مەملەكەتتىك كەڭەس كەڭسەسى ۇقتىرۋ باسىپ تاراتتى، جىلجىمايتىن مۇلىكتى تىزىمدەۋ ۋاقىتى ازايتىلماق
2019.03.12 16:09 كەلۋ قاينارى : حالىق تورابى
شينحۋا اگەنتتىگى، 3 – ايدىڭ 11 - كۇنى، بەيجيڭ. مەملەكەتتىك كەڭەس كەڭسەسى بىرنەشە كۇننىڭ الدىندا «جىلجىمايتىن مۇلىكتى تىزىمدەۋ ۋاقىتىن ازايتۋ جونىندەگى ۇقتىرۋدى» باسىپ تاراتتى.
«ۇقتىرۋدا» مىنالار اتاپ كورسەتىلدى: مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ىلگەرىلەتۋدى نىسانا، كاسىپورىندار مەن بۇقاراعا «ءبىر يگى ءىس ىستەپ بەرۋدى» ولشەم ەتىپ، تاراۋلاردىڭ سەلبەستىگىن كۇشەيتىپ، ينفورماتسيادان ورتاق يگىلىكتەنۋ شوعىرىن، اينالىس شوعىرىن جانە قىزمەتكەرلەر شوعىرىن ىسكە اسىرىپ، تۇتاس اينالىس بويىنشا ساپالىلاندىرىپ، ءىس ءبىتىرۋ ۋاقىتىن ازايتىپ، جىلجىمايتىن مۇلىكتى تىزىمدەۋدە ۋاقىت ىسىراپ بولۋ، ءىس ءبىتىرۋ قيىن بولۋ ماسەلەسىن شىنايى شەشۋ كەرەك.
«ۇقتىرۋدا» بىلاي مىناۋ ورتاعا قويىلدى: 2019 – جىلدىڭ سوڭىنان بۇرىن اينالىستى سۇرىپتاۋدى، ساپالىلاندىرۋدى تياناقتاندىرۋ، ەل بويىنشا بارلىق اۋدان، قالادا ادەتتەگى تىزىمدەۋ، كەپىلدىك تىزىمدەۋى كاسىپتەرىن ءبىتىرۋ ۋاقىتىن 10 جانە 5 قىزمەت كۇنىنە ازايتۋعا قۇلشىنۋ؛ 2020 – جىلدىڭ سوڭىنان بۇرىن وسىنىڭ بارلىعىن 5 قىزمەت كۇنىنە ازايتۋعا قۇلشىنۋ كەرەك. «ۇقتىرۋدا» 3 ءتۇرلى باستى مىندەت ورتاعا قويىلدى، بۇلار مىنالار: ءبىرىنشى، ينفورماتسيادان ورتاق يگىلىكتەنۋ شوعىرىن ىلگەرىلەتۋ، ەكىنشى، اينالىس شوعىرىن ىلگەرىلەتۋ ، ءۇشىنشى، قىزمەتكەرلەر شوعىرىن ىلگەرىلەتۋ.كادرلاردى كەيبىر ورىنسىز جۇمىستاردان اراشالاپ قالايىق
ــ ورتالىق كوميتەت كەڭسەسىنىڭ قاتىستى جاۋاپتىسى «فورماشىلدىقتاعى كورنەكتى ماسەلەلەردى شەشىم ەتىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ۇقتىرۋ» جونىنەن تىلشىلەردىڭ سۇراۋىنا جاۋاپ بەردى
ج ك پ ورتالىق كوميتەتى كەڭسەسى تاياۋدا «فورماشىلدىقتاعى كورنەكتى ماسەلەلەردى شەشىم ەتىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) تاراتىپ، 2019 – جىلدى «نەگىزگى ساتىنىڭ اۋىرتپالىعىن جەڭىلدەتۋ جىلى» ەتىپ ايقىن ورتاعا قويدى. ورتالىق كوميتەت كەڭسەسىنىڭ قاتىستى جاۋاپتىسى «ۇقتىرۋداعى» قاتىستى جاعدايلار جونىنەن تىلشىلەردىڭ سۇحپاتىن قابىلدادى.
سۇراۋ: 2019 – جىلدىڭ نەلىكتەن «نەگىزگى ساتىنىڭ اۋىرتپالىعىن جەڭىلدەتۋ جىلى» ەتىپ بەكىتىلگەنىن ءتۇسىندىرىپ بەرسەڭىز؟
جاۋاپ: 2019 – جىل – جاڭا جۇڭگو قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام قۇرۋدىڭ، «ءبىرىنشى 100 جىلدىق» كۇرەس نىساناسىن جۇزەگە اسىرۋدىڭ شەشۋشى جىلى. «ۇقتىرۋدا» باس شۋجي شي جينپيڭنىڭ ستيل قۇرىلىسىن كۇشەيتىپ، فورماشىلدىقتان، تورەشىلدىكتەن ساقتانۋ جونىندەگى جەلىلەس ماڭىزدى سوزدەرى مەن نۇسقاۋ – بەكىتۋلەرىنىڭ رۋحىن ىشكەرىلەي دايەكتى تياناقتاندىرىپ، نەگىزگى ساتىداعى كادرلار نازار اۋدارىپ وتىرعان ماسەلەلەرگە جاۋاپ قايتارىپ، 2019 – جىلدى «نەگىزگى ساتىنىڭ اۋىرتپالىعىن جەڭىلدەتۋ جىلى» ەتىپ ايقىن ورتاعا قويۋىنىڭ كەلەلى ءمانى بار. ءبىرىنشى، باس شۋجي شي جينپيڭنىڭ نەگىزگى ساتىعا كوڭىل بولەتىندىگىن، كادرلارعا قامقورلىق جاساپ وتىرعاندىعىن تولىق بەينەلەپ بەردى. باس شۋجي شي جينپيڭ 2019 – جىلعى جاڭا جىلدى قارسى الۋ ارناۋ سوزىندە: «نەگىزگى ساتىداعى كادرلاردىڭ جۇرەك ۇنىنە قۇلاق سالايىق» دەگەن بولاتىن. نەگىزگى ساتىلاردى شىرماپ العان فورماشىلدىققا قاراتا، باس شۋجي شي جينپيڭ بولماشى ىستەردەن بولاشاعىن بارلاپ، بۇگە – شىگەسىنە دەيىن تولىق يگەرىپ، ءار ۋاقىت كوڭىل ءبولىپ وتىردى. باس شۋجي شي جينپيڭ: «مىڭ ساباق ءجىپ ءبىر تەبەننىڭ كوزىنەن وتەتىن» سان ءتۇرلى فورماشىلدىق ماسەلەسى نەگىزگى ساتى كادرلارىنىڭ ۋاقىتىن ىسىراپ ەتىپ، ميىن تورلاپ وتىر، بۇنداي جايتتەر، ءسوزسىز، وزگەرتىلۋى كەرەك! دەپ اتاپ كورسەتتى. ەكىنشى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى تاباندىلىقپەن قاتاڭ باسقاراتىن، ستيل قۇرىلىسىن تاباندىلىقپەن قاتاڭ جۇرگىزەتىن بەرىك سەنىمىن تولىق ايگىلەدى. ءۇشىنشى، نەگىزگى ساتىنىڭ جۇگىن جەڭىلدەتىپ، بارشا كادرلاردى جاۋاپكەرلىكتى باتىل ارقالاپ، ناقتى ىستەۋگە ىنتالاندىراتىن ايقىن باعىت كورسەتىپ بەردى. كوز الداعى جاپالى دا كۇردەلى رەفورمالاۋ، دامۋ، ورنىقتىلىق مىندەتى الدىندا، بۇكىل پارتيانى، اسىرەسە، نەگىزگى ساتى كادرلارىنىڭ بەلسەندىلىگىن، ىرىقتىلىعىن، جاسامپازدىعىن قوزعاۋ جونىنەن توتەنشە ماڭىزدى.
سۇراۋ: «ۇقتىرۋدا» نەگىزگى ساتىنى شىرماپ وتىرعان فورماشىلدىقتىڭ قانداي كورنەكتى ماسەلەلەرى شەشىم ەتىلەدى؟
جاۋاپ: كوپتەگەن كادرلار جۇرتشىلىعى كەيبىر فورماشىلدىقتىڭ لەپىرمەشىلدىككە سالىنعان «مۇلدە دۇرىس ساياسي» شەكپەندى جامىلىپ، ۇران سالىپ جەر – الەمدى جاڭعىرتىپ جاتقانىن، قول سالىپ ىستەۋگە تۋرا كەلگەندە تاباندارى تايقىپ كەتەتىنىن، كورىنىستە «ەكىنى قورعاپ» وتىرعانداي كورىنگەنىمەن، ءىس جۇزىندە «ەكىنى قورعاۋعا» كەسىرىن تيگىزىپ وتىرعانىن اڭىس ەتتى. باس شۋجي شي جينپيڭ مىنالاردى اتاپ وتىرىپ كورسەتىپ بەردى: لەپىرمەلى بەينە، اۋزى قيمىلداعاننىڭ بەلى اۋىرماۋ سىندى كورنەكتى ماسەلەلەرگە قاراتا، قاتاڭ شارا قولدانىپ، تىڭعىلىقتى وزگەرتۋىمىز كەرەك. سونىمەن بىرگە، ۋاقىتتى ىسىراپ ەتىپ، ميدى اشىتاتىن كوجەدەي جيىن، قۇجىناعان قۇجاتتار، اياق الىپ جۇرگىسىز باقىلاۋ – قۋزاۋ – تەكسەرۋلەر، تىنىمى جوق باعالاۋلار، بەتتەن الىپ توسكە شاباتىن باسقارۋلار بىرىنەن – ءبىرى اسىپ ءتۇسىپ، نەگىزگى ساتىنى تىعىرىققا تىرەدى. اۋەلى كەيبىر كادرلار جاۋاپكەرشىلىك ارقالاپ، بورىشىن وتەمەي وتىر، بۇنىڭ مۇرات – سەنىم ماسەلەسى، قابىلەت – ورە ماسەلەسى ەكەنىن كورىپ الۋعا بولادى، وبيەكتيۆ جاقتان قاراعاندا ءىشىنارا ورىندار مەن تاراۋلاردىڭ جاۋاپكەرلىگىن قۋزاپ تاقىمداۋى دالمە – ءدال بولماۋدا، بۇل جالپىلاستىرۋمەن، قاراپايىمداستىرۋمەن قاتىستى، كەيبىر كادرلار جاۋاپكەرلىكتى قۋزاۋدان تايقاقتاپ، جالا جابۋدان قورقىپ، كوشكە ەرگەن تايلاقتىڭ كۇنىن كورىپ وتىر. كوپ ساندى نەگىزگى ساتى كادرلارى فورماشىلدىقتان ابدەن ىعىر بولعانىن، ونىڭ ءتۇپسىز شىڭىراۋ ەكەنىن، فورماشىلدىقتى الاستاۋدان قامال الۋ شايقاسىن جۇرگىزۋدىڭ ۋاقىتى ابدەن پىسىپ – جەتىلگەنىن ءبىلدىردى. «ۇقتىرۋدا» نەگىزگى ساتىنىڭ اۋىرتپالىعىن جەڭىلدەتۋدى توڭىرەكتەپ، نازاردى «ءتورت كۇش ۇستەۋگە» شوعىرلاندىرىپ، پارتيا ساياسي قۇرىلىسىنىڭ جەتەكشىلىك ەتۋىمەن يدەيالىق تاربيەنى كۇشەيتۋ، كوجەدەي جيىن، قۇجىناعان قۇجاتتاردى جونگە سالۋ، اياق الىپ جۇرگىسىز باقىلاۋ – قۋزاۋ – تەكسەرۋلەردى وزگەرتۋ، تىنىمى جوق باعالاۋلاردى تىزگىندەۋ، جاۋاپكەرلىكتى قۋزاستىرۋ ءتۇزىمى مەن ىنتالاندىرۋ، قامقورلىق جاساۋ مەحانيزمىن كەمەلدەندىرۋ جاقتارىنان ناقتى پايدالانىلاتىن شارالار ورتاعا قويىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
