«باس شۋجيمەن بىرگە ەكى ماجىلىسكە قاتىناستىق» اتتى جەلىلەس ماقالالاردىڭ ءتورتىنشى ءبولىمى
اۋقاتتانۋ جايلى اڭگىمەلەپ، سۋرەتتەردى تاماشالاپ، ۇلتتىق اندەردى تىلگە تيەك ەتتى ... باس شۋجي از ۇلتتاردىڭ تۇرمىسىنا وسىلاي كوڭىل ءبولدى
2019.03.14 15:12 كەلۋ قاينارى : حالىق تورابى
از ۇلت رايوندارىنداعى جۇرتشىلىقتىڭ تۇرمىسى ەجەلدەن بەرى باس شۋجي شي جينپيڭنىڭ كوڭىلىندە. ەكى ماجىلىستە جەرگىلىكتى ورىنداردىڭ تالقىسىنا قاتىناسقان كەزدە، شي جينپيڭ از ۇلت ۋاكىلدەرى جانە مۇشەلەرىمەن بىرگە اڭگىمەلەسىپ، حالىق تۇرمىسىن تىلگە تيەك ەتەدى.
اۋقاتتانۋ جايلى اڭگىمەلەپ، سۋرەتتەردى تاماشالاپ، ۇلتتىق اندەردى تىلگە تيەك ەتتى ... باس شۋجي از ۇلت رايوندارىنداعى جۇرتشىلىقتىڭ تۇرمىسىنا قالاي كوڭىل بولەدى؟ قانەكي، جاڭا ءداۋىر ۇيرەنۋ كەڭسەسىنە بىرگە نازار سالىڭىز.
كەدەيلىكتەن ارىلتۋدى تىلگە تيەك ەتىپ، اۋقاتتاندىرۋ جايلى اڭگىمەلەدى — باس شۋجي ەجەلدەن بەرى از ۇلت جۇرتشىلىعىنىڭ قامىن جەيدى
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 – ايدىڭ 5 – كۇنى 13 – كەزەكتى مەملەكەتتىك حالىق قۇرىلتايى 2 – ماجىلىسىندە ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناستى، ەۆەنكى ۇلتىنىڭ ۋاكىلى شي جينپيڭگە كوك ءتۇستى حادا ۇسىنىپ، ىشكى موڭعۇلداعى ءار ۇلت جۇرتشىلىعىنىڭ پارتيا ورتالىق كوميتەتى مەن باس شۋجيعا دەگەن قۇرمەتىن ءبىلدىردى. شي جينپيڭ ولارعا راحىمەت ايتتى ءارى ولاردان ءار ۇلت كادرلەرى مەن بۇقاراسىنا ونىڭ شىنايى حال سۇراعان سالەمىن جەتكىزىپ قويۋدى ءوتىندى. باس شۋجي وسىدان سوڭ گانسۋ ۋاكىلدەر ۇيىرمەسىنىڭ، فۋجيان ۋاكىلدەر ۇيىرمەسىنىڭ تالقىسىنا قاتىناسقان كەزدەردە دە از ۇلت ۋاكىلدەرىمەن شىن ىقىلاسپەن اڭگىمەلەستى.
ىشكى موڭعۇل ۋاكىلدەر ۇيىرمەسىندەگى ەۆەنكى ۇلتى ۋاكىلى مەي حۋا
«ءبىز قاتتى تەبىرەندىك»
«مەن شي جينپيڭگە كوك ءتۇستى حادا ۇسىندىم، وسى ارقىلى ىشكى موڭعۇلداعى ءار ۇلت جۇرتشىلىعىنىڭ پارتيا ورتالىق كوميتەتى مەن باس شۋجيعا دەگەن قۇرمەتىن ءبىلدىردىم». شي جينپيڭ 3 – ايدىڭ 5 – كۇنى 13 – كەزەكتى مەملەكەتتىك حالىق قۇرىلتايى 2 – ماجىلىسىندە ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقاندا، ەۆەنكى ۇلتىنىڭ ۋاكىلى مەي حۋا ەۆەنگى تىلىندە «ايحان» (سالەمەتسىز) دەپ باس شۋجيمەن امانداسىپ، تىلەك ءبىلدىردى.
تالقى بارىسىندا مەي حۋا ءبىر ىسكە نازار اۋداردى، داعۇر ۇلتىنىڭ ۋاكىلى سو شۋحۇي ءسوز العان كەزدە، باس شۋجي شي جينپيڭ: «ءۇش از ۇلتتىڭ» قالعان ەكەۋىن سۇراستىرىپ، ەۆەنكى ۇلتىنىڭ ۋاكىلى قايدا وتىر؟ قايسىڭىز ىلۇنچۇن ۇلتىنىڭ ۋاكىلىسىز؟ — دەپ سۇرادى.
مەي حۋا: باس شۋجي ەجەلدەن بەرى از ۇلت جۇرتشىلىعىنىڭ قامىن جەيدى ەكەن، ءبىز ىشتەي قاتتى تەبىرەندىك، — دەدى اسەرلەنىپ.
ىشكى موڭعۇل ۋاكىلدەر ۇيىرمەسىندەگى موڭعۇل ۇلتى ۋاكىلى ۋ يۇنبو
اۋىلداستارىنىڭ تاپسىرىعىن ورىنداپ، كوڭىلى ورنىعىپ قالدى
3 – ايدىڭ 5 – كۇنى تۇستەن كەيىن، حالىق سارايى، ۋ يۇنبو باس شۋجيدىڭ قارسى جاعىنان ورىن الدى. ءسوز كەزەگى كەلگەندە ول: «نەگىزگى ساتىداعى ءبىز مالشىلار ءسىزدى وتە جاقسى كورەمىز، سىزگە ماداق جاۋدىرىپ وتىرامىز» — دەدى. ول ءسوزىنىڭ سوڭىندا ءبىر اۋىز ءسوزدى كوتەرىڭكى ۇنمەن بىلايشا تولىقتاپ قويدى: «اۋىلداستار ءسىزدى گاشانى كورىپ قايتۋعا شىن ىقىلاسپەن شاقىرىپ وتىر».
ول − ىشكى موڭعۇل اۆتونوميالى رايونى تۇڭلياۋ قالاسى جارۇد حوشۇنى بايىندالا سۇمىنى شىعىس ساراگاشا قىستاعىنىڭ ياچەيكا شۋجيى قوسىمشا قىستاق كوميتەتىنىڭ مەڭگەرۋشىسى. ول بەيجيڭگە جۇرەردىڭ الدىندا اۋىلداستارى وعان باس شۋجي شي جينپيڭگە كەزىگىپ جاتسا، سالەمدەرىن، اۋىلعا شاقىرۋ تىلەكتەرىن، ءسوزسىز، جەتكىزىپ قويۋدى قاداعالاپ تاپسىرعان بولاتىن.
باس شۋجي كۇلىمسىرەپ: «گاشاعا قالاي بارۋعا بولادى؟» — دەپ سۇرادى.
«ۇشاق، پويەز، اۆتوموبيلدىڭ قايسىسى بولسا دا بولادى». ۋ يۇنبونىڭ بۇل جاۋابىن ەستىگەندە جيىن الاڭىندا وتىرعانداردىڭ بارلىعى كۇلىپ جىبەردى.
باس شۋجي: «قانەكي، ماعان جول نۇسقاپ جىبەرىڭىز» — دەدى.
«بەيجيڭنەن ۇشىپ حورچين تۇڭلياۋ اۋەجايىنا باراسىز، ودان سوڭ ... ءبىز توسىپ الامىز!» — جيىن الاڭىندا كۇلكى ءۇنى كۇشەيە ءتۇستى.
ءىس جۇزىندە باس شۋجيدىڭ ويلاپ وتىرعانى كەڭ – بايتاق ساحارادا ۇزاق ۋاقىتتان بەرى سىرتپەن بايلانىس جاساۋدىڭ قيىن بولىپ كەلگەنى ەدى. «تۇڭلياۋ قالا رايونىنان سىزدەر تۇرعان جەرگە دەيىن قانشالىق الىس، قاتىناس قولايلى ما؟»
«قولايلى! اۆتوموبيلمەن ءبىر جارىم ساعاتتا جەتۋگە بولادى».
گاشاعا بارسا، باس شۋجيگە نەلەردى كورسەتۋ كەرەك؟ ۋ يۇنبو كوپتەگەن ەسەپ جاسادى. ءسوز سويلەگەندە گاشانىڭ كەدەيلىكتەن جاپپاي ارىلۋ بارىسىن تانىستىردى، اۋىل – قىستاقتى كەلەسى ساتىداعى گۇلدەندىرۋ جاعدايىن اڭگىمەلەگەندە مىعىم ەرىك – جىگەرمەن ءتىپتى دە زور دامۋ تابىسىنا قول جەتكىزۋ كەرەكتىگىن ايتتى.
«سىزدەر كاسىپپەن ۇشتاسقان ساياحات بازاسىن قۇرۋدى ويلاپ وتىر ەكەنسىزدەر، مۇنىڭ نەگىزگى فورماسى قالاي بولادى؟» — ۋ يۇنبونىڭ نىسان تانىستىرۋ جاعدايىنا قىزىققان باس شۋجي وسىلاي سۇراۋ قويدى.
«ەرەكشەلىگى ايقىن ۇلتتىق مادەنيەت! تاعى مال شارۋاشىلىعىن وسىزامانداندىرا دامىتۋعا قۇلشىنىپ وتىرمىز، مۇنى دا كورەيىك».
باس شۋجي ونى ماركانىڭ تانىمالدىعىن ارتتىرۋعا شابىتتاندىردى. باس شۋجي سوزىندە تاعى مىنانى دارىپتەدى: «ەكولوگياعا الدىمەن ءمان بەرىلەتىن، جاسىل دامۋدى نىسانا ەتكەن ساپالى دامۋدىڭ جاڭا جولىنا ءتۇسۋ جاعىندا ىزدەنۋ كەرەك».
ەكى ساعات كوزدى اشىپ – جۇمعانشا وتە شىقتى. باياندامانى قاراۋ اياقتالدى، باس شۋجي شي جينپيڭ ۋاكىلدەرمەن ءبىر – بىرلەپ قول الىستى. ۋ يۇنبومەن قول الىسقاندا باس شۋجي كۇلىمسىرەپ: «ءسىزدىڭ سيىر ەتى جونىندەگى تانىستىرۋىڭىز اسا جۇيەلى بولدى» — دەدى.
گانسۋ ۋاكىلدەر ۇيىرمەسىنىڭ باۋ – ان ۇلتى ۋاكىلى دۇڭ ساييۇن
«مەن اسا زور باقىت سەزىنىپ، توتەنشە اسەرلەندىم»
«نەگىزگى ساتىداعى وقۋ – اعارتۋ قىزمەتىمەن شۇعىلداناتىن از ۇلت ۋاكىلى رەتىندە، بەيجيڭدە باس شۋجيعا ءبىزدىڭ كەدەي رايوندارداعى جان سانىنىڭ ساپاسىن جوعارىلاتۋ جاعىنداعى ىستەردەن مالىمەت بەرگەنىمدى اسا زور داڭق دەپ سەزىنىپ، توتەنشە اسەرلەندىم»، — دەيدى گانسۋ ولكەسى لينشيا حۇيزۋ اۆتونوميالى وبلىسى جيشىشان باۋ – ان – دۇڭشياڭ – سالار اۆتونوميالى اۋدانى چۇيماتان باستاۋىش مەكتەبىنىڭ باستىعى دۇڭ ساييۇن.
شي جينپيڭ 3 – ايدىڭ 7 – كۇنى 13 – كەزەكتى مەملەكەتتىك حالىق قۇرىلتايى 2 – ماجىلىسىندە گانسۋ ۋاكىلدەر ۇيىرمەسىنىڭ تالقىسىنا قاتىناستى.
دۇڭ ساييۇن: باس شۋجيدىڭ ماڭىزدى ءسوزى ادامدى العا ۇمتىلۋعا جەلپىندىرەدى، وقۋ – اعارتۋ قىزمەتكەرى رەتىندە، مەن نەگىزگى ساتىداعى وقۋ – اعارتۋ ارقىلى كەدەيلەردى سۇيەمەلدەۋ قىزمەتىنىڭ ەڭ الدىڭعى شەبىندە جۇرگەندىكتەن، جاۋاپكەرشىلىكتىڭ اسا زور ەكەنىن تەرەڭ سەزىنەمىن، — دەيدى.
دۇڭ ساييۇن مىنانى ءبىلدىردى: باس شۋجي شي جينپيڭ جاۋاپكەرشىلىكتى تياناقتاندىرۋدا بوساڭسىماۋدى باسا دارىپتەدى، وقۋ – اعارتۋ جاعىندا كەدەيلەردى سۇيەمەلدەۋ جاۋاپكەرشىلىگى بىزگە جۇكتەلدى. مىندەتتى وقۋ – اعارتۋدىڭ ساپالى دا بىركەلكى دامۋى ءۇشىن ۇزاق ۋاقىت ەڭبەكتەنۋگە، زور كۇش شىعارۋعا تۋرا كەلەدى، بۇل ۇزاق مەرزىمدىك بارىس ەسەپتەلەدى، ءبىزدىڭ جاپا – ماشاقاتتى دا ناقتى جۇمىستاردى تىندىرۋىمىزدى قاجەت ەتەدى، مىسالى، ۇلتتىق كەدەي رايونداردا اناعۇرلىم مول جەرگىلىكتى جوعارى ساپالى دارىندىلاردى جانە وقىتۋشىلار قوسىنىن تاربيەلەۋدى ويداعىداي شەشىم ەتۋ قاتارلى ماسەلەلەر، ءبىزدىڭ ۇزدىكسىز قۇلشىنۋىمىزدى قاجەت ەتەدى.
دۇڭ ساييۇن: مەيمانحاناعا قايتقان جولدا مەن باس شۋجيدىڭ اماناتىن، ءسوزسىز، ورىندايمىن دەگەندى ويلاۋمەن بولدىم. مىندەتتى وقۋ – اعارتۋ ءبىز سياقتى وقۋ – اعارتۋ قىزمەتكەرلەرى ارقىلى ىسكە اسادى، اتا – مەكەندى كوركەيتىپ، اتا – مەكەندەگى بالالار ءۇشىن قىزمەت ىستەۋ ءبىزدىڭ بورىشىمىز، — دەدى دۇڭ ساييۇن.
فۋجيان ۋاكىلدەر ۇيىرمەسىندەگى شىزۋ ۇلتى ۋاكىلى لەي جينيۇي
«قايىقتاعى حالىقتىڭ» جاعاعا قونىستانۋ احۋالىن باس شۋجيگە ارنايى تانىستىردى
شي جينپيڭ 3 – ايدىڭ 10 – كۇنى 13 – كەزەكتى مەملەكەتتىك حالىق قۇرىلتايىنىڭ 2 – ماجىلىسىندە فۋجيان ۋاكىلدەر ۇيىرمەسىنىڭ تالقىسىنا قاتىناستى.
تالقى بارىسىندا فۋ – ان قالاسى بانجۇڭ شىزۋ ۇلتى اۋىلى حوۋمىنپيڭ قىستاعى قىستاق كوميتەتىنىڭ مەڭگەرۋشىسى لەي جينيۇي ۋاكىل ءبىرىنشى بولىپ ءسوز كەزەگىن الىپ، كەدەيلىكتەن ارىلتۋدا قامال الۋ شايقاسى جونىندە باس شۋجي شي جينپيڭگە ءوزىنىڭ ءامالياتتان العان اسەرلەرىن جەتكىزدى. ول باس شۋجيعا «قايىقتاعى حالىقتىڭ» جاعاعا قونىستانۋ جاعدايىن ارنايى تانىستىردى. «باس شۋجي فۋجياندا قىزمەت ىستەگەن كەزدە «قايىقتاعى حالىقتىڭ» جاعاعا قونىستانۋىن كۇش سالا ىلگەرىلەتكەن بولاتىن».
سۋرەتتەردى تاماشالاپ، ۇلتتىق اندەردى تىلگە تيەك ەتتى — باس شۋجيدىڭ از ۇلت ۋاكىلدەرىمەن جۇزدەسۋى
جۋىرداعى ەكى جىلدان بەرگى ەكى ماجىلىستە، باس شۋجي جەرگىلىكتى ۋاكىلدەر ۇيىرمەلەرىنىڭ تالقىسىنا قاتىناسقان كەزدە ءار جولى از ۇلت ۋاكىل – مۇشەلەرىمەن شىن ىقىلاسپەن اڭگىمەلەسەدى.
از ۇلت ۋاكىلدەرى باس شۋجيمەن جۇزدەسكەن كەزدە كوڭىل كۇيلەرىن ءسوز سويلەگەن كەزدە جانارىنان جاس الۋ، باس شۋجيعا بۇكىل وتباسىنداعىلاردىڭ سۋرەتىن كورسەتۋ، ۇلتتىق اندەردى تىلگە تيەك ەتۋ قاتارلى ءتۇرلى فورمالار ارقىلى بەينەلەيدى.
ىشكى موڭعۇل ۋاكىلدەر ۇيىرمەسىندەگى مانزۋ ۇلتى ۋاكىلى جاۋ حۇيجيە
«ءسوز سويلەگەن كەزدە، جانارىمنان تامعان جاستى تيا المادىم»
چىفىڭ قالاسى سۇڭشان رايونى دامياۋ قالاشىعى شياۋمياۋ قىستاعى پارتيا ياچەيكاسىنىڭ شۋجيى جاۋ حۇيجيە سول كەزدى ەسىنە الدى، ول سول كەزدە سوزگە شىققاندا، جانارىنان تامعان جاستى تيا الماعان ەدى. قىستاق تۇرعىندارى باس شۋجيعا: «تۇرمىسىز كۇننەن – كۇنگە جاقساردى، ستيل بارعان سايىن دۇرىستالدى، جۇمىستى بارعان سايىن جىگەرلەنە ىستەۋدەمىز!» دەگەن سوزدەرىن جەتكىزىپ قويۋدى وتىنگەن، بۇل ولاردىڭ ورتاق ارمانى ەدى.
دامۋ ءۇردىسى جونىندە ايتقان كەزدە، جاۋ حۇيجيە قىستاقتىڭ بورمي ەگۋدەن ءسابىز ەگۋگە، ونان جۇڭگوشا شيپاگەرلىكتەگى دارىلىك وسىمدىكتەردى ەگۋگە ويىسقانىن ايتتى، بىتىراندى وتباسىلاردىڭ وزدەرى جول قاراستىرۋدان «پارتيا ياچەيكاسى + سەلبەستىك كوپەراتيۆى + ديحاندار وتباسى» سىندى سەلبەستىكتىڭ جاڭا جولىنا تۇسكەنىن اڭگىمەلەدى، باس شۋجي اراسىندا ءسوز قىستىرىپ، كىسى باسىنا تيەتىن ەگىن ەگەتىن جەر مولشەرى، كوكونىس ەگۋ مولشەرى، بازارداعى باعا، ساياساتتىق تيىمدىلىك، لاس زاتتاردى ءبىرجاقتى ەتۋ قاتارلى كوپتەگەن ناقتى تۇيىندەردى سۇراستىردى.
شينجياڭ ۇيعۇر اۆتونوميالى رايونى ۋاكىلدەر ۇيىرمەسىنىڭ ۇيعۇر ۇلتى ۋاكىلى مامەتيرم مامەتيمين
پارتيانىڭ ساياساتى جاقسى
2017 – جىلى كوكتەم مەرەكەسىنىڭ الدىندا باس شۋجي قۇربان تۇلىمنىڭ قىزىنا حات قايتارىپ، تىلەك جولدادى. وسى جولى مامەتيرم مامەتيمين بەيجيڭگە كەلەردە قۇربان اعايدىڭ وتباسىنداعىلار باس شۋجي شي جينپيڭگە ءار ۇلت جۇرتشىلىعىنىڭ پارتيانىڭ قامقورلىعىن ماڭگى ەستە ساقتايتىنىن جەتكىزىپ قويۋدى قايتا – قايتا تاپسىردى.
2017 – جىلى 3 – ايدىڭ 10 – كۇنى باس شۋجي شي جينپيڭ 12 – كەزەكتى مەملەكەتتىك حالىق قۇرىلتايى 5 – ماجىلىسىندە شينجياڭ ۋاكىلدەر ۇيىرمەسىنە كەلىپ، ۋاكىلدەرمەن جۇزدەسىپ، كوپشىلىكپەن مەملەكەت ىستەرى جونىندە كەڭەستى. تالقى بارىسىندا مامەتيرم مامەتيمين باس شۋجيدىڭ قاسىنا كەلىپ، قۇربان اعايدىڭ وتباسىنداعىلاردىڭ سۋرەتىن باس شۋجيعا كورسەتتى. باس شۋجي جىنتىكتەي سۇراپ، مامەتيرم مامەتيمينگە ءوزىنىڭ سالەمىن ولارعا جەتكىزىپ قويۋدى تاپسىردى.
جۋىرداعى جىلداردان بەرى، باس ۇجمە قىستاعىندا تىڭ وزگەرىستەر بولىپ، جۇرتشىلىق يگىلىككە كەنەلدى، «نان مەن قوشاقاننىڭ قالاي قولعا كەلەتىنىن» اناعۇرلىم ايقىن ءبىلدى، ىنتىماقتى تىلەپ، ورنىقتىلىقتى ءۇمىت ەتىپ، دامۋدى ويلاستىردى. مامەتيرم مامەتيمين جۇرتتىڭ پارتيانىڭ ساياساتى جاقسى دەپ القايتىنىن ايتتى. باس شۋجي دا: جاقسى! — دەپ جاۋاپ قايتاردى.
حەيلۇڭجياڭ ۋاكىلدەر ۇيىرمەسىندەگى حىجى ۇلتى ۋاكىلى ليۋ لەي
«باس شۋجيمەن سويلەسكەندە تارتىنعان سەزىمدە بولماستان، اعا بۋىنمەن اڭگىمەلەسكەندەي سەزىندىم»
شي جينپيڭ 2016 – جىلى 3 – ايدىڭ 7 – كۇنى 12 – كەزەكتى مەملەكەتتىك حالىق قۇرىلتايى 4 – ماجىلىسىندە حەيلۇڭجياڭ ۋاكىلدەر ۇيىرمەسىنىڭ تالقىسىنا قاتىناستى.
1984 – جىلى تۋعان حىجى ۇلتى بويجەتكەنى ليۋ لەي حەيلۇڭجياڭ ولكەسى تۇڭجياڭ قالاسى جيەجينكوۋ اۋىلىنداعى باستاۋىش مەكتەپ مۇعالىمى. ول باس شۋجيمەن جۇزدەسەمىن دەگەندى ەشقاشان ويلاپ كورمەگەنىمەن، تالقى ۇستىندە ەشقانداي قىسىلمادى، ۇيتكەنى، «باس شۋجيمەن سويلەسكەندە تارتىنعان سەزىمدە بولماستان، اعا بۋىنمەن اڭگىمەلەسكەندەي سەزىندى».
ليۋ لەي ءسوز كەزەگىن العان كەزدە، ءوزىنىڭ شىنايى اسەرلەرىن وتە قاراپايىم سوزدەرمەن جەتكىزىپ: «بالا كۇنىمىزدە قىستاقتا بالشىق پەن شوپتەن سوعىلعان ۇيلەر كوپ بولۋشى ەدى، سىرتتا نوسەر جاۋسا، ءۇي ىشىنەن تامشى سورعالايتىن. مەملەكەتتىڭ شەكارا وڭىرلەردى كوركەيتىپ، حالىقتى اۋقاتتاندىرۋ قاتارلى ساياساتتارىنىڭ دەمەۋىندە، قىستاعىمىزداعى جۇرت كەرپىش ۇيلەرگە كوشىپ كىردى»، «حىجى ۇلتى جۇرتشىلىنىڭ تۇرمىسى دا ۋسسۋري وزەنىندەگى كەمەشىلەر انىندە ايتىلعانداي باقىت جولىنا ءتۇستى»، — دەگەن ەدى.
باس شۋجي ۋسسۋري وزەنىندەگى كەمەشىلەر انىنە قۇلاعىمىز تەگىننەن قانىق ەكەنىن ايتا كەلىپ، قامقورلىقپەن مىناداي سۇراۋلاردى سۇرادى: قازىر بالىق اۋلاۋمەن كۇن كەشىرەتىن ادامداردىڭ سانى قانشالىق؟ وزەندە بالىق ءالى كوپ پە؟ ... ليۋ لەي: مەن ونىڭ ءاربىر سوزىنەن باس شۋجيدىڭ اۋىلداستاردىڭ تۇرمىسىنا ايرىقشا كوڭىل بولەتىنىن سەزىندىم، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
