستاق جەرىن كوتەرمەگە الۋ زاڭىنا وزگەرىس ەنگىزدى، بۇل جەردىڭ ۇيلەسىمدى كولەمدەگى تيجاراتىن دامىتۋدى جەبەۋگە اناعۇرلىم ءتيىمدى بولىپ، اۋىل شارۋاشىلىعىنىڭ وسىزاماندانا دامۋىن ىلگەرىلەتتى
■ ەلىمىزدە قازىر اتقارىلىپ وتىرعان كۇشكە يە 271 پارشا زاڭ بار؛ چاڭجياڭ دارياسىن قورعاۋ زاڭى بيىلعى زاڭ شىعارۋ جوسپارىنا ەنگىزىلدى
«حالىق گازەتى»، 3 – ايدىڭ 9 - كۇنى، بەيجيڭ (ءتىلشى ۋەي جىجى). 3 – ايدىڭ 9 – كۇنى تۇستەن بۇرىن 13 – كەزەكتى مەملەكەتتىك حالىق قۇرىلتايىنىڭ 2 – ءماجىلىسى تىلشىلەر جيىنىن وتكىزدى، مەملەكەتتىك حالىق قۇرىلتايى اۋىل شارۋاشىلىعى جانە اۋىل – قىستاق كوميتەتىنىڭ مەڭگەرۋشى مۇشەسى چىن شيۋىن، مەملەكەتتىك حالىق قۇرىلتايى قازىنا – ەكونوميكا كوميتەتىنىڭ ورىنباسار مەڭگەرۋشى مۇشەسى ورتۋ، مەملەكەتتىك حالىق قۇرىلتايى تۇراقتى كوميتەتى زاڭ – ءتۇزىم قىزمەت كوميتەتىنىڭ ورىنباسار مەڭگەرۋشىسى ليۋ جۇنچىن، مەملەكەتتىك حالىق قۇرىلتايى تۇراقتى كوميتەتى زاڭ – ءتۇزىم قىزمەت كوميتەتىنىڭ ورىنباسار مەڭگەرۋشىسى شۇي انبياۋ، مەملەكەتتىك حالىق قۇرىلتايى ورتا جانە بايلىقتى قورعاۋ كوميتەتىنىڭ مۇشەسى چىڭ ليفىڭ «حالىق قۇرىلتايىنىڭ زاڭ شىعارۋ قىزمەتىندەگى» قاتىستى ماسەلەلەر جونىنەن جۇڭگولىق، شەتەلدىك تىلشىلەردىڭ سۇراۋلارىنا جاۋاپ قايتاردى.
«وتكەن ءبىر جىلدا مەملەكەتتىك حالىق قۇرىلتايى تۇراقتى كوميتەتىنىڭ زاڭ شىعارۋ جانە باقىلاۋ سياقتى ءتۇرلى قىزمەتىندە جاڭا ىلگەرىلەۋشىلىك بولدى، مۇنىڭ ىشىندە زاڭ شىعارۋ قىزمەتى تىڭعىلىقتى ىلگەرىلەتىلدى، 8 زاڭ شىعارىلدى، 47 پارشا (رەت) زاڭعا وزگەرىس ەنگىزىلدى، قاتىستى زاڭدىق ماسەلەلەر جونىنەن 9 زاڭدىق ماسەلەگە جانە كەلەلى ماسەلەگە شەشىم جاسالدى». شۇي انبياۋ تانىستىرىپ بىلاي دەدى: قازىرگە دەيىن اتقارىلىپ وتىرعان كۇشكە يە جالپى 271 پارشا زاڭ بار، ەلىمىزدىڭ زاڭ جۇيەسى اناعۇرلىم كەمەلدەندى.
وتكەن جىلدىڭ سوڭىندا مەملەكەتتىك حالىق قۇرىلتايى تۇراقتى كوميتەتى اۋىل – قىستاق جەرىن كوتەرمەگە الۋ زاڭىنا وزگەرىس ەنگىزۋ جوباسىن ماقۇلدادى. «وسى رەت زاڭعا وزگەرىس ەنگىزۋدەگى ەڭ ماڭىزدى مازمۇن: بۇرىنعى اۋىل – قىستاق جەرىنىڭ مەنشىك ۇقىعى مەن كوتەرمەگە الىپ تيجارات جۇرگىزۋ ۇقىعى سىندى ەكى ۇقىقتى ءبولۋ مەنشىك ۇقىعى، كوتەرمەگە الۋ ۇقىعى جانە تيجارات ۇقىعى سىندى ءۇش ءتۇرلى ۇقىقتى بولۋگە وزگەرتىلدى». چىن شيۋىن تانىستىرىپ بىلاي دەدى: وندا كوتەرمەگە العان ەگىنشىلەردىڭ ۇقىق – مۇددەسى جەتكىلىكتى قورعالۋمەن بىرگە، ءار ءتۇرلى جاڭاشا تيجارات تۇلعالارىنىڭ ۇقىق – مۇددەسى دە جەتكىلىكتى قورعالدى. بۇلاي ىستەۋ جەردىڭ ۇيلەسىمدى كولەمدەگى تيجاراتىن دامىتۋدى جەبەۋگە اناعۇرلىم ءتيىمدى، اۋىل شارۋاشىلىعىنىڭ وسىزاماندانا دامۋىن اناعۇرلىم ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
