نەگىزگى ساتىداعىلاردىڭ جۇرەك ءۇنى باس شۋجيدىڭ قۇلاعىنا جەتتى!
مىناداي ءتورت ءتۇرلى كورنەكتى فورماشىلدىق ماسەلەلەرى بيىل شەشىم ەتىلەدى
2019.03.13 16:01 كەلۋ قاينارى : حالىق تورابى
«مىڭ ساباق ءجىپ ءبىر تەبەننىڭ كوزىنەن وتەتىن» كوپتەگەن فورماشىلدىق ماسەلەلەرى نەگىزگى ساتىداعى كادرلەردىڭ كوپ ۋاقىتىن الىپ، تالاي زەيىنىن سارىپ ەتەدى، مۇنداي جاعدايدى وزگەرتۋ كەرەك! نەگىزگى ساتىداعى قىزمەتتەردىڭ فورماشىلدىقتىڭ شىرماۋىندا قالعانىن باس شۋجي شي جينپيڭ بولماشى بەلگىلەرىنەن انىق بايقاپ، بۇگە – شىگەسىنە دەيىن ءبىلىپ، ءار ۋاقىت كوڭىلىندە ساقتاپ كەلگەن ەكەن.
ج ك پ ورتالىق كوميتەتى كەڭسەسى جۋىردا «كورنەكتى فورماشىلدىق ماسەلەلەرىن شەشىم ەتىپ، نەگىزگى ساتىداعىلاردىڭ اۋىرتپالىعىن جەڭىلدەتۋ جونىندەگى ۇقتىرۋدى» (تومەندە (ۇقتىرۋ) دەپ الىنادى) تاراتىپ، 2019 – جىلدى «نەگىزگى ساتىداعىلاردىڭ اۋىرتپالىعىن جەڭىلدەتۋ جىلى» دەپ انىق بەلگىلەدى. «ۇقتىرۋدا» نەگىزگى ساتىداعىلاردىڭ اۋىرتپالىعىن جەڭىلدەتۋدى توڭىرەكتەي وتىرىپ، «تورتكە كۇش سالۋعا» نازاردى شوعىرلاندىرىپ، پارتيانىڭ ساياسي قۇرىلىسىن جەتەكشى ەتە وتىرىپ، يدەيالىق تاربيەنى كۇشەيتىپ، تاۋداي قۇجات، تاۋسىلماس جيىنداردى جونگە سالۋ، باقىلاۋ – تەكسەرۋ – باعالاۋ قىزمەتتەرىنىڭ وتە ءجيى بولۋى مەن بەلگى قالدىرۋ قۇبىلىسىنىڭ اۋىر بولۋىن وزگەرتۋ، جاۋاپكەرشىلىگىن قۋزاستىرۋ ءتۇزىمى مەن شابىتتاندىرۋ – قامقورلىق جاساۋ مەحانيزمىن كەمەلدەندىرۋ قاتارلى جاقتارداعى قىزمەتتەردى كۇشەيتۋگە ناقتى دا جارامدى شارالاردى ورتاعا قويدى.
نەگىزگى ساتىداعىلاردىڭ جۇرەك ءۇنى باس شۋجيدىڭ قۇلاعىنا جەتتى
شي جينپيڭ 2019 – جىلى نەگىزگى ساتىداعىلاردىڭ اۋىرتپالىعىن شىنايى جەڭىلدەتۋدى باسا دارىپتەدى
جاڭا داۋىرگە قادام تاستاپ، جاڭا جاعدايعا، جاڭا مىندەتتەرگە، تىڭ تالاپتارعا ءدوپ كەلىپ وتىرعاندا، باس شۋجي شي جينپيڭ فورماشىلدىق پەن تورەشىلدىكتىڭ قازىر پارتيا ىشىندەگى كورنەكتى قايشىلىق پەن ماسەلە بولىپ وتىرعانىن، پارتيامىزدىڭ قاس جاۋى، حالىقتىڭ قاس جاۋى ەكەنىن، ءسوزسىز، باتىلدىقپەن جەڭۋ كەرەك ەكەنىن سەزگىرلىكپەن سەزە ءبىلدى.
بىلتىر جىل سوڭىندا پارتيا ورتالىق كوميتەتى ساياسي بيۋروسىنىڭ دەموكراتيالىق جيىنىندا باس شۋجي شي جينپيڭ بىلاي دەپ اتاپ كورسەتكەن: كورنەكتى ماسەلەلەرگە نازاردى شوعىرلاندىرىپ، شەشۋشى تۇيىندەردى قاتاڭ قاداعالاۋ، «ءتورت بۇرىس ستيل» ماسەلەسىن كۇش سالا شەشىم ەتۋ كەرەك، سيىر قۇيمىشاقتاندىرىپ جىبەرۋگە بولمايدى، «جول ورتادا توقتاپ قالعان قۇرىلىسقا» اينالدىرۋعا بولمايدى، فورماشىلدىقپەن قول ۇشىمەن ىستەي سالۋعا تىپتەن بولمايدى. بيىل جىل باسىندا اشىلعان ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە باس شۋجي شي جينپيڭ مىنانى باسا دارىپتەگەن: فورماشىلدىق پەن تورەشىلدىكتەن اۋلاق بولۋدى باستى مىندەت ەتىپ، ءونىمدى دە جارامدى جونگە سالۋ شارالارىن ورتاعا قويۋ كەرەك.
بىلتىر جىل سوڭىندا باس شۋجي شي جينپيڭ ءبىر ماتەريالعا ماڭىزدى بۇرىشتاما جاساعان كەزدە 2019 – جىلى نەگىزگى ساتىداعىلاردى اۋرە – سارساڭعا سالعان فورماشىلدىق ماسەلەلەرىن شەشىم ەتىپ، نەگىزگى ساتىداعىلاردىڭ اۋىرتپالىعىن شىنايى جەڭىلدەتۋ كەرەك دەپ باسا دارىپتەگەن بولاتىن. «ۇقتىرۋدا» 2019 – جىلدى «نەگىزگى ساتىداعىلاردىڭ اۋىرتپالىعىن جەڭىلدەتۋ جىلى» دەپ انىق بەلگىلەنگەن، بۇل باس شۋجي شي جينپيڭنىڭ نەگىزگى ساتىداعىلاردى كوڭىلىندە ساقتاپ، كادرلەردى ايالايتىن تەرەڭ سۇيىسپەنشىلىگىن تولىق ايگىلەدى، پارتيا ورتالىق كوميتەتىنىڭ پارتيانى بۇلجىماستان جاپپاي قاتاڭ باسقارۋ، ستيل قۇرىلىسىن تاباندىلىقپەن مىقتى ۇستاۋ سىندى باتىل بەكىمىن كورسەتەدى، نەگىزگى ساتىداعىلاردى باسى ارتىق ىستەن بوساتۋ جانە ولاردىڭ اۋىرتپالىعىن جەڭىلدەتۋ، قالىڭ كادرلاردى جاۋاپكەرشىلىكپەن ناتيجە جاراتۋعا شابىتتاندىرۋ سىندى قىزمەتتى تىڭعىلىقتى ىستەۋ باعدارىن تىكتەدى.
«ۇقتىرۋدا» ءتورت ءتۇرلى كورنەكتى فورماشىلدىق ماسەلەسىنە نايزا ۇشىن كەزەدى—
پارتيالىلىعى پاك بولماۋ، قىزمەت ناتيجەسى جونىندەگى كوزقاراسى ورىندى بولماۋ ماسەلەسى جونىندە ۇقتىرۋدا مىناداي تالاپتار قويىلعان:
● وي – سانانى شي جينپيڭ جاڭا ءداۋىر جۇڭگوشا سوتسياليزم يدەياسىمەن قارۋلاندىرۋعا تاباندى بولۋ؛
● فورماشىلدىق پەن تورەشىلدىكتەن بارىنشا اۋلاق بولۋدى بۇكىل پارتيا بويىنشا قانات جايدىرعان «باستاپقى ماقساتتى ۇمىتپاي، بورىشتى ەستە بەرىك ساقتاۋ» تاقىرىبىنداعى تاربيە قيمىلىنىڭ ماڭىزدى مازمۇنى ەتۋ؛
● باسشىلىق ورگاندارىنان، ەڭ الدىمەن، ورتالىق كوميتەت پەن مەملەكەتتىك ورگانداردان باستاپ، ستيل قۇرىلىسىن ارناۋلى تۇردە جونگە سالۋ ارەكەتىن ورىستەتۋ؛
● ساياسي ءتارتىپ پەن ساياسي قاعيدانى قاتاڭ ايقىنداپ، پارتيا ورتالىق كوميتەتىنىڭ ساياساتتارى مەن ورنالاستىرۋلارىن تياناقتاندىرۋعا ىقىلاس قويماۋ، ناقتى جۇمىس تىندىرماۋ، شىنايى كۇش سالماۋ، ۇرانداتقاندا داۋىسى جەر جارعانمەن، ناقتى ىسكە كەلگەندە پەيىلسىزدىكپەن ءۇستىرت ىستەۋ ماسەلەلەرىنەن باتىلدىقپەن ساقتانۋ جانە ونى تۇزەتۋ.
تاۋداي قۇجات، تاۋسىلماس جيىننىڭ قايتا باس كوتەرۋى ماسەلەسى جونىندە ۇقتىرۋدا مىناداي تالاپتار قويىلعان:
● قۇجاتتار مەن جيىنداردى دارەجە بويىنشا زور مولشەردە قىسقارتىپ، اۋدان دارەجەلىدەن تومەن ورىندارعا بەرەتىن قۇجاتتاردى، اشاتىن جيىنداردى %30 - %50 قىسقارتۋ؛
● «قىسقا، ناقتى، تىڭ» جازۋ ستيلىن ساۋلەلەندىرىپ، ورتالىق تاراتقان ساياساتتىق قۇجاتتاردىڭ پرينسيپتىك جاقتان 10 بەتتەن اسىپ كەتپەۋىن، جەرگىلىكتى ورىن مەن تاراۋلاردىڭ وسى بويىنشا قاتاڭ مەڭگەرۋىن انىق بەلگىلەۋ؛
● جەرگىلىكتى ورىنداعى ءار دارەجەلى ورىندار مەن نەگىزگى ساتىداعى ورىنداردىڭ ورتالىق پەن جەرگىلىكتى ورىننىڭ قۇجاتتارىن دايەكتى تياناقتاندىرۋ بارىسىندا ءىس جۇزىندىك جاعدايىمەن بىرلەستىرە وتىرىپ ناقتى دا جارامدى شارالاردى بەلگىلەۋىنە بولادى، انىق بەلگىلەنگەن جاعدايدان سىرت، دايەكتى تياناقتاندىرۋ جونىندەگى پىكىر مەن اتقاراتىن ەگجەي - تەگجەيلى ەرەجەنى بەلگىلەۋدى بۇدان بىلاي تالاپ ەتپەۋ كەرەك؛
● جيىندى از اشۋ، قىسقا اشۋ، شەشىمدى جيىن اشۋدى باسا دارىپتەپ، ساتى سايىن جيىن اشۋدان ساقتانۋعا بەلگىلەمە شىعاردى. «ءۇشتى ىستەمەۋ» سىندى تيىم سالۋ سيپاتىندىق تالاپتاردى ورتاعا قويدى.
قۋزاۋ، تەكسەرۋ، باعالاۋدىڭ شەكتەن تىس جيلەۋى، قالىپتان تىس بەلگى قالدىرۋ ماسەلەلەرى جونىندە ۇقتىرۋدا تومەندەگىدەي تالاپتار قويىلدى:
● جالپى مولشەرىن قاتاڭ تىزگىندەپ، جىلدىق جوسپار مەن تەكسەرىپ بەكىتۋ، ەستەلىككە الدىرۋ ءتۇزىمىن اتقارىپ، ورتالىق كوميتەت پەن مەملەكەتتىك ورگانداردىڭ قاتىستى تاراۋلارى پرينسيپتىك جاقتان جىلىنا ءبىر رەت جان - جاقتى باقىلاۋ – تەكسەرۋ، باعالاۋ جۇرگىزىپ، اۋدان، اۋىل – قىستاق جانە زاۆود، كەن، كاسىپورىن مەكتەپتەردىڭ باقىلاۋ – تەكسەرۋ، باعالاۋ ىستەرىن %50تەن استام ازايتۋ نىساناسىن اتقارۋعا شىنايى كەپىلدىك ەتۋ كەرەك؛
● ناتيجەنى باعدار ەتۋدى كۇشەيتۋ، ءبىر جەر مەن ورىننىڭ قىزمەتىن باعالاپ – تەكسەرۋدىڭ تەتىگى ءىس جۇزىندىك ماسەلەلەردى شەشىم ەتتى مە، جوق پا، بۇقارانىڭ باعاسى قالاي دەگەن ماسەلەلەرگە سايادى؛
● ءبىر سىدىرعى تاسىلدەردى باتىل تۇزەتۋ كەرەك، نەگىزگى ساتىداعى كادرلەردەن كەستە تولتىرىپ، ساندى مالىمەت بەرۋدى، ساتىلار بويىنشا ماتەريال مالىمدەۋدى بەتالدى تالاپ ەتۋگە بولمايدى. باسشىنىڭ بەكىتپەسى، جيىن اشىپ قۇجات تاراتۋ، ەسەپ ەستەلىگى، قىزمەت ەستەلىگى قاتارلىلاردى قىزمەتتىڭ تياناقتانۋ – تياناقتانباۋىنىڭ ولشەمى ەتۋگە بولمايدى. ءۇنحات قىزمەت توبى، اكىمشىلىك ىستەر APP قولدانباسىنا قىزمەت ورنالاستىرعان كەزدەگى سۋرەتتى نەمەسە تۇسىرگەن كەسكىندى شىعارۋدى ناقتى قىزمەتكە باعا بەرۋدىڭ ورنىنا قويۋعا بولمايدى.
● «ءبىر داۋىسپەن تەرىستەيتىن» ىستەردى قاتاڭ مەڭگەرۋ كەرەك، قيت ەتسە بولعانى «جاۋاپكەرشىلىك قۇجاتىنا» قول قويدىرۋعا، ءتۇرى وزگەرگەن تاسىلدەر ارقىلى جاۋاپكەرشىلىكتى جەرگىلىكتى ورىن مەن نەگىزگى ساتىعا يتەرمەلەۋگە بولمايدى.
● قالالاردى ساراپتاۋ، باعالاۋ، ماداقتاۋعا ساياتىن ءتۇرلى قيمىلداردى شوعىرلى تۇردە تارتىپكە سالۋ، كۇشىنەن قالدىراتىندارىن قالدىرىپ، بىرىكتىرەتىنىن بىرىكتىرۋ كەرەك.
● شارلاۋ – تەكسەرۋ، قورشاعان ورتانى قورعاۋدى باقىلاۋ - تەكسەرۋ، كەدەيلىكتەن ارىلتۋدا قامال الۋدى باقىلاپ – تەكسەرۋ جانە باعالاۋ، ۇكىمەتتىڭ زور كولەمدى باقىلاپ – تەكسەرۋى، پارتيا قۇرىلسىن باعالاۋ قاتارلى ىستەر جونىندە جەتەكشى ورىندار دا نەگىزگى ساتىداعى ورىنداردىڭ پىكىرىنە قۇلاق اسىپ، كەمەلدەندىرىپ، ساپالاندىرۋ، جاقسارتۋ شارالارىن ورتاعا قويۋى كەرەك؛
● تەكسەرىپ – زەرتتەۋ، زاڭنىڭ اتقارىلۋىن تەكسەرۋ قاتارلىلاردا قاراپايىم بولۋ، ناقتى ونىمدىلىككە ءمان بەرۋ، نەگىزگى ساتىداعى ورىنداردىڭ قالىپتى قىزمەتىنە كەدەرگىلىك جاساماۋ كەرەك؛
كادرلەردىڭ جاۋاپكەرشىلىك ارقالاۋعا باتىلدىق ەتە الماۋى ماسەلەسى جونىندە ۇقتىرۋدا تومەندەگىدەي تالاپتار ورتاعا قويىلعان:
● قاتاڭ باسقارۋ مەن قامقورلىق جاساۋدى ۇشتاستىرۋ، شىندىقتى ءىس جۇزىنەن ىزدەپ، جاۋاپكەرشىلىگىن ەرەجە، ءتارتىپ، زاڭ بويىنشا قاتاڭ تەكتەۋ، جاۋاپكەرشىلىكتى تەكتەۋدى ارناعا ءتۇسىرۋ، جاۋاپكەرشىلىكتى دالمە – ءدال تەكتەۋ، جاۋاپكەرشىلىكتى بايىپتىلىقپەن تەكتەۋگە تاباندى بولۋ كەرەك؛
● «جۇڭگو كوممۋنيستىك پارتياسىنىڭ جاۋاپكەرشىلىكتى تەكتەۋ ەرەجەسىنە» وزگەرىس ەنگىزۋ. جاۋاپكەرشىلىكتى تەكتەۋدىڭ پارمەندى بولماۋى جانە جاۋاپكەرشىلىكتى تەكتەۋدى قاراپايىمداستىرۋ سياقتى ماسەلەلەردى ويداعىداي شەشۋ كەرەك؛
● جاۋاپكەرشىلىگى قۋزاستىرىلعان كادرلارعا دۇرىس مامىلە جاساۋ، مەرزىمى تولعان، بەينەسى جاقسى كادرلاردى، قاتىستى شارتقا ۇيلەسەتىندەرىن، ىستەتۋگە تيىستىلەرىن ىستەتۋ كەرەك؛
● ءتارتىپ تەكسەرۋ، باقىلاۋ ورگاندارى اشكەرەلەۋ، شاعىم ايتۋدى ءبىرجاقتى ەتۋ ەرەجەسىن جاساۋ، پارتيا مۇشەلەرىنىڭ ۇقىعىن قامتاماسىزداندىرىپ، كادرلەردى دەر كەزىندە اقتاپ، جالا جابۋ، قاستىق سايلاۋ ارەكەتتەرىن قاتاڭ تەكسەرىپ ءبىر جاقتى ەتۋ كەرەك؛
● اڭگىمەلەسۋ جانە حات ارقىلى سۇراستىرۋ قىزمەت ءادىسىن جاقسارتىپ، كادرلەردىڭ قاجەتسىز پىسيحيكالىق اۋىرتپالىعىن ءونىمدى تۇردە جەڭىلدەتۋ كەرەك؛
● «ءۇشتى پارىقتاندىرۋدىڭ» تالابىن ناقتىلاندىرىپ، كادرلەردىڭ قىزمەتتەگى اعاتتىقتارىنىڭ، قاتەلىكتەرىنىڭ سيپاتى مەن ىقپالىن دۇرىس مەڭگەرۋ، كادرلەردىڭ قىزمەت ىستەۋ،كاسىپ جاراتۋداعى بەلسەندىلىگىن شىنايى قورعاپ، جاۋاپكەرشىلىك ارقالاۋدان قاشقالاقتامايتىندار ءۇشىن جاۋاپكەرشىلىك ارقالاۋ كەرەك؛
● نەگىزگى ساتىداعى كادرلەردى، اسىرەسە، قيىنشىلىعى بار، جاپالى وڭىرلەردە جانە كەدەيلىكتەن ارىلتۋدا قامال الۋدىڭ ءبىرىنشى شەبىندە قۇلشىنس جاساپ جاتقان كادرلەردى اناعۇرلىم كوبىرەك ءتۇسىنىپ جانە قولداۋ كورسەتىپ، ساياسات، مامىلە قاتارلى جاقتاردان قولداپ – قۋاتتاۋ؛ كەرەك؛
تياناقتاندىرۋدى مىقتى ۇستاۋ قىزمەت مەحانيزمى جونىندە ورنالاستىرۋ جاسادى —
ورتالىق كوميتەت كەڭسەسى جەتەكشى بولىپ، جەر – جەردەگى پارتكوم كەڭسەسى جاۋاپكەرشىلىكتى تياناقتاندىرۋدى سايكەستى ىلگەرىلەتەدى
«ۇقتىرۋدىڭ» دايەكتى تياناقتاندىرىلۋىنىڭ نەگىزى ءار دارەجەلى پارتكومداردىڭ (پارتگرۋپپالاردىڭ) نەگىزگى تۇلعالىق جاۋاپكەرشىلىگىن مۇقيات اتقارىپ، ءوز رايونىن، ءوز تاراۋىن، ءوز قىزمەت ورنىن وسى كولەمگە ەنگىزىپ، قىزمەتتى ناقتى، ىشكەرىلەي يگەرىپ، نەگىزگى ساتىداعى كادرلەر مەن جۇرتشىلىققا شىنايى تابىس سەزىمىن باعىشتاۋ، اسىرەسە، فورماشىلدىق ماسەلەسىن فورماشىلدىق تاسىلمەن شەشۋدەن باتىل ساقتانۋ كەرەك؛
«ۇقتىرۋدا» مىنالار ايقىن تالاپ ەتىلدى: باسشىلىق ورگانداردان، ەڭ اۋەلى ورتالىق كوميتەت پەن مەملەكەتتىك ورگانداردان باستاپ، ستيل قۇرىلىسىن ارناۋلى جونگە سالۋ قيمىلىن ورىستەتىپ، نەگىزگى ساتىداعى كادرلەردى مازالايتىن فورماشىلدىق ماسەلەلەرىن جاپپاي تەكسەرىپ، يدەيالىق كوزقاراس، قىزمەت ستيلى جانە باسشىلىق ءادىسى جاعىنان ءتۇپ – تۇركىنىن تاۋىپ، رەتتەۋ – تۇزەتۋدى مىقتى ۇستاۋ كەرەك. ءارقايسى جەرلەردەگى، تاراۋلارداعى پارتكومداردىڭ (پارتگرۋپپالاردىڭ) شۋجيلارى جالپى جاۋاپكەرلىكتى ارقالاپ، شىنايى دا جارامدى شارالاردى قولدانىپ، فورماشىلدىققا، تورەشىلدىككە قارسى باتىل كۇرەس جۇرگىزۋ كەرەك.
«ۇقتىرۋدا» تياناقتاندىرۋدى مىقتى ۇستاۋ قىزمەت مەحانيزمى جونىندە دە ورنالاستىرۋ جاسالىپ، پارتيا ورتالىق كوميتەتىنىڭ ءبىرتۇتاس باسشىلىعىندا، ورتالىق كوميتەت كەڭسەسى باستاماشى بولاتىن ارناۋلى قىزمەت مەحانيزمىن ورناتۋ ورتاعا قويىلدى. جەر - جەردەگى پارتكوم كەڭسەلەرى پارتكومنىڭ باسشىلىعىندا، سايكەستىرۋ – ىلگەرىلەتۋ، تياناقتاندىرۋ جاۋاپكەرشىلىگىن ارقالاۋى كەرەك. اۋدارعان نۇرعيسا قۇرمانجان ۇلى، قاۋلا بەيسەن قىزى (پراكتيكانت)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
