ەڭبەككۇش بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى جاڭ جينان: بيىل زەينەتاقىنى «15 – رەت رەتتەۋ» جۇزەگە اسىرىلادى

2019.03.13 16:44   كەلۋ قاينارى : حالىق تورابى

　　شينحۋا اگەنتتىگى، 3 – ايدىڭ 12 – كۇنى، بەيجيڭ (ءتىلشى يە حاۋميڭ). ەڭبەككۇش بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى جاڭ جينان 3 – ايدىڭ 12 – كۇنى حالىق سارايىنداعى «مينيسترلەر دالىزىندە» بىلاي دەدى: بيىل زەينەتكە شىققانداردىڭ نەگىزدىك زەينەتاقىسى ۇيلەسىمدى مولشەردە ۇزدىكسىز جوعارىلاتىلىپ، زەينەتاقىنى «15 – رەت رەتتەۋدى» جۇزەگە اسىرامىز.

　　بيىل ۇكىمەت قىزمەتىنەن باياندامادا مىنالار ورتاعا قويىلدى: كاسىپورىنداردىڭ قوعامدىق قامتاماسىزداندىرۋ اقىسىن جيناۋ اۋىرتپالىعى كورنەكتى تومەندەتىلەدى. كەيبىرەۋلەردىڭ قوعامدىق قامتاماسىزداندىرۋ اقى مولشەرى تومەندەگەن سوڭ زەينەتكەرلىك قامسىزداندىرۋ مامىلەسىن تاراتۋعا ىقپالىن تيگىزە مە دەپ الاڭداپ وتىرعانىنا قاراتا، جاڭ جينان بىلاي دەدى: «زەينەتاقىنى ءدال ۋاعىندا، تولىعىمەن تاراتۋعا كەپىلدىك ەتۋگە قۋاتىمىز قاپتال جەتەدى».

　　تىلشىلەردىڭ سۇراۋىنا جاۋاپ قايتارعاندا، جاڭ جينان ءبىر بولەك سان – سيفرلارمەن سيتات كەلتىرىپ بىلاي دەدى: «قوعامدىق قامتاماسىزداندىرۋ اقى مولشەرى تومەندەگەن سوڭ، ەلىمىز تۇلعالىق جاقتان سول مەزگىلدەگى قور كىرىسىنىڭ شىعىستان ارتىق بولاتىندىعىنا كەپىلدىك ەتەدى؛ ىركىندى اقشا ءالى دە مول، كەزەكتە ەلىمىز كاسىپورىندارىنداعى زەينەتكەرلىك قامسىزداندىرۋ قورىنىڭ جيناق قالدىق سوماسى 478 ميلليارد يۋان؛ بۇكىل ەلدەگى قوعامدىق قامتاماسىزداندىرۋ قورىندا ءالى 200 ميلليارد يۋان توڭىرەگىندە ستراتەگيالىق زاپاس اقشا ساقتاۋلى، بۇدان كەيىن دە ءبىر ءبولىم مەملەكەت كاپيتالىن بوساتىپ قوعامدىق قامتاماسىزداندىرۋ قورىن ۇزدىكسىز مولايتۋعا بولادى. بۇدان سىرت، ۋنيۆەرسالدى جەلىلەس شارالاردى قولدانىپ، قوعامدىق قامتاماسىزداندىرۋ قورىنىڭ ءۇرتىس ارتۋى جۇزەگە اسىرىلادى».

　　كەلۋ قاينارى: حالىق تورابى